গুজৰাটতত নিৰ্বাচনী ধুমুহা। লগতে বাঢ়িছে প্ৰতিশ্ৰুতিৰ বন্যা। কোনোবাই যদি বিজুলি, ঋণ ৰেহাই, আন কোনো দলে আকৌ দিছে সংস্থাপনৰ প্ৰতিশ্ৰুতি। কংগ্ৰেছ নেতা ৰাহুল গান্ধীয়ে সোমবাৰে কৃষকসকলক সহায় কৰাৰ প্ৰয়াসত তেওঁ ৩ লাখ টকা পৰ্যন্ত ঋণ ৰেহাই দিয়াৰ লগতে অন্যান্য বিষয়ৰ লগতে বিনামূলীয়া বিদ্যুৎ যোগান ধৰাৰ প্ৰতিশ্ৰুতিও দিয়ে।
লগতে তেওঁ কয় যে তেওঁৰ দল ক্ষমতালৈ আহিলে এল পি জি চিলিণ্ডাৰৰ হাৰ ৫০০ টকালৈ হ্ৰাস কৰিব। আহমেদাবাদত অনুষ্ঠিত হোৱা ‘পৰিৱৰ্তন সংকল্প ৰেলী’ত গান্ধীয়ে এই কথা প্ৰতিশ্ৰুতি দিয়ে।
উল্লেখযোগ্য যে চলিত বৰ্ষৰ শেষৰ ফালে বিধানসভা নিৰ্বাচন অনুষ্ঠিত হ’বলগীয়া গুজৰাটৰ জনসাধাৰণক গান্ধীয়ে ১০ লাখ নতুন চাকৰি সৃষ্টি, ৩০০০ ইংৰাজী মাধ্যমৰ বিদ্যালয় নিৰ্মাণ, ছোৱালীৰ বাবে বিনামূলীয়া শিক্ষা আদিও প্ৰতিশ্ৰুতি দিছিল।
সভাত তেওঁ কয় "ইয়াত বিজেপি চৰকাৰে শীৰ্ষ উদ্যোগপতিৰ ঋণ ৰেহাই দিব, কিন্তু তেওঁলোকে কেতিয়াবা শুনিছেনে যে তেওঁলোকে কৃষকৰ ঋণ ৰেহাই দিছে? কিন্তু আমি গুজৰাটত আমি ক্ষমতালৈ অহাৰ পিছতে প্ৰতিজন কৃষকৰ ৩ লাখ টকা পৰ্যন্ত ঋণ ৰেহাই দিয়াৰ প্ৰতিশ্ৰুতি দিছো।’’
লগতে পঢ়ক- প্ৰবল বৰষুণত প্ৰকল্পৰ ওপৰেৰে বাগৰিছে পানী