কৃষি ব্যৱসায়ৰ পৰা ধন ঘটাৰ বাবে ব্যৱসায় গঢ়ি তোলাৰ কিছু অভিজ্ঞতাৰ প্ৰয়োজন। আপুনি এটা ধাৰণা লোৱাৰ আগতে এটা ব্যৱসায়িক পৰিকল্পনা তৈয়াৰ কৰক য’ত আপুনি উতপাদন কৰা সামগ্ৰীসমূহৰ বজাৰৰ চাহিদা আৰু সেইবোৰ কেনেকৈ বজাৰলৈ লৈ যাব পাৰি তাৰ ওপৰত ভিত্তি কৰি কাম আৰম্ভ কৰক। তলত কেইটামান লাভজনক কৃষি ব্যৱসায়ৰ ধাৰণা আগবঢ়োৱা হ’ল- উদ্যোগীসকলক আৰম্ভণিতে তেওঁলোকৰ পছন্দৰ ব্যৱসায় নিৰ্ণয় কৰাত সহায় কৰিব পাৰে আৰু অতি কম সময়ৰ ভিতৰতে স্বাৱলম্বী হ’ব পাৰে-
১/ মিল স্থাপন কৰা
আপুনি নিজাকৈ মিল আৰম্ভ কৰিব পাৰে য’ত ঘেঁহু, বাজৰা আৰু চাউল আদি শস্যক আটালৈ ৰূপান্তৰিত কৰিব পাৰে। বৰ্তমান সময়ত ঘেঁহুৰ আটা, বেকিং আদি যথেষ্ট চাহিদা থকা সামগ্ৰী। আটা মিল এটা স্থাপন কৰাটো আপোনাৰ ঘৰৰ পৰাই কৰিব পৰা কাম। যদি আপোনাৰ ঘৰৰ ভিতৰত ঠাই নাথাকে তেন্তে আপুনি সৰু ঠাই ভাড়া কৰি তাৰ পৰা আৰম্ভ কৰিব পাৰে আৰু আপোনাৰ ব্যৱসায় সম্প্ৰসাৰণৰ লগে লগে আপুনি ডাঙৰ ঠাই বাছি ল’ব পাৰে। স্থানীয় কৃষকৰ পৰা ঘেঁহু, কুঁহিয়াৰ, বাজৰা বা চাউল সহজেই পাব পাৰে আৰু তাৰ পিছত ইয়াক কেনেকৈ প্ৰক্ৰিয়াকৰণ কৰি নানা তৰহৰ খাদ্যসামগ্ৰী প্ৰস্তুত কৰিব পাৰি সেয়া শিকিব ল’ব লাগে।
২/ ফলৰ ৰস বা জাম উৎপাদন
আমাৰ পূৰ্বপুৰুষসকলে ঘৰতে নিজেই নিজেই জাম আৰু ফলৰ ৰস বনাইছিল, তাৰ আগতে কিছুমান স্মাৰ্ট বিনিয়োগকাৰীয়ে এই বস্তুবোৰৰ ব্যৱসায়িক সম্ভাৱনাক চিনি পাই বিক্ৰীৰ বাবে ফলৰ ৰস আৰু জাম বনাবলৈ আৰম্ভ কৰিছিল। এজন যুৱ উদ্যোগী হিচাপে আপুনি নিজাকৈ ফলৰ ৰস বা জাম বনাবলৈ আৰম্ভ কৰিব পাৰে আৰু আপোনাৰ চৌপাশৰ চুপাৰ মাৰ্কেট আৰু খাদ্যৰ দোকানত যোগান ধৰিব পাৰে। এতিয়া অধিক লোকে স্বাস্থ্যসন্মত খাদ্য গ্ৰহণ আৰু কৃত্ৰিম আৰু অত্যধিক সংৰক্ষিত খাদ্য আৰু পানীয় পৰিহাৰ কৰিবলৈ শিকিবলৈ লোৱাত এতিয়া প্ৰাকৃতিক ফলৰ ৰসৰ বিপুল চাহিদা। স্থানীয় কৃষকৰ পৰা বৃহৎ পৰিমাণে ফলমূল কিনি নিজে নিজে প্ৰাকৃতিক স্বাস্থ্যকৰ ফলৰ ৰস ঘৰতে বনাব পাৰে।
৩/ পশুধনৰ খাদ্য উৎপাদন
বহুত মানুহে পশুপালন যেনে- মীন পালন, গাহৰি পালন, হাঁহ-কুকুৰা পালন আৰু বহুতো কামত সোমাই পৰিছে। আপুনিও পশুপালকসকলৰ পোহনীয়া জীৱ-জন্তুবোৰৰ বাবে। কিন্তু আপুনি নিশ্চিত হ’ব লাগিব যে আপুনি বহু গৱেষণা কৰি এনে এটা সামগ্ৰী উলিয়াব যিটো পুষ্টিকৰ উপাদানৰে সমৃদ্ধ আৰু ই জীৱ-জন্তুৰ দ্ৰুত বৃদ্ধি আৰু সুস্বাস্থ্যৰ সহায় কৰিব। পশুধনৰ খাদ্য উৎপাদন ব্যৱসায় আৰম্ভ কৰিবলৈ আপুনি এটা গ্ৰাইণ্ডিং মেচিন, মিক্সিং মেচিন, ওজন মেচিন, কাষ্টমাইজড পেকিং বেগ আৰু উৎপাদনৰ বাবে কেঁচামালৰ প্ৰয়োজন হ’ব।
লগতে পঢ়ক-
Drumstick farming : এবিঘা মাটিত এবাৰ খেতি কৰি ১২ বছৰলৈ প্ৰতিবছৰে পাওঁক ১ লাখকৈ টকা
৪) বতা চৰাইৰ কণী উতপাদন
শেহতীয়াকৈ বহু লোকে বতা চৰাইৰ কণীৰ স্বাস্থ্যৰ বাবে হোৱা আচৰিত উপকাৰিতাৰ বিষয়ে আৱিষ্কাৰ কৰিবলৈ আহিছে আৰু বহু লোকে এতিয়া বতা চৰাইৰ কণী খেতিৰ কামত নামি পৰিছে। আপুনি কেনেকৈ সিদ্ধান্ত লয় তাৰ ওপৰত নিৰ্ভৰ কৰি বতা চৰাইৰ কণী পালনৰ ব্যৱসায় ১০০০- ১৫০০ শৰৰ কম টকাৰে আৰম্ভ কৰিব পাৰি
৫/ চয়াবিনৰ প্ৰক্ৰিয়াকৰণ
মাংসৰ বিকল্প হিচাপে চয়াবিন স্বাস্থ্যকৰ । যিসকল লোকৰ অত্যধিক কলেষ্টেৰল সমস্যাত ভুগি আছে তেওঁলোকে সাধাৰণতে মাংসৰ সলনি চয়াবিনৰ প্ৰতি আকৰ্ষিত হয়। গতিকে আপুনি আপোনাৰ অঞ্চলটোৰ পৰিৱেশটোৰ প্ৰতি লক্ষ্য কৰি অলপ মূলধনৰ বিনিময়ত আপুনি চয়াবিনৰ প্ৰক্ৰিয়াকৰণৰ ব্যৱসায় আৰম্ভ কৰিব পাৰে।
৬/ সৰিয়হৰ প্ৰক্ৰিয়াকৰণ
সৰিয়হৰ সৰিয়হৰ আচাৰ, সৰিয়হৰ চাটনি, সৰিয়হৰ তেল চাহিদা আছে।ইফালে অসমতো উভেনদী। অলপ মূলধনৰ বিনিময়ত আপুনি সৰিয়হৰ প্ৰক্ৰিয়াকৰণৰ ব্যৱসায় আৰম্ভ কৰিব পাৰে।
৭) কৃষি সঁজুলি লিজিং
কৃষি ব্যৱসায়লৈ যোৱা লোকৰ সংখ্যা বৃদ্ধিৰ লগে লগে ট্ৰেক্টৰ, নাঙল, স্প্ৰেয়াৰ, হাৰ্ভেষ্টাৰ, জলসিঞ্চন মেচিন আদি সঁজুলি কৃষকক ভাড়া দি টকা উপাৰ্জন কৰিব পাৰে।
৮) হাঁহ-কুকুৰা আৰু মাংস উৎপাদন আৰু পেকেজিং
হাতেৰে পেকেট কৰা মাংস বেছি পৰিষ্কাৰ নহয় বুলি সাধাৰণ বিশ্বাস আছে। বহুতে এতিয়া মেচিন প্ৰচেছড আৰু পেকেটত ভৰোৱা মাংসৰ পৰা ভাল টকা উপাৰ্জন কৰিছে।
৯) ঔষধি আৰু বনৌষধি উদ্ভিদৰ খেতি
স্থানীয় আৰু ৰপ্তানিৰ বাবে ঔষধি উদ্ভিদ আৰু বনৌষধিৰ যথেষ্ট চাহিদা আছে। বাণিজ্যিকভাৱে ঔষধি বনৌষধি খেতি কৰাটো লাভজনক কৃষি ব্যৱসায়িক ধাৰণাসমূহৰ ভিতৰত অন্যতম। পৰ্যাপ্ত মাটি আৰু বনৌষধি বিপণনৰ বিষয়ে জ্ঞান থকাৰ বাবে এজন উদ্যোগীয়ে মধ্যমীয়া মূলধন বিনিয়োগেৰে ঔষধি বনৌষধিৰ খেতি আৰম্ভ কৰিব পাৰে
১০) শাক-পাচলি খেতি
শাক-পাচলি হৈছে বিশ্বৰ ভিতৰতে অধিক ব্যৱহৃত খাদ্য সামগ্ৰীৰ ভিতৰত অন্যতম। ৫০০% পৰ্যন্ত লাভৰ হাৰ বেছিকৈ শাক-পাচলিৰ পাম আৰম্ভ কৰাটো বিশ্বৰ অন্যতম সহজ আৰু সহজ ব্যৱসায়।
১১) কৃষি দালাল আৰু পৰামৰ্শ
কৃষি উৎপাদিত সামগ্ৰীৰ বিক্ৰেতাক ক্ৰেতাৰ সৈতে সংযোগ কৰি কৃষি দালালিত ব্যৱসায় আৰম্ভ কৰিব পাৰে আৰু তাৰ বাবে কমিচন লাভ কৰিব পাৰে। আপুনিও পৰামৰ্শদাতা হৈ বিশেষজ্ঞৰ পৰামৰ্শ আগবঢ়াব পাৰে বা প্ৰশিক্ষণ আৰু আলোচনা চক্ৰৰ আয়োজন কৰিব পাৰে।
১২) ৰপ্তানি ব্যৱসায়
এজন উদ্যোগীয়ে স্থানীয় কৃষকৰ পৰা সংগ্ৰহ কৰি কৃষিজাত সামগ্ৰীৰ ৰপ্তানি ব্যৱসায় আৰম্ভ কৰিব পাৰে। এই ব্যৱসায়টো ঘৰুৱা স্থানৰ পৰা আৰম্ভ কৰিব পাৰি কেৱল প্ৰয়োজন ইণ্টাৰনেট কম্পিউটাৰৰ
লগতে পঢ়ক-