উপকৰণঃ
কাটি লোৱা আম: ১ কেজি।
নিমখ: অনুমান অনুযায়ী।
মিথি গুটি: ২০ গ্ৰাম।
কালজিৰা: ৩০ গ্ৰাম।
জালুকগুৰি: ২৫ গ্ৰাম।
জলকীয়া গুৰি: ৩০ গ্ৰাম।
মিঠাতেল: আচাৰখিনি ঢাক খোৱাকৈ যিমান লাগে।
চফগুৰি: ২৫ গ্ৰাম।
এচিটিক এচিড: ৩ মি:মি:।
সৰিয়হ গুৰি: ২০ গ্ৰাম।
প্ৰস্তুত প্ৰণালীঃ
কেচা আম কেইটামান পৰিষ্কাৰকৈ পানীত ধুই দীঘলে দীঘলে সৰু সৰু কৈ কাটি লওক। কটা আমখিনি শতকৰা ২-৩ ভাগ নিমখ পানীত কিছু সময় ডুবাই ৰাখক, যাতে কটা আমখিনি ক’লা পৰি নাযায়। প্ৰথমে ওজন কৰা মতে নিমখখিনি লৈ চকলা আমখিনিত সানি এটা বহল মুখৰ বটলত ভৰাই ৪-৫ দিন মাত ৰ’দত দিয়ক। যেতিয়া আমৰ সেউজীয়া বাকলিবিলাক অলপ পাতল হালধীয়া ৰং ধৰিব, আটাইবোৰ মছলা একেলগে মিহলাই অলপ মিঠাতেলৰ সৈতে কটা আমখিনিত ভালকৈ সানি পুনৰ পৰিষ্কাৰ শুকান বটলত হেচি ভৰাব লাগে যাতে বটলৰ মাজত বেছি বতাহ থাকিব নোৱাৰে। এতিয়া মিঠাতেলখিনি গৰম কৰি লৈ আচাৰখিনি ঢাক খোৱাকৈ ঢালি ২-৩ সপ্তাহমান তেনেকৈয়ে থৈ দিয়ক। মাজে মাজে আচাৰখিনি চাই থাকিব আৰু প্ৰয়োজন হ’লে মিঠাতেল আৰু অলপ ঢালি দিব। আমখিনি কোমল হ’লে খোৱাৰ উপযোগী হ’ব।
এনেধৰনৰ লিখনি পাবৰ বাবে আগলৈ আমাৰ ৱেবছাইটটো visit কৰি থাকিব।
আৰু পঢ়ক- শৰীৰৰ অক্সিজেনৰ স্তৰ বৃদ্ধি কৰিবলৈ এই দহ বিধ খাদ্য গ্রহণ কৰক