বহাগৰ পৰাই অসমৰ খেতিয়ক সকলৰ ভোট জলকীয়া উৎপাদন কৰা উপযুক্ত সময় । বৰ্তমান সময়ত অসমৰ বজাৰতো ভোট জলকীয়াৰ চাহিদা অধিক । গতিকে এই সময়ছোৱাতে অসমৰ খেতিয়ক সকলে উপাৰ্জনৰ বাবে এক সুযোগ গ্ৰহণ কৰিব পাৰে ।
গতিকে এই সময়ছোৱাত বজাৰৰ চাহিদা পূৰণ কৰিব পৰাকৈ জলকীয়া উৎপাদন কৰিবৰ বাবে বেমাৰ-আজাৰ সমূহৰ প্ৰতিকাৰৰ ক্ষেত্ৰতো অধিক গুৰুত্ব দিব লাগিব খেতিয়ক সকলে । জলকীয়া গছবোৰ যদি বেমাৰ আক্ৰান্ত হয় তেতিয়া খেতিয়কৰ উপাৰ্জন হ্ৰাস পাব পাৰে ।
জলকীয়া গছবোৰ সাধাৰণতে পাত মুজুৰা পৰা আৰু হালধীয়া পৰা বেমাৰ প্ৰায়ে দেখা যায় । এই বেমাৰৰ বাবে খেতিয়কে প্ৰায়ে লোকচানৰ সন্মুখীন হোৱা দেখা যায় । এনে ক্ষেত্ৰত এই বেমাৰ প্ৰতিকাৰ কৰাতো খেতিয়কৰ বাবে অতি প্ৰয়োজন ।
পাত মুজুৰা পৰা আৰু হালধীযা পৰা বেমাৰ:
এইবিধ বেমাৰত জলকীয়া পাতবোৰ মেটুৰা মেটুৰ হৈ সৰু হৈ যায়। পাতৰ সিৰা, উপসিৰাবোৰ হালধীয়া বৰণৰ হয় আৰু পাতৰ তলফালে থকা সিৰাবোৰ শকত সেউজীয়া বৰণৰ হয় ।
এই বেমাৰত আক্রান্ত গছ জোপাৰ শ্রীবৃদ্ধি নহয় আৰু গছজোপা জোপোহা, চাপৰ হৈ পৰে আৰু আক্ৰান্ত গছজোপাৰ উৎপাদন ক্ষমতা হ্ৰাস পায় । এইবিধ বেমাৰৰ কাৰক হৈছে বগা মাখি
প্ৰতিৰোধ কৰাৰ ব্যৱস্থাঃ
- খেতিয়ক সকল বীজ সিঁচাৰ আগতে ইমিডাক্ল'প্রিড ২.৫ গ্রাম প্রতি কিলোগ্ৰাম বীজত মিহলাই শোধন কৰিব লাগে ।
- বগা মাখিক নিয়ন্ত্রণ কৰিবলৈ হ'লে জলকীয়া গছৰ চাৰিওফালে মাকৈ নতুবা ঘেঁহুৰ গছ ৰুব লাগে ।
- বেভিষ্টিন ঔষধৰ ২ প্রাম প্রতি লিটাৰ পানীত মিহলাই জলকীয়া গছৰ ফুল ফলাৰ আগতে স্প্রে' কৰিব লাগে ।
লগতে পঢ়কঃবসন্ত কালত উপাৰ্জন বৃদ্ধিৰ বাবে কৰক মৌ-মাখিৰ কলনি বিভাজন