মানুহৰ সমান্তৰালকৈ চীনত জীৱ-জন্তু আৰু চৰাইৰ ওপৰত বিভিন্ন বৈজ্ঞানিক পৰীক্ষা-নিৰীক্ষা আৰম্ভ হৈছে। শেহতীয়াকৈ চীনৰ বিজ্ঞানীসকলে দাবী কৰিছে যে ক্ল’নিঙৰ সহায়ত তেওঁলোকে ‘Super Cow’ অৰ্থাৎ ছুপাৰ গৰু সৃষ্টি কৰিছে। এটা গৰুৱে সাধাৰণ গৰুতকৈ বহুগুণ বেছি গাখীৰ দিব পাৰে, এই দাবী চীনৰ বিজ্ঞানীসকলৰ। বিজ্ঞানীসকলৰ মতে ছুপাৰ গাই এদিনত ১৪০ লিটাৰ গাখীৰ দিব পাৰে।
ছুপাৰ গৰুৰ বাবে চীনত গাখীৰ উৎপাদন বৃদ্ধি পাব
ছুপাৰ গৰুৰ বাবে চীন বিশ্বৰ গাখীৰ উৎপাদনৰ ক্ষেত্ৰত আগশাৰীৰ দেশ হ’ব পাৰে। চীনৰ চৰকাৰী সংবাদ মাধ্যমে জনাইছে যে ছুপাৰ গৰুৰ সফল ক্ল’নিংৰ পিছত চীনৰ দুগ্ধ উদ্যোগটোৱে কাম কৰিবলৈ সক্ষম হ’ব। লগতে এতিয়া বহিঃদেশৰ পৰা উচ্চ জাতৰ গৰু চীনলৈ আমদানি কৰাৰ প্ৰয়োজন নহ’ব।
লগতে পঢ়ক-
Jute cultivation : ধান খেতি কৰিব নোৱৰা দ ঠাইত কৰক মৰাপাটৰ খেতি
গোটেই জীৱনকালত ছুপাৰ কাৱে দিব ২ লাখ ৮৩ হাজাৰ লিটাৰ গাখীৰ
চীনা বিজ্ঞানীসকলে দাবী কৰিছে যে তেওঁলোকে সৃষ্টি কৰা ক্ল’ন কৰা গৰু অৰ্থাৎ ছুপাৰ গৰুটোৱে গোটেই জীৱনত ২ লাখ ৮৩ হাজাৰ লিটাৰ গাখীৰ দিব পাৰে। সংবাদ মাধ্যমৰ বাতৰি অনুসৰি নৰ্থৱেষ্ট ইউনিভাৰ্চিটিত চীনৰ বিজ্ঞানীসকলে ছুপাৰ গৰু পালন কৰিছে। গৰুৰ ক্ল’নিং কৰি তিনিটা পোৱালি সফলতাৰে জন্ম দিছে। চীনা বিজ্ঞানীসকলে আগন্তুক দুবছৰত ১০০০ টা এনে গৰু উৎপাদনৰ লক্ষ্য লৈছে।
উল্লেখ্য যে গড়তকৈ অধিক পৰিমাণৰ গাখীৰ উৎপাদনৰ বাবে জনাজাত ডাচ জাতৰ গৰু হোলষ্টেইন ফ্ৰিজিয়ান গৰু ব্যৱহাৰ কৰি ছুপাৰ গৰু সৃষ্টি কৰিছে চীনত। এই ছুপাৰ গৰুৰ সৃষ্টিৰ নেতৃত্ব দিয়া নৰ্থৱেষ্ট এ এণ্ড এফৰ গৰুৰ পশু চিকিৎসক য়াপিং জিনে কয় যে ক্ল’নিঙে চীনৰ কৃষি খণ্ডক পুনৰ সজীৱ কৰি তোলাত সহায় কৰিব।
লগতে পঢ়ক-