বিশ্বত প্রথমবাৰৰ বাবে বিদেশী দর্শক অবিহনে অনুষ্ঠিত কৰা হব বিশ্বৰ আহি থকা টকিঅ' অলিম্পিক 2021৷ উল্লেখযোগ্য যে ক'ৰনা মহামাৰী ক’ভিড–১৯ৰ সংক্রমণৰ পৰা খেলুৱৈ তথা দেশবাসীক নিৰাপদে ৰখাৰ উদ্দেশ্যেৰে টকিঅ’ অলিম্পিকৰ আয়োজক কতৃপক্ষই যোৱা কালি আনুষ্ঠানিকভাৱে ঘোষণা কৰে এই কথা৷ বিবৃতিত প্রকাশ কৰিছে যে জাপান চৰকাৰ, আন্তঃৰাষ্ট্রীয় অলিম্পিক কমিটী, আন্তঃৰাষ্ট্রীয় পেৰা অলিম্পিক কমিটীৰ সর্বসন্মত সিদ্ধান্তক্রমে আহি থকা অলিম্পিক-21ত বহিঃৰাষ্ট্ৰৰ পৰা কোনো দর্শকক যাবলৈ অনুমতি দিয়া নহব৷
আমি জানো যে সম্প্রতি জাপানৰ লগতে সমগ্র বিশ্বত ক’ভিড–১৯ৰ পৰিৱেশ যথেষ্ট উদ্বেগজনক হৈ থকাৰ পৰিপেক্ষিতত উমেহতীয়াকৈ বিদেশী দর্শকৰ প্রৱেশ নিষিদ্ধ কৰাৰ সিদ্ধান্ত গ্রহণ কৰা হোৱা বুলি উদ্যোক্তা কমিটীয়ে ব্যক্ত কৰিছে৷ তেওঁলোকে জানিবলৈ দিয়া অনুসৰি, ঘৰুৱা দর্শকৰ ক্ষেত্রতো প্রৱেশৰ ক্ষেত্রত যথেষ্ট বাধ্য–বাধকতাৰ মাজেৰেহে অনুমতি দিয়া হ'ব৷
উল্লেখযোগ্য যে বিশ্বৰ সর্ববৃহৎ ক্রীড়া মহোৎসৱ অলিম্পিক–২০২০ টকিঅ’ত অনুষ্ঠিত হোৱাৰ কথা আছিল যদিও ভয়াৱহ ক'ৰণা মহামাৰীৰ বাবে ২০২১ৰ জুলাই মাহলৈ পিছুৱাই দিয়া হৈছিল৷