ভাৰতত আলু নোখোৱা কোনো ব্যক্তি নাই। ইয়াত সকলো ধৰণৰ ৰন্ধনত আলু ব্যৱহাৰ কৰা হয়। সমগ্ৰ ভাৰততে চিংৰা অতি আগ্ৰহেৰে খোৱা হয়। আলু অবিহনে ইয়াৰ বিষয়ে ভবাটোও সম্ভৱ নহয়। আলু পৰঠা হৈছে ঠাণ্ডাৰ অন্যতম সুস্বাদু ভাৰতীয় খাদ্য। ভাৰতত আলুক আনকি পাচলিৰ ৰজা বুলিও কোৱা হয়। কিন্তু আপুনি জানেনে যে আলু ভাৰতীয় নহয়? বৰঞ্চ, পাচলিৰ এই ৰজা এজন বিদেশীহে। এই লেখাত আমি আপোনাক আলু সম্পৰ্কীয় কিছু নতুন তথ্য দিম।
কোৱা হয় যে ষোল্লশ শতিকাৰ আগলৈকে কেৱল পেৰুৰ মানুহে আলু ব্যৱহাৰ কৰিছিল। ইয়াৰ বাহিৰে সমগ্ৰ বিশ্বই এই শস্যৰ বিষয়ে সেই সময়ত অজ্ঞাত আছিল। কিন্তু যেতিয়া খ্ৰিষ্টোফাৰ কলম্বাছে সমগ্ৰ বিশ্ব ভ্ৰমণ কৰিবলৈ গৈছিল, তেতিয়া তেওঁ সাগৰৰ মাজেৰে পৃথিৱীৰ বিভিন্ন মহাদেশলৈ আলু পৰিবহন কৰিছিল। অৱশ্যে, ভাৰতলৈ আলু পৰ্তুগীজ আৰু ডাচ্চ ব্যৱসায়ীসকলৰ সৈতে আহিছিল আৰু প্ৰথমে মালাবাৰ উপকূলত ইয়াৰ ব্যৱহাৰ হৈছিল আৰু তাৰ পাছত বংগৰ পৰা উত্তৰ ভাৰতলৈ সমগ্ৰ দেশতে কৃষকসকলে ইয়াৰ খেতি কৰিবলৈ আৰম্ভ কৰিছিল।
মহাকাশত উৎপন্ন হোৱা আলু
আলু হৈছে পৃথিৱীত উৎপন্ন হোৱা প্ৰথম শস্য যাক এই পৃথিৱীৰ বাহিৰতো খেতি কৰা হৈছে। ১৯৯৫ চনৰ আৰম্ভণিতে, চীন আৰু নাছাৰ এক যুটীয়া অভিযানত আলু মহাকাশলৈ প্ৰেৰণ কৰা হৈছিল আৰু প্ৰথমবাৰৰ বাবে পৃথিৱীৰ বাহিৰত ইয়াৰ খেতি কৰা হৈছিল।
ব্ৰিটিছ ইষ্ট ইণ্ডিয়া কোম্পানীয়ে ইয়াক ঘৰে ঘৰে বিতৰণ কৰিছিল
অষ্টাদশ শতিকাৰ পিছত, যেতিয়া ইষ্ট ইণ্ডিয়া কোম্পানীয়ে ভাৰতত আলুৰ অভাৱ অনুভৱ কৰিছিল, তেতিয়া ইউৰোপৰ পৰা আমদানি কৰাৰ পৰিৱৰ্তে ভাৰততে ইয়াৰ খেতি কৰাৰ নীতি গ্ৰহণ কৰিছিল। এই নীতিৰ অধীনত ইষ্ট ইণ্ডিয়া কোম্পানীয়ে কৃষকসকলক বৃহৎ পৰিমাণত কম মূল্যত আলু গছ বিক্ৰী কৰিছিল। তাৰ পাছত লাহে লাহে আলু দেশৰ প্ৰতিটো প্ৰান্ততে খেতিৰ জড়িয়তে বিয়পি পৰিছিল।
বৰ্তমান বিশ্বত আটাইতকৈ বেছি আলু উৎপাদনকাৰী দেশ কেইখনমান হ'ল- ৰাচিয়া, চীন,ভাৰত, পোলেণ্ড আৰু আমেৰিকা যুক্তৰাষ্ট্ৰ ৷ ইয়াৰে কোনোটোৰ বৰণ হালধীয়া,ৰঙা,বগা,বেঙুনীয়া আদি ৰঙৰ আৰু ভিন্ন ভিন্ন সৰু ডাঙৰ ঘূৰণীয়া দীঘলীয়া আদি আকৃতিৰ হব পাৰে ৷ গিনিজ বুক অৱ ৱৰ্লড ৰেকৰ্ডমতে এতিয়ালৈ খেতিত উৎপন্ন হোৱা আটাইতকৈ ডাঙৰ আলুটোৰ ওজন হৈছে ৩.২কিলোগ্ৰাম। ১০০গ্ৰাম আলুত থাকে কাৰ্বোহাইড্ৰেট ১৭গ্ৰাম, প্ৰটিন ২গ্ৰাম, ফেট ১০০মিলিগ্ৰাম, ডায়েটেৰী ফাইবাৰ ২.২ গ্ৰাম, প'টেচিয়াম ৪২১ মিলিগ্ৰাম, চ'ডিয়াম ৬ মিলিগ্ৰাম ৷ ভিটামিনসমূহ হ'ল- ভিটামিন-চি, ভিটামিন-বি৬,ভিটামিন-বি৩,পেন্টথেনিক এচিড, ভিটামিন-এ আৰু ভিটামিন-ডি ৷ খনিজসমূহ হ'ল আইৰণ,ক'পাৰ, মেগনেচিয়াম, মেংগানিজ, কেলচিয়াম, জিংক আৰু ফচফ'ৰাচ ৷ শক্তি থাকে ৭৭কেলৰি ৷ আলুত থকা নানাবিধ এন্টিঅক্সিডেন্টে অপকাৰী ফ্ৰি ৰেডিকেল বিনষ্ট কৰি মানৱ শৰীৰক কৰ্কট ৰোগৰ পৰা সুৰক্ষা দিয়ে৷
লগতে পঢ়কঃ এইবাৰ মানুহ চাই বিদ্যুৎ মাচুল বৃদ্ধি কৰিব APDCL -এ!