সাম্প্ৰতিক সময়ত ৰাজ্যৰ বিভিন্ন ঠাইৰ গো-ধনৰ মাজত লাম্পি নামৰ এবিধ চৰ্মৰোগ (LUMPY SKIN DISEASE) ৰ প্ৰাদূৰ্ভাৱ হৈছে।'কেপ্ৰিপ'ক্স' নামৰ এবিধ ভাইৰাছ এই ৰোগৰ কাৰক। আক্রান্ত পশুধনৰ প্ৰত্যক্ষ সংস্পৰ্শত থকা নিৰোগী পশুধনলৈ পতংগৰ জৰিয়তে ৰোগবিধ বিস্তাৰ হয়। এই ৰোগত আক্ৰান্ত পশুধনৰ মৃত্যু পর্যন্ত হ'ব পাৰে।
লগতে পঢ়ক-
এজনী গিৰ গাইৰ দাম কিমান, দৈনিক কিমান লিটাৰ গাখীৰ দিয়ে!
লক্ষণসমূহ-
- আক্রান্ত পশুধনৰ ছালত অসংখ্য টেমুনা হয়, ফলত বিষ হয় আৰু জ্বৰ উঠে।
- চকুপানীৰ লগতে নাকৰ পৰা শেঙুণ ওলায় আৰু অতিমাত্ৰা লেলাউতি নিঃসৰণ হয়।
- অত্যাধিক বিষৰ বাবে গ্ৰন্থিবোৰ ফুলি উঠে আৰু টেমুনাবোৰ টান হৈ পৰে।
- গলবিচনী, কান্ধ আদিত পানী জমা হয়।
- খীৰতী গাই গৰুৰ গাখীৰৰ উৎপাদন কমি যায়।
- গাভিনী গাইৰ গৰ্ভপাত পর্যন্ত হ'ব পাৰে।
ল'বলগীয়া সাৱধানতা-
- এই ৰোগৰ লক্ষণ দেখাৰ লগে লগে ওচৰৰ পশুস্বাস্থ্য কেন্দ্ৰৰ সৈতে যোগাযোগ কৰক।
- আক্রান্ত পশুধনক পৃথকে ৰখাৰ ব্যৱস্থা কৰক, কোনো কাৰণতে মুকলি পথাৰত এৰি নিদিব।
- নিতৌ পশুধনৰ স্বাস্থ্য নিৰীক্ষণ কৰি থাকিব।
- গোহালিৰ ভিতৰে-বাহিৰে কোনো ধৰণৰ পানী, মল-মূত্ৰ আদি জমা হৈ থাকিব নিদিব
- পাম চৌহদত বাহিৰা ব্যক্তি অথবা অন্য জীৱ-জন্তু প্ৰবেশ কৰিবলৈ নিদিব
- এই ৰোগৰ পৰা পশুধনক বচাই ৰাখিবলৈ প্ৰতিষেধক ছিটা প্ৰদানৰ ব্যৱস্থা কৰক
পশুপালন আৰু পশুচিকিৎসা সম্বন্ধীয় তথ্যৰ বাবে নিকটবর্তী পশুপালন আৰু পশুচিকিৎসা বিষয়াৰ সৈতে যোগাযোগ কৰক।
লগতে পঢ়ক-
পশুধনক কুকুৰে কামুৰিলে ল’ব লগা বিধান
English Summary: Lumpy skin disease Character, treatment & care
Published on: 18 March 2023, 05:41 IST