ক’ৰনা মহামাৰী কালত আবদ্ধ হৈ থকা প্রব্রজিত শ্রমিকক নিজ গৃহলৈ ওভতাই অনাৰ পৰা বিদেশত আবদ্ধ ভাৰতীয় শিক্ষার্থী তথা ভাৰতীয় লোকক স্বদেশলৈ নিজ খৰচত প্রত্যার্পণ কৰাই মহানুভৱতাৰ পৰিচয় দিয়া বলীউডৰ অভিনেতা ছনু সুডক বিশেষ সন্মান জনাইছে দেশৰ আগশাৰীৰ ব্যক্তিগত বিমান সংস্থা স্পাইচ জেটে৷
বলিউডৰ প্রখ্যাত অভিনেতা ছনোক সন্মান জনাই স্পাইচ জেটে এখন বিশেষ বিমান ‘A salute to the saviour Sonu Sood’ শীর্ষক বাক্যৰে বিমান সংস্থাটোৱে বাস্তৱ জীৱনত প্রকৃত হিৰো সুডক স্বীকৃতি দিয়ে৷ স্পাইচ জেটে অভিনেতাগৰাকীৰ নামত বিশেষ বিমান উৎসর্গা কৰাৰ পাছতেই আৱেগিক হৈ পৰে অভিনেতা সুড৷
অভিনেতাগৰাকীয়ে টুইটাৰত আৱেগিক হৈ কয়– "মোৰ এই মুহুৰ্তত মগাৰ পৰা মুম্বাইলৈ বিমানত অসংৰক্ষিত টিকটত অহাটো মনলৈ আহিছে৷ মোৰ প্রতি ভাল পোৱাৰ বাবে সকলোকে ধন্যবাদ৷ এই সময়ত মোৰ পিতৃ–মাতৃলৈ মনত পৰিছে৷ "
উল্লেখ্য যে পঞ্জাবৰ পৰা মুম্বাইলৈ আহি ছনু সুডে এগৰাকী অভিনেতা হিচাপে প্রতিষ্ঠিত হয়৷ অৱশ্যে বলিউডৰ চিনেমা জগতত নায়কৰ পৰিবর্তে তেওঁ এগৰাকী খলনায়ক হিচাপেহে অধিক জনপ্রিয়তা অর্জন কৰিছে৷ ৰীলত খলনায়কৰ ভূমিকাত অভিনয় কৰিলেও সুড বাস্তৱ জীৱনত যে এগৰাকী মহান নায়ক তাৰে প্রমাণ দেশত চলা কভিড -19 কালতে দাঙি ধৰিছে।
আৰু পঢ়ক- ষ্টেভিয়াৰ গছৰ উপকাৰিতা আৰু কৃষিৰ বিষয়ে জানিবলগীয়া কথা