‘Golden Milk’ যাক হালধি গাখীৰ বুলিও জনা যায় । ই হৈছে এক ভাৰতীয় পানীয় যি পশ্চিমীয়া সংস্কৃতিত জনপ্ৰিয়তা লাভ কৰিছে । এই উজ্জ্বল হালধীয়া পানীয়বিধ পৰম্পৰাগতভাৱে গৰুৰ গাখীৰ, হালধি আৰু অন্যান্য মচলাৰে গৰম কৰি তৈয়াৰ কৰা হয় । ‘Golden Milk’ ৰ সৈতে ডালচেনি, আদা, বাদাম, নাৰিকল আদি যোগ দিব পাৰি । কোভিড-১৯ সময়ত এই পানীয়বিধ অধিক জনপ্ৰিয় হৈ পৰিছিল ।
‘Golden Milk’ৰ সেৱন কৰিলে কি লাভ হ’ব আপোনাৰ
- পদাহ হ্ৰাস কৰে
- কোষৰ ক্ষতি প্ৰতিহত কৰে
- চিন্তা শক্তি বৃদ্ধি কৰে
- মস্তিষ্কৰ কাৰ্যক্ষমতা সমৰ্থন কৰা আৰু স্মৃতিশক্তি উন্নত কৰে
- হৃদৰোগ প্ৰতিৰোধ কৰে
- সম্ভৱতঃ কৰ্কট ৰোগৰ আশংকা হ্ৰাস কৰে
- ৰক্ত শৰ্কৰাৰ স্তৰ হ্ৰাস কৰে
- ৰোগ প্ৰতিৰোধ ক্ষমতা বৃদ্ধি কৰে
কেনেকৈ বনাব ‘Golden Milk’
‘Golden Milk’ বনোৱাৰ পদ্ধতি অতিকৈ সহজ । তলত উল্লেখ কৰা পদ্ধতি সমূহ অনুসৰণ কৰিলে আপুনি সহজতে ঘৰতে ‘Golden Milk’ বনাব পাৰে
- প্ৰথমতে আপুনি ১/২ কাপ গাখীৰ লওক
- ১ চামুচ হালধি
- ১ টুকুৰা সতেজ আদা আথবা আদা পাউদাৰ
- ১/২ ডালচেনি পাউদাৰ
- ১ চিমুটি গুৰি কৰা জালুক
- ১ চামচ মৌ
- ২-৩ টা বাদাম বা বিকল্প হিচাপে আধা চামুচ নাৰিকল যোগ দিব দিব পাৰে
‘Golden Milk’ তৈয়াৰ কৰিবলৈ সকলো সামগ্ৰী এটা সৰু চচপেন বা পাত্ৰত মিহলি কৰি উতলাওক । একেবাৰে কম তাপত ১০ মিনিটৰ বাবে সুগন্ধি নোলোৱালৈকে উতলাওক । মিহি স্ট্ৰেইনাৰৰ জৰিয়তে পানীয়খিনি মগত চেঁচাওক আৰু ওপৰত এক চিমুটি ডালচেনি দিয়ক । যদি আপুনি বিচাৰে সজাবলৈ বাদাম বা নাৰিকল যোগ কৰিব পাৰে ।
‘Golden Milk’ পদাহ-প্ৰতিৰোধী আৰু এণ্টিঅক্সিডেণ্ট সমৃদ্ধ । ই বিশেষভাৱে বয়স বৃদ্ধি, শালমইনা, আৰু একজিমাৰ বিৰুদ্ধে যুঁজ দিয়ে । হালধি গাখীৰ খালে আপোনাৰ ছাল মসৃণ হয়, সূক্ষ্ম ৰেখা আঁতৰ কৰে, দাগবোৰ পাতল কৰাৰ লগতে প্ৰাকৃতিকভাৱে আপোনাৰ ছাল জিলিকি উঠোৱাত সহায় কৰে।
লগতে পঢ়কঃ https://asomiya.krishijagran.com/horticulture/cabbage-cultivation/