কৃষি কাৰ্য অথবা পশুপালনৰ সমান্তৰালভাৱে অতিৰিক্ত উপাৰ্জন সাম্প্ৰতিক সময়ৰ প্ৰতিজন কৃষকৰ আহ্বান। আজি এই প্ৰবন্ধটোত আমি তেনে এক উপাৰ্জনৰ সহজ ধাৰণাৰ বিষয়ে কবলৈ গৈ আছো।
গ্ৰাম্য অঞ্চলত সাধাৰণতে তেনেই সুলভ গোবৰ(Cow Dung)। আমি ৰাস্তাত গোবৰৰ দম পৰি থকা দেখিছোঁ, গাৱঁৰ চাৰিওফালৰ ৰাস্তাবোৰত পৰি থকা গোবৰ ঘৰত ব্যৱহাৰ কৰিবলৈ অপ্ৰয়োজনীয় বুলি বিবেচনা কৰোঁ। কিন্তু যদিহে আমি গোৱৰৰ সঠিক ব্যৱহাৰ সম্পৰ্কে কিছু কথা জানো তেনেহলে ইয়াৰ পৰা অধিক উপাৰ্জনৰ সম্ভাৱনা নুই কৰিব নোৱাৰি।
পথাৰত প্ৰায়ে ভাল শস্যৰ বাবে ৰাসায়নিক সাৰ আৰু কীটনাশক ব্যৱহাৰ কৰা হয়। ফলস্বৰূপে শস্যত থকা পতংগবোৰ আঁতৰ হয় আৰু শস্যও অতি উৰ্বৰ হ'বলৈ আৰম্ভ কৰে। কিন্তু এনে সাৰৰ পাৰ্শ্বক্ৰিয়াও থাকে। এই ৰাসায়নিক সাৰৰ পৰা প্ৰস্তুত কৰা ফল, পাচলি আৰু খাদ্যশস্যত অতি কম পৰিমাণৰ পুষ্টিকৰ তত্ব থাকে আৰু পথাৰৰ উৰ্বৰতাও হ্ৰাস হয়।
সেয়েহে এতিয়া জৈৱিকভাৱে উৎপাদিত ফল, পাচলি আৰু খাদ্যশস্যৰ চাহিদা সকলো ঠাইতে যথেষ্ট বৃদ্ধি হ'বলৈ আৰম্ভ কৰিছে, যিবোৰ ৰাসায়নিক সাৰৰ পৰিৱৰ্তে জৈৱিক সাৰ ব্যৱহাৰ কৰি বৃদ্ধি কৰা হৈছে। বৰ্ধিত চাহিদাৰ মাজত আপুনি ভাৰ্মি-কম্পোষ্টিংৰ ব্যৱসায় আৰম্ভ কৰিব পাৰে। ই আপোনাক লাখ লাখ উপাৰ্জন কৰিবলৈ সুযোগ প্ৰদান কৰিব পাৰে।
ভাৰ্মিকম্পোষ্ট ইউনিট কেনেদৰে আৰম্ভ কৰিব (How to start vermicompost unit)
ভাৰ্মি সাৰৰ একক অৰ্থাৎ কেঁচু সাৰ আৰম্ভ কৰিবলৈ, আপোনাক প্ৰথমে প্ৰয়োজন এটা দীঘল পলিথিন। পলিথিনটো কম্পোষ্টিং চাইটত ৰাখক আৰু ইয়াক সকলো ফালৰ পৰা ঢাকি দিয়ক। ইয়াৰ পিছত, আপুনি স্থাপন কৰা পলিথিনত গোবৰৰ স্তৰ এটা বনাই গোবৰৰ ভিতৰত কেঁচুবোৰ ৰাখক।
কেইমাহমানৰ ভিতৰত ই ভাৰ্মি সাৰৰ অথবা কেঁচু সাৰ হিচাপে সাজু হৈ উঠিব। যিহেতু বজাৰ এনে সাৰৰ চাহিদা বৃদ্ধি হ’বলৈ ধৰিছে গতিকে আপুনি এইটো ব্যৱসায়িক ভিত্তিত কৰিব পাৰে। এইটো পুনৰাবৃত্তি কৰি থকা প্ৰক্ৰিয়া, যাৰ বাবে আপুনি কেঁচু কিনাৰ প্ৰয়োজন নহ'ব।
ভাৰ্মিকম্পোষ্টৰ পৰা কেনেদৰে উপাৰ্জন কৰিব (How to earn from Vermicompost)
ভাৰ্মি সাৰ সাজু হোৱাৰ পিছত, আপুনি ইয়াক অনলাইনত বিক্ৰী কৰিব পাৰে। ইয়াৰ বাবে বহুতো ক্ৰয় স্হান আছে। ইয়াৰ বাহিৰেও, আপুনি কৃষক, পাকঘৰৰ বাগিচা আৰু ফলৰ পাচলিৰ নাৰ্চাৰীত পোনপটীয়াকৈ ভাৰ্মি সাৰ বিক্ৰী কৰিব পাৰে। যদি আপুনি 20 ইউনিট কেঁচু সাৰৰ ব্যৱসায় আৰম্ভ কৰে তেন্তে আপুনি 1 বছৰত সহজে 8 ৰ পৰা 10 লাখ টকা উপাৰ্জন কৰিব পাৰে।
Share your comments