১) ফাৰ্মত এটা খৰচী ঘৰ নিৰ্মাণ কৰা
আপোনাৰ কৃষি উদ্যোগ আৰম্ভ কৰাৰ সময়ত আড়ম্বৰপূৰ্ণ ঘৰৰ প্ৰয়োজন নাই। ফেচবুকত দেখুৱাবলৈ এনে কৰাতকৈ কৃষিত মনোনিৱেশ কৰাটোহে কৃষকজনৰ প্ৰকৃত কাম।
২) অভিজ্ঞতা অবিহনে ডাঙৰকৈ আৰম্ভ কৰা
সৰুৰে পৰা আৰম্ভ কৰাটো কোনো দুৰ্বলতা নহয় বৰঞ্চ কৌশলহে। সৰুৰে পৰা আৰম্ভ কৰাৰ সুবিধা বহুত বেছি। অভিজ্ঞতা বাঢ়ি গলে লাহে লাহে ডাঙৰ কৰি যাব লাগে। সৰুকৈ আৰম্ভ কৰিলে উতপাদন কৰা সামগ্ৰীৰ বজাৰখনো উমান পাব আপনি। কৃষকৰ বাবে বজাৰখনেই অন্যতম পথ প্ৰদৰ্শক।
৩) বজাৰ অবিহনে উৎপাদন কৰা
বজাৰখন সন্মুখত ৰাখি সদায় কৃষকসকলে কৃষিত মনোনিৱেশ কৰা উচিত। আপুনি উতপাদন কৰা সামগ্ৰী বজাৰত চাহিদা কেনেকুৱা বা আপুনি উতপাদন কৰা সামগ্ৰীটোৱে বজাৰখন দখল কৰিবলৈ সক্ষম হব নে নাই এই কথাটো মন লক্ষ্য কৰিব।
৪) অনুমানৰ ওপৰত কাম কৰা
পৰীক্ষা নকৰাকৈ কৰা অনুমানবোৰে কেতিয়াবা বিপদত পেলাব পাৰে। কেতিয়াও অনুমানৰ ওপৰত নিৰ্ভৰ কৰি খৰচী কাম কৰিব নালাগে। পৰীক্ষামূলকভাৱে কিবা কৰি চাবলৈ কম খৰচেৰে আৰম্ভ কৰিব লাগে।
লগতে পঢ়ক-
Farmers Avoid These Mistakes : সাধাৰণতে আমাৰ কৃষকসকলে সততে কৰা কেইটামান ভুল
৫) অযোগ্য আৰু ওচৰৰ বা সম্বন্ধীয় লোকক নিযুক্তি দিয়া
অযোগ্য লোকক কেতিয়াও কৃষিকৰ্মত নিযুক্ত কৰিব নালাগে। এজনৰ বাবেই বহু সময়ত আপুনি বৃহত লোকচানৰ সন্মুখীন হব পাৰে। নজনা লোকক শিকাই লওঁক। ভুল কৰিলেও চাকৰিৰ পৰা বৰ্খাস্ত কৰিব নোৱাৰা কাকো কেতিয়াও নিযুক্তি নিদিব! যদিহে জৰুৰী নহয় আত্মীয়ৰ পৰা আঁতৰি থাকক! যিমান পাৰে উপযুক্তজনক নিযুক্তি দিয়ক আৰু তেওঁলোকক বিশ্বাস নকৰিব!
৬) অতি কম সময়সীমা নিৰ্ধাৰণ কৰা
খেতি কৰি কম সময়তে ধনী নহয়। গতিকে কম দিনতে ধনী হোৱাৰ আশা কৰাটো ভুল।
৭) উৎপাদন নোহোৱাকৈ আন্তঃগাঁথনিত বিনিয়োগ কৰা
উতপাদন নোহোৱাকৈ অধিক টকা কৃষি কৰ্মত বিনিয়োগ কৰাটো ভুল। কিন্তু উন্নত জাত, নতুনত্বৰ ওপৰত কৃপানালি নকৰিব।
৮) মনোযোগৰ অভাৱ
সকলোৱে যি কৰি আছে তাক নকল কৰাৰ পৰা আঁতৰি থাকক। নিজে কি কৰিছে তাৰ ওপৰত গুৰুত্ব দিয়ক আৰু আধিপত্য বিস্তাৰ কৰক। প্ৰতিযোগিতা সুস্থ প্ৰতিযোগিতাৰে আগবাঢ়ক।
৯) দূৰৱৰ্তী খেতি
খেতি ফোনেৰে নহয়। খেতি কৰিবলৈ মন বান্ধিলে চহৰৰ জীৱন ত্যাগ কৰিবই লাগিবই। গ্ৰামাঞ্চলত খেতি আৰম্ভ কৰি চহৰৰ পৰা ফোনেৰে খেতিৰ কাম চলালে লোকচানৰ সম্ভাৱনাই অধিক। ফাৰ্মলৈ আহি গাড়ীৰ পৰাই নিজৰ শ্ৰমিকৰ লগত কথা পাতি উভতি নাযাব। কেতিয়াও মদ খাই নাহিব! পাৰিলে কৃষকজনে প্ৰতিদিনে পুৱা-গধুলি নিজৰ কৃষিফাৰ্মৰ চাৰিওফালে খোজকাঢ়ক।
লগতে পঢ়ক-