যদি আপুনি নিয়মীয়াকৈ চাহ সেৱন কৰে তেন্তে আপুনি হয়তো ভাবিব পাৰে যে সিজোৱা চাহপাত আৰু টি বেগবোৰ পেলাই দিয়াৰ বাহিৰে আন কিবা কামত ব্যৱহাৰ কৰিব পাৰি নেকি। সৌভাগ্যক্ৰমে, সিজোৱা চাহপাতৰ আন ব্যৱহাৰো আছে। সেইবোৰ আপোনাৰ বাগিচত পচন সাৰ হিচাপে ব্যৱহাৰ কৰিব পাৰে।
ব্যৱহৃত চাহ পাতৰপৰা সাৰপ্ৰস্তুত কৰাটো এক পৰিৱেশ অনুকুল আৰু স্বাস্থ্যকৰ অভ্যাস। আপোনাৰ ব্যৱহৃত টি বেগবোৰৰ পৰা পৰিত্ৰাণ পাবলৈ এক উৎকৃষ্ট "সেউজ" পদ্ধতি হৈছে সেইবোৰ আপোনাৰ কম্পোষ্ট বিন বা বাগিচাত ৰখা, যি আপোনাৰ উদ্ভিদৰ স্বাস্থ্যৰ বাবেও উপকাৰী।
চাহ পাত বাগিচা, পচন সাৰৰ পাত্ৰ, আৰু মাটি সংশোধনৰ বাবে উৎকৃষ্ট জৈৱিক সাৰ। ই "সেউজীয়া" বা নাইট্ৰজেন সমৃদ্ধ উপাদান হিচাপে পচন সাৰৰ "মুগা" বা কাৰ্বন সমৃদ্ধ উপাদানবোৰৰ বাবে এক লাভজনক প্ৰতিসন্তুলন হিচাপে কাম কৰে। যদি আপুনি আপোনাৰ চাহ টি বেগৰ সহায়ত বনায় তেন্তে আপুনি চাহ আৰু মোনা দুয়োটাৰে সাৰ কৰিব পাৰে।
চাহ পাত কম্পোষ্টিংৰ বাবে কিয় ভাল?
আপোনাৰ পচন সাৰৰ স্তূপৰ বাবে জৈৱিক পদাৰ্থৰ এক ডাঙৰ উৎস হৈছে চাহ মোনা আৰু পাত। চাহপাতত প্ৰচুৰ পৰিমাণে থকা পটাছিয়াম, ফছফৰাছ আৰু নাইট্ৰ’জেনৰ দৰে পুষ্টিৰ প্ৰাকৃতিক উৎসই আপোনাৰ পচন সাৰৰ স্তূপত কাৰ্বন সমৃদ্ধ উপাদানবোৰ সন্তুলিত কৰাত সহায় কৰিব পাৰে।
সিজোৱা চাহৰ মোনাবোৰে পচন ত্বৰান্বিত কৰিব পাৰে আৰু আপোনাৰ পচন সাৰত আৰ্দ্ৰতাৰ স্তৰ স্থিৰ ৰখাত সহায় কৰিব পাৰে। সিজোৱা চাহ পাতবোৰে অক্সিজেনৰ স্তৰ বৃদ্ধি কৰাত সহায় কৰিব পাৰে, যাৰ ফলত পৰিৱেশ কেঁচুৰ বাবে অধিক অনুকূল হৈ পৰে।
যদিহে আপোনাৰ কোনো কম্পোষ্ট পাইল নাই, আপুনি আপোনাৰ গছৰ ভেটিৰ ওচৰত মাটিত ঢিলা চাহ পাত বিয়পাই বা মাটিত চাহৰ মোনা পুতি দি, বাগিচাৰ মাটি উন্নত কৰিবলৈ সিজোৱা চাহ ব্যৱহাৰ কৰিব পাৰে।
চাহৰ মোনাবোৰ কম্পোষ্ট কৰিব পাৰিনে?
হয়, আপুনি আপোনাৰ পচন সাৰৰ পাত্ৰ বা বাগিচাত চাহৰ মোনা অন্তৰ্ভুক্ত কৰিব পাৰে, কিন্তু এইক্ষেত্ৰত এটা কথা মনত ৰাখিব লাগিব। নিশ্চিত কৰিব যে আপোনাৰ চাহৰ মোনাবোৰ পচন সাৰৰ পাত্ৰত ৰখাৰ আগতে জৈৱ-পচনশীল সামগ্ৰীৰে তৈয়াৰ কৰা হয়।
এতিয়া বজাৰ কৰা প্ৰায় ২০-৩০% চাহ মোনাত পলিপ্ৰপাইলিন অন্তৰ্ভুক্ত থাকে, যাক সাৰত দিব নোৱাৰি। ইয়াৰ উপৰি, আপোনাৰ টি বেগৰ কোনো উপাদান পৰিৱেশৰ বাবে বিপদজনক হ'ব নালাগে।
মোনাটো খুলি, সামগ্ৰীবোৰ স্তূপটোত খালী কৰাৰ পাছতো যদি আপুনি নিশ্চিত নহয় যে আপোনাৰ চাহৰ মোনাবোৰ পচন সাৰযোগ্য হয় নে নহয় তেনেহ'লে মোনাটো আৱৰ্জনাত পেলাই দিয়া উচিত।
ভাৰ্মিকম্পোষ্ট এটা বিকল্প হ'ব পাৰে!
যদি আপোনাৰ প্ৰয়োজনীয় ঠাই নাথাকে তেন্তে পচন সাৰৰ স্তূপৰ ঠাইত ভাৰ্মিকম্পোষ্ট (ৱৰ্ম মাল্চিং) ব্যৱহাৰ কৰিব পাৰি। ইয়াত প্ৰক্ৰিয়াটোৰ এক সহায়ক বৰ্ণনা দিয়া হৈছে। যদি আপোনাৰ ইতিমধ্যে এটা পচন সাৰ প্ৰস্তুত কৰাৰ ব্যৱস্থা আছে, আপুনি কেৱল মাল্চত এটা পকেট বনাব লাগিব, ইয়াত চাহ পাত ৰাখিব লাগিব, আৰু ইয়াক পাতল তৰপেৰে ঢাকি দিব লাগিব।
সিজোৱা চাহৰ বেগ আৰু পাত কেনেকৈ কম্পোষ্ট কৰিব?
- আপোনাৰ চাহ সিজাই হোৱাৰ পিছত কেটলী বা কাপৰ পৰা চাহ পাত বা কম্পোষ্টেবল টি বেগটো আঁতৰাওক, আৰু সেইবোৰ একাষৰীয়াকৈ ৰাখক। আপুনি আপোনাৰ পাকঘৰৰ কম্পোষ্ট বিন বা বাল্টিত ব্যৱহৃত চাহপাত ৰাখিব পাৰে।
- চাহ মোনা বা পাতবোৰ সম্পূৰ্ণৰূপে ঠাণ্ডা হ'বলৈ দিয়ক।
- আপোনাৰ ঘৰৰ বাহিৰৰ পচন সাৰৰ স্তূপটো সিজোৱা চাহপাত বা সাৰযোগ্য টি বেগেৰে ভৰ্তি কৰক।
- চাহেৰে সাৰ প্ৰস্তুত কৰাটো চাহ সেৱন কৰাসকলৰ বাবে তেওঁলোকৰ উদ্ভিদৰ লবলৈ আৰু তেওঁলোকৰ কম্পোষ্ট বিনত যোগ দিবলৈ এক সৰল আৰু কাৰ্যকৰী পদ্ধতি।
(জৈৱিক কৃষিৰ সৈতে জড়িতসকলৰ বাবে সু-খবৰ। জৈৱিক কৃষিৰ সৰ্ব বৃহৎ বাণিজ্য মেলা অনুষ্ঠিত হ’ব গুৱাহাটীত। ছিকিম ষ্টেট কো-অপাৰেটিভ ছাপ্লাই এণ্ড মাৰ্কেটিং ফেডাৰেচন লিমিটেড (Sikkim State Cooperative Supply and Marketing Federation Ltd.) চমুকৈ ছিমফেড(SIMFED)এ অসম চৰকাৰৰ কৃষি বিভাগৰ সহযোগত এই মেলাৰ আয়োজন কৰিছে। ৩ ফেব্ৰুৱাৰীৰপৰা ৫ ফেব্ৰুৱাৰীলৈ আয়োজন কৰা এই বাণিজ্য মেলাত নলেজ পাৰ্টনাৰৰ ভূমিকা গ্ৰহণ কৰিব চিমফেডে। জৈৱিক ফচলৰ খেতি কৰা কৃষক বা উৎপাদকৰ সৈতে উপভোক্তাৰ সম্পৰ্ক স্থাপনৰ উদ্দেশ্যে আয়োজন কৰা হৈছে এই মেলাৰ। এই বিষয়ে অধিক জানিবলৈ এই লিংকত ক্লিক কৰক- https://asomiya.krishijagran.com/news/indias-biggest-expo-on-organic-to-be-held-in-guwahati/
যদিহে আপুনি এই মেলাত যোগদান কৰিব বিচাৰে তেন্তে যোগাযোগ কৰক এই নম্বৰত- ৯৮৯১২২৩৩৪০)
লগতে পঢ়কঃ ঠাণ্ডা দিনত দৈ খালে কি হয় জানেনে?