ইতিমধ্যে ৰাজ্যত পঞ্চায়ত নিৰ্বাচনৰ ভোটগ্ৰহণ চলি আছে। ১১ মে’ত ৰিজাল্ট ঘোষণা হ’ব। এইবাৰ নিৰ্বাচনত আমি দেখিবলৈ অৰুণোদয় আঁচনি, গৌৰৱ গগৈৰ পাকিস্থান ভ্ৰমণ, হিন্দু-মুছলিম, মেট্ৰিক পৰীক্ষাৰ্থীক গাখিৰ দিয়া আদি কথাবোৰৰ আলোচনা। আৰু আমাৰ সাংবাদিকসকলেও ৰাজ্যৰখনৰ কোনো সমস্যা নথকাৰ দৰে কেৱল মুখ্যমন্ত্ৰীক গৌৰৱ গগৈ পাকিস্তান ভ্ৰমণ সন্দৰ্ভতেই প্ৰশ্ন কৰি থকা দেখা গ’ল। আৰু আমাৰ ভোটাৰ ৰাইজে মৌনব্ৰত অৱলম্বন কৰি কংগ্ৰেছী-বিজেপি কৰি থাকিল। নিজৰ সমস্যাবোৰৰ সমস্যা সমাধানৰ বাবে জনপ্ৰতিনিধিক প্ৰতিশ্ৰুতিৱদ্ধ কৰাতো দূৰৰ কথা তেওঁলোকক জনাবও নোৱাৰিলে।
ৰিজাল্ট ঘোষণাৰ দুই এদিনৰ পাছতে ৰাজ্যৰ বহু অঞ্চলত বানপানী হ’ব। বানে মঠাউৰি ভাঙিব! গৰাখহনীয়াত ভোটাৰৰ খেতি-মাটি, ঘৰ-দুৱাৰ নদীত জাহ যাব, কৃষকে কৰা খেতিডৰা সেউজীয়া হৈ উঠাৰ লগে লগে বানপানীত ডুব যাব আৰু মৰিব। ঘৰৰ গৰু-ছাগলী, পোহনীয়া জন্তু, আত্মীয়-স্বজন বানত গুছি যাব। কিন্তু এইবিলাক কথাকলৈ কোনোধৰণৰ কথা এইবাৰ পঞ্চায়ত ইলেকচনৰ সময়ত ৰাইজ,জনপ্ৰতিনিধি বা কোনো সাংবাদিকৰ মুখত এইবোৰ কথা শুনিবলৈ আমি নাপালো। পঞ্চায়ত নিৰ্বাচনবোৰত আমি নুশুনিলো গ্ৰামাঞ্চলৰ কৃষক ৰাইজৰ সমস্যাবোৰৰ কথা। কৃষকসকলে নিজৰ কৃষিপথাৰত উতপাদিত শস্যসমূহ কম মূল্যত বিক্ৰিব লগা, গ্ৰামাঞ্চলসমূহত থলুৱা উদ্যোগ, পশুপালন আদিৰ জড়িয়তে কেনেকৈ উন্নতি সাধন কৰিব পাৰি তেনেকুৱা কথাবোৰৰ আলোচনা আমি দেখিবলৈ নাপালো পঞ্চায়ত নিৰ্বাচনসমূহত। আমি নুশুনিলো কৃষকৰ পথাৰত জলসিঞ্চন ব্যৱস্থা কৰাৰ কথা, কৃষকে পথাৰত উতপাদিত ফচলসমূহৰ সংৰক্ষণ কৰিব পৰাকৈ শীতল ঘৰ বা Cold Storage সমূহৰ কথা। কিন্তু তাৰ পৰিৱৰ্তে আমি দেখিলো অৰুণোদয়, মেট্ৰিক পৰীক্ষাৰ্থীক গাখীৰ দিয়া কথা, আমি দেখিলো এইবাৰ পঞ্চায়ত নিৰ্বাচনত গৌৰৱ গগৈৰ পাকিস্তান সন্দৰ্ভত। যিবোৰ কথাই গ্ৰামাঞ্চলৰ জনসাধাৰণৰ একো উন্নতি সাধন কৰিব বুলি ভাৱিব নোৱাৰি। কিন্তু তেনেবোৰ কথাই দুই এদিনতে পঞ্চায়ত নিৰ্বাচন সামৰণি পৰিব। গতিকে নিৰ্বাচনৰ পাছতে আহিব লগা বানপানীৰ বাবে এতিয়া গাঁৱৰ ৰাইজেই নিজাববীয়াকৈ ল’ব লাগিব পদক্ষেপ।
লগতে পঢ়ক-