MFOI 2024 Road Show
  1. স্বাস্হ্য আৰু জীৱন

ফুল আৰু বাগিচাৰ সৈতে সময় কটোৱাসকলৰ ভালে থাকে মানসিক স্বাস্থ্য

Mrigakshi Phukan
Mrigakshi Phukan
Gardening
Gardening

যিসকলে গছ আৰু উদ্ভিদৰ মাজত থাকি ভাল পায় বা যিসকলে তেওঁলোকৰ ঘৰৰ বাগিচাত বিভিন্ন প্ৰকাৰৰ উদ্ভিদ ৰোপণ কৰে আৰু সেইবোৰৰ যত্ন লয়,  তেওঁলোকৰ বাবে সেই বাগিচাতকৈ ভাল ঠাই থাকিব নোৱাৰে। বাগিচা কৰা মানুহে ফুল আৰু পাতৰ যত্ন লৈ কেৱল সুখে অনুভৱ নকৰে, তেওঁলোকে সেই সময়খিনিত তেওঁলোকৰ সমস্যাবোৰো পাহৰি যায়। কিন্তু, আপুনি জানেনে যে বাগিচাৰ এই নিচাই তেওঁলোকক মানসিকভাৱে স্বাস্থ্যৱান হৈ থকাতো সহায় কৰিব পাৰে? (gardening benefits in assamese)

শেহতীয়াকৈ প্ৰকাশিত এক গৱেষণা পত্ৰত কোৱা হৈছে যে গছৰ মাজত বাস কৰা লোকসকলৰ মানসিক স্বাস্থ্য ভালে থাকে। এই অধ্যয়নৰ ফলাফলবোৰ "পিএলওএছ ৱান" আলোচনীত প্ৰকাশিত হৈছিল আৰু অধ্যয়নটো ফ্লৰিডা বিশ্ববিদ্যালয়ৰ বিজ্ঞানীসকলে সম্পূৰ্ণ কৰিছিল। অধ্যয়ন অনুসৰি, বাগিচাৰ দ্বাৰা চাপ হ্ৰাস হয় আৰু উদ্বেগ আৰু হতাশাৰ দৰে মানসিক সমস্যাও হ্ৰাস হয়।

(effects of gardening in mental health assamese article

বাগিচাৰ দ্বাৰা মানসিক স্বাস্থ্য কেনেকৈ উন্নত হয়?

বিশেষজ্ঞসকলে মত প্ৰকাশ কৰিছে যে বাগিচা হৈছে এক প্ৰকাৰৰ কলা যাৰ বাবে শিক্ষা, পৰিকল্পনা আৰু ৰণনীতিৰ লগতে সৃজনশীলতাৰ প্ৰয়োজন। ইয়াৰ লগত শাৰীৰিক কাৰ্যকলাপো অন্তৰ্ভুক্ত হৈ আছে যাৰ ফলত মানসিক আৰু শাৰীৰিক ব্যায়ামো হয়।

উদ্বেগ আৰু হতাশাৰ লক্ষণবোৰ কমে

প্ৰতিৰোধমূলক ঔষধ প্ৰতিবেদনৰ (Preventive Medicine Reports) এক অধ্যয়ন অনুসৰি, বাগিচাৰ দ্বাৰা হতাশা আৰু উদ্বেগৰ লক্ষণবোৰ হ্ৰাস হয়। পৃথিৱীৰ বিভিন্ন প্ৰান্তৰ চিকিৎসালয়ত উদ্বেগ আৰু হতাশগ্ৰস্ততাত ভুগি থকা ৰোগীসকলক প্ৰায়ে ফুল আৰু উদ্ভিদ ৰোপণ আৰু উদ্ভিদৰ যত্ন লোৱাৰ কামত অংশগ্ৰহণ কৰিবলৈ দিয়া হয়। প্ৰকৃততে, যেতিয়া মানুহে বাগিচা পতাৰ সময়ত মাটিত হাত থয়, ই হতাশা-বিৰোধী ঔষধৰ দৰে কাম কৰে। যি চাপ আৰু হতাশাৰ লক্ষণবোৰ হ্ৰাস কৰাত সহায় কৰে।

চাপৰ উপশম ঘটায়

দৈনন্দিন জীৱনৰ ব্যস্ততাৰ মাজত, মানুহৰ ব্যায়াম আৰু অন্যান্য শাৰীৰিক শ্ৰমৰ বাবে সময় নাই। এনে পৰিস্থিতিত, দৈনিক ১০-২০ মিনিটৰ বাবে বাগিচা কৰাটোৱে চাপৰ দৰে সমস্যাৰপৰা সকাহ দিয়ে।

মগজুৰ কাৰ্যক্ষমতা ভাল কৰে

বাগিচাৰ দ্বাৰা মগজুৰ কাম কৰাৰ ক্ষমতা বৃদ্ধি হয়। ই মনোযোগ আৰু একাগ্ৰতাও বৃদ্ধি কৰে। যাৰ ফলত পঢ়া শুনা কৰা শিশু আৰু কঠোৰ পৰিশ্ৰম কৰা লোকসকল যথেষ্ট লাভান্বিত হ’ব পাৰে।

আত্মবিশ্বাস বৃদ্ধি কৰে

বাগিচাত কাম কৰা, গছ-গছনিত পানী দিয়া আৰু প্ৰতিপাল কৰাটোৱে মানুহক সুখী কৰে আৰু লগতে তেওঁলোকৰ আত্মবিশ্বাসো বৃদ্ধি কৰে।

লগতে পঢ়কঃ অতুল বৰাৰ সিদ্ধান্ত : ধানৰ দৰে নন্যূতম সমৰ্থন মূল্যত চৰকাৰে ক্ৰয় কৰিব সৰিয়হ

English Summary: Benefits of gardening in mental health

Like this article?

Hey! I am Mrigakshi Phukan. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2024 Krishi Jagran Media Group. All Rights Reserved.