উচ্চতম ন্যায়ালয়ত হ'ল এক অগতানুগতিক শুনানি। গোবংশ সেৱা সদন নামৰ এক বেচৰকাৰী সংস্থাৰ আবেদন- ভিত্তিত গৰুক ৰাষ্ট্ৰীয় পশুৰূপে স্বীকৃতি দিয়ক। সোমবাৰে এই আবেদনৰ শুনানি আছিল উচ্চতম ন্যায়ালয়ত।ন্যায়াধীশ এছ কে পল আৰু অভয় এছ অকাৰ বিচাৰপীঠে এই সন্দৰ্ভত আবেদনকাৰীসকলক প্ৰশ্ন কৰে। এনে আবেদনৰ ফলত দেশে যথেষ্ট ধন খৰচ কৰিব লাগিব বুলি বিচাৰপীঠখনে কয়।
আৰু আবেদনকাৰী এই বিষয়ে অৱগত হয় নে নহয় বুলিও প্ৰশ্ন কৰে। উল্লেখ্য যে, এই আবেদন খনৰ জৰিয়তে গোধনক ৰাষ্ট্ৰীয় পশুৰূপে ঘোষণা কৰাৰ বাবে কেন্দ্ৰীয় চৰকাৰৰ দৃষ্টি আকৰ্ষণ কৰিবলৈ চেষ্টা কৰিছিল বেচৰকাৰী সংস্থাটোৱে। অৱশ্যে সংস্থাটোৰ আবেদন সম্প্ৰতি নাকচ কৰিছে উচ্চতম ন্যায়ালয়ে। বীচাৰপীঠখনে কয়, "এটা জন্তুক ৰাষ্ট্ৰীয় জন্তু হিচাপে ঘোষণা কৰাটো আদালতৰ কাম নেকি?
আপুনি এনে আৱেদন কিয় দাখিল কৰে য'ত আমি ব্যয় আৰোপ কৰিবলৈ বাধ্য হওঁ? অনুচ্ছেদ ৩২ৰ অধীনত আবেদন দাখিল কৰিবলগীয়াকৈ কাৰ মৌলিক অধিকাৰ প্ৰভাৱিত হৈছে? আপুনি আদালতলৈ এনে আৱেদন লৈ অহাৰ বাবে আইন বতাহত উৰুৱাই দিব লাগিব নেকি?’’ উল্লেখ্য যে, ভাৰতীয় সংবিধানৰ অনুচ্ছেদ ৩২-ৰ অধীনত, ভাৰতৰ প্ৰতিজন নাগৰিকে তেওঁলোকৰ মৌলিক অধিকাৰৰ পৰা বঞ্চিত হ'লে উচ্চতম ন্যায়ালয়ৰ পৰা সাংবিধানিক প্ৰতিকাৰ লোৱাৰ অধিকাৰ আছে।
আদালতৰ মন্তব্যৰ সঁহাৰি দি আবেদনকাৰীৰ পৰামৰ্শদাতাই দৃঢ়তাৰে কয় যে "গো সুৰক্ষা এটা অতি গুৰুত্বপূৰ্ণ বিষয়।‘’ তেওঁ লগতে কয়, "চৰকাৰক এইটো বিবেচনা কৰিবলৈ দিয়ক। মই বাধ্য নহয়... গো-সুৰক্ষা অতি গুৰুত্বপূৰ্ণ। ইয়াৰ মূত্ৰ ব্যৱহাৰ কৰা হয়, গোবৰ কৃষিৰ বাবে ব্যৱহাৰ কৰা হয়। আমি গৰুৰপৰা সকলো লাভ কৰিছোঁ, আপোনাৰ সন্মান।" অৱশ্যে, উকীলজনৰ যুক্তিয়ে আদালতৰ দৃষ্টিভংগী সলনি নকৰিলে।
লগতে পঢ়কঃ আমেৰিকা যুক্তৰাজ্যক অতিক্ৰম ভাৰতৰ, বিশ্বৰ সৰ্ববৃহৎ চেনী উৎপাদক আৰু উপভোক্তা আমাৰ দেশ