মিছন বসুন্ধৰা ২.০ত আৱেদনৰ সময়সীমা বৃদ্ধি কৰা হৈছে। বিধানসভাৰ শীতকালীন অধিৱেশনত আজি এই কথা সদৰী কৰে মুখ্যমন্ত্ৰী হিমন্ত বিশ্ব শৰ্মাই। তেওঁ কয় যে ৰাজ্য চৰকাৰে মিছন বসুন্ধৰা ২.০ত আৱেদন পূৰণৰ তাৰিখ ৩১ মাৰ্চ, ২০২৩লৈ বৃদ্ধি কৰাৰ সিদ্ধান্ত গ্ৰহণ কৰিছে।অধিৱেশনত ভাষণ দি মুখ্যমন্ত্ৰীগৰাকীয়ে কয়, "প্ৰক্ৰিয়াটো সহজ কৰি তুলিবলৈ আৰু ৰাইজক অধিক সময় দিবলৈ ৰাজ্য চৰকাৰে মিছন বসুন্ধৰালৈ আবেদনৰ তাৰিখ বৃদ্ধি কৰাৰ সিদ্ধান্ত লৈছে।"
উচ্ছেদৰ সন্দৰ্ভত শেহতীয়াকৈ উচ্চতম ন্যায়ালয়ে দিয়া ৰায়দানৰ সন্দৰ্ভতো মুখ্যমন্ত্ৰীগৰাকীয়ে মন্তব্য কৰে। তেওঁ কয়- ‘যদি আমি উচ্চতম ন্যায়ালয়ৰ ৰায় শুনিবলগীয়া হয় তেন্তে মিছন বসুন্ধৰা সম্ভৱ নহ’ব…।’
‘’উচ্চতম ন্যায়ালয়ে ৰায়দানত কৈছে যে ভিলেজ গ্ৰেজিং ৰিজাৰ্ভ (ভিজিআৰ) আৰু প্ৰফেচনেল গ্ৰেজিং ৰিজাৰ্ভ (পিজিআৰ)ৰ মাটিত উচ্ছেদ অভিযান চলাব লাগে কিন্তু যদি আমি উচ্চতম ন্যায়ালয়ৰ ৰায় পঢ়ি থাকোঁ আৰু গাঁৱৰ ৰাইজক কওঁ যে... তেতিয়া ই উচ্ছেদ হ'ব।"
পঞ্জাৱ সন্দৰ্ভত উচ্চতম ন্যায়ালয়ৰ ৰায়ক সোঁৱৰাই অসমৰ মুখ্যমন্ত্ৰীয়ে কয় যে ভিজিআৰ/পিজিআৰৰ অন্তৰ্গত মাটিও আনকি জনজাতীয় লোকে বসতি স্থাপন কৰা মাটিও উচ্ছেদ কৰিব লাগিব, অৱশ্যে সমান্তৰাল মাটিত যদি ভিজিআৰ/পিজিআৰৰ বাবে উপলব্ধ হয় তেন্তে... উক্ত বাসিন্দাসকলক মাটি দিব পাৰি।
মিছন বসুন্ধৰা সন্দৰ্ভত ভাষণ দি মুখ্যমন্ত্ৰীয়ে কয় যে তৃতীয় কিস্তিত ৰাজ্য চৰকাৰে উচ্চতম ন্যায়ালয়ৰ নিৰ্দেশ মানি চলিবলৈ চেষ্টা কৰিছে আৰু ৰাজ্য চৰকাৰে ভিজিআৰ/পিজিআৰ ভূমিত বাস কৰা লোকসকলক ভূমি পট্টা প্ৰদানৰ চিন্তা-চৰ্চা কৰিছে।
মুখ্যমন্ত্ৰী শৰ্মাই কয় যে ৰাজ্য চৰকাৰৰ স্বাৰ্থ হৈছে পৰিৱেশগত ভাৱে ক্ষতিগ্ৰস্ত হ’ব পৰা ভূমি বা বনভূমিক বাদ দি আন ঠাইত সকলো খিলঞ্জীয়া/ ভাৰতীয় নাগৰিকক কিছু নিৰ্দিষ্ট ভূমিৰ অধিকাৰ দিয়া উচিত।
ৰাজ্য চৰকাৰে এইবাৰ ভিজিআৰ/পিজিআৰৰ অধীনত এই শ্ৰেণীটো প্ৰৱৰ্তন কৰিছে:
ৰাজ্য চৰকাৰে বা MNP (Minimum Need Programme) House Site Scheme ৰ অধীনত বসতি স্থাপন কৰা লোকসকলৰ বাবে মাটিৰ পট্টা প্ৰদান কৰিব।ৰাজ্য চৰকাৰে ভিজিআৰ/পিজিআৰৰ ওপৰত এক আইন প্ৰৱৰ্তনৰ কথাও চিন্তা কৰিছে যিয়ে উক্ত ভূমিত বাস কৰা লোকসকলক ভূমি পট্টা লাভ কৰাত সহায় কৰিব। অসমৰ মুখ্যমন্ত্ৰীগৰাকীয়ে লগতে কয় যে ৰাজ্য চৰকাৰে কোনো নতুন সংৰক্ষিত বনাঞ্চল সৃষ্টিৰ প্ৰস্তাৱ দিয়া নাই কিন্তু "প্ৰস্তাৱিত সংৰক্ষিত বনাঞ্চল" নামৰ এটা শ্ৰেণী আছে যাৰ অন্ত পেলাবলৈ ৰাজ্য চৰকাৰে চিন্তা-চৰ্চা কৰিছে। মুখ্যমন্ত্ৰীগৰাকীয়ে আৰু কয় যে মিছন বসুন্ধৰাৰ জৰিয়তে ভূমি পট্টা আবেদন কৰাৰ অন্তিম তাৰিখ ২০২৩ চনৰ ৩১ মাৰ্চলৈ বৃদ্ধি কৰা হৈছে। মিছন বসুন্ধৰাৰ আবেদন ২০২৩ চনৰ ৩১ মাৰ্চলৈকে বৃদ্ধি কৰা হৈছে বুলি তেওঁ উল্লেখ কৰে।