তিঁতা কেৰেলা এবিধ মুখৰোচক আৰু উচ্চ গুণ বিশিষ্ট পাচলি। বহুমুত্ৰ ৰোগৰ ৰোগীসকলৰ পৰম বন্ধু এইবিধ পাচলিৰ খেতি সাধাৰণতে আগতীয়াকৈ অক্টোবৰ নৱেম্বৰ মাহত, মধ্যমীয়াকৈ ফেব্ৰুৱাৰী- মার্চত আৰু শেহতীয়াভাৱে জুন-জুলাই মাহত কৰা হয়।
অৱশ্যে এই লিখনিত শেহতীয়াভাৱে কৰা তিতা কেৰেলাৰ কৃষি পদ্ধতিৰ বিষয়ে কিছু তথ্য দাঙি ধৰা হব -
মাটি(Soil):
পানী ওলাই যোৱাৰ সুব্যৱস্থা থকা, বালিঅঁহীয়া, পলসুৱা, অধিক জৈৱিক গুণ থকা, মাটিত ৬.০-৭.০ পৰিমাণৰ অম্লতা থকা মাটি এই খেতিৰবাবে উপযোগী।
মাটি প্রস্তুত (Soil Prepare):
২-৩ বাৰ হাল বাই মৈয়াই মাটিডৰা সমান কৰি মিহিকৈ চাহ কৰি ল'ব লাগে।
সাৰ প্রয়োগ (Fertilizer Application):
প্রতি বিঘাত ১০ কুইন্টল পচন সাৰ বা শুকান গোবৰ, ইউৰিয়া, ইউৰিয়া ১০ কিলোগ্রাম, ছুপাৰ ফছফেট ২৫ কিলোগ্ৰামম আৰু মিউৰিট অব পটাছসাৰ ৭ কিলোগ্ৰাম প্রয়োজন। ইয়াৰে ইউৰিয়া সাৰৰ আধাভাগ আৰু সমুদায় সাৰখিনি মাটি চাহ কৰা সময়ত প্রয়োগ কৰিব লাগে। আধাভাগ ইউৰিয়া ফুল আৰু ফল ধৰাৰ সময়ত টপদ্রেচ হিচাপে প্রয়োগ কৰিব লাগে।
জাত (Varities):
মনছুন মনৰ্ক, লং গ্রীণ মনছুন।
বীজৰ পৰিমাণ (Seed Amount):
বিঘাই প্রতি ৮০০-৯০০ গ্রাম।
বীজ সিঁচাৰ সময় (Time to seedling):
জুন-জুলাই মাহৰ ভিতৰত।
ব্যৱধান (Distance):
শাৰীৰ মাজৰ ব্যবধান ১.৫-২.৫ মিটাৰ আৰু গছৰ ব্যৱধান ৬০ ছেণ্টিমিটাৰ-১.২ মিটাৰ হ’ব লাগে।
জলসিঞ্চন (Irrigation):
খৰাং বতৰত ৮-১০ দিনৰ অন্তৰে অন্তৰে জলসিঞ্চন কৰিৱ লাগে।
খেতি চপোৱা (Harvest):
ফলবোৰ কোমল আৰু সেউজীয়া হৈ থাকোতে খেতি চপোৱাৰ উপযুক্ত হয়।
উৎপাদন (Production):
বিঘাই প্রতি ১৫-১৮ কুইন্টল।
লগতে পঢ়ক-জলকীয়াৰ খেতিৰে উপাৰ্জনৰ চিন্তা কৰিছে নেকি আপুনি? তেনেহলে পঢ়ক এই প্ৰবন্ধ-