তিতা কেৰেলা এবিধ মুখৰোচক আৰু উচ্চ গুণ বিশিষ্ট পাচলি। বহুমূত্ৰ ৰোগৰ ৰোগীসকলৰ পৰম বন্ধু এইবিধ পাচলি। এইবিধ পাচলিৰ খেতি সাধাৰণতে আগতীয়াকৈ অক্টোবৰ নৱেম্বৰ মাহত, মধ্যমীয়াকৈ ফেব্ৰুৱাৰী-মার্চত আৰু শেহতীয়াভাৱে জুন-জুলাই মাহত কৰা হয়।
অৱশ্যে এই লিখনিত শেহতীয়াভাৱে কৰা তিতা কেৰেলাৰ কৃষি পদ্ধতিৰ বিষয়ে কিছু তথ্য দাঙি ধৰা হ’ব-
মাটিঃ
পানী ওলাই যোৱাৰ সুব্যৱস্থা থকা, বালিঅঁহীয়া, পলসুৱা, অধিক জৈৱিক গুণ থকা, মাটিত ৬.০-৭.০ পৰিমাণৰ অম্লতা থকা মাটি এই খেতিৰ বাবে উপযোগী।
মাটি প্রস্তুতঃ
২-৩ বাৰ হাল বাই মৈয়াই মাটিডৰা সমান কৰি মিহিকৈ চাহ কৰি ল'ব লাগে।
সাৰ প্ৰয়োগঃ
প্রতি বিঘাত ১০ কুইন্টল পচন সাৰ বা শুকান গোবৰ, ইউৰিয়া ১০ কিলাগ্ৰাম, ছুপাৰ ফছফেট ২৫ কিলোগ্ৰাম আৰু মিউৰিট অব পটাছসাৰ ৭ কিলোগ্ৰাম প্রয়োজন। ইয়াৰে ইউৰিয়া সাৰৰ আধাভাগ আৰু সমুদায় সাৰখিনি মাটি চাহ কৰা সময়ত প্রয়োগ কৰিব লাগে। আধাভাগ ইউৰিয়া ফুল আৰু ফল ধৰাৰ সময়ত টপদ্রেচ হিচাপে প্রয়োগ কৰিব লাগে।
জাতঃ
মনছুন মনৰ্ক, লং গ্রীণ মনছুন।
বীজৰ পৰিমাণঃ
বিঘাই প্রতি ৮০০-৯০০ গ্রাম।
বীজ সিঁচাৰ সময়ঃ
জুন-জুলাই মাহৰ ভিতৰত।
ব্যৱধানঃ
শাৰীৰ মাজৰ ব্যবধান ১.৫-২.৫ মিটাৰ আৰু গছৰ ব্যৱধান ৬০ ছেণ্টিমিটাৰ-১.২ মিটাৰ হ’ব লাগে।
জলসিঞ্চনঃ
খৰাংবতৰত ৮-১০ দিনৰ অন্তৰে অন্তৰে জলসিঞ্চন কৰিৱ লাগে।
খেতি চপোৱাঃ
ফলবোৰ কোমল আৰু সেউজীয়া হৈ থাকোতে খেতি চপোৱাৰ উপযুক্ত হয়।
উৎপাদনঃ
বিঘাই প্রতি ১৫-১৮ কুইন্টল।
লগতে পঢ়ক-বৈজ্ঞানিক পদ্ধতিত কেনেদৰে কৰিব কাঠফুলা খেতি?