প্ৰধানমন্ত্ৰী নৰেন্দ্ৰ মোদীয়ে মুকলি কৰিব এগ্ৰি ষ্টাৰ্টআপ কনক্লেভ আৰু কৃষক সন্মিলন

ভাৰতীয় অৰ্থনীতিত কৃষি-ষ্টাৰ্টআপৰ অপৰিহাৰ্য ভূমিকাক উদযাপন কৰিবলৈ আয়োজন কৰা হৈছে এক বৃহৎ সন্মিলন। কৃষি আৰু কৃষক কল্যাণ মন্ত্ৰালয়ৰ DA & FW য়ে ১৭ আৰু ১৮ অক্টোবৰত এগ্ৰি ষ্টাৰ্টআপ কনক্লেভ আৰু কৃষক সন্মিলন “Badalta Krishi Paridrishya Aur Takneek” আয়োজন কৰিছে। সন্মিলনখন নতুন দিল্লীৰ পুছা মেলা খেলপথাৰত উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে।

এই অনুষ্ঠানটোতে চৰকাৰে প্ৰধানমন্ত্ৰী কিষাণ সন্মান নিধি যোজনাৰ বহু প্ৰত্যাশিত দ্বাদশ কিস্তিও মুকলি কৰিব বুলি আশা কৰা হৈছে।

সন্মিলনখন হৈছে এক জ্ঞান উৎসৱ য’ত কেন্দ্ৰীয় আৰু ৰাজ্য চৰকাৰৰ বিষয়া, বহল পৰিসৰৰ ষ্টাৰ্ট-আপ, ইনকিউবেটৰ, এফপিঅ', শিক্ষাবিদৰ লগতে সমগ্ৰ দেশৰ কৃষি ব্যৱসায়, ইনকিউবেটৰকে ধৰি বিভিন্নজনে মত বিনিময় কৰিব।

প্ৰধানমন্ত্ৰী মোডীয়ে ১৭ অক্টোবৰত নতুন দিল্লীৰ IARI ৰ পুছা মেলা গ্ৰাউণ্ডত পুৱা ১১ বজাৰপৰা দুপৰীয়া ২ বজাৰ ভিতৰত অনুষ্ঠানটো উদ্বোধন কৰিব আৰু মূল ভাষণ প্ৰদান কৰিব।

কৰিব।এই অনুষ্ঠানটোত প্ৰায় ১৫,০০০ ষ্টাৰ্টআপ আৰু ১৩,৫০০ কৃষকৰ লগতে কৃষিৰ বিভিন্ন ক্ষেত্ৰত কাম কৰি থকা ৩০০ টা ষ্টাৰ্টআপ ষ্টলে অংশগ্ৰহণ কৰিব বুলি অনুমান কৰা হৈছে।

তদুপৰি এগ্ৰি ষ্টাৰ্টআপ কনক্লেভ আৰু কিষাণ সন্মিলনে অনুষ্ঠানৰ ২য় দিনটোৰ ভিতৰত এটা কাৰিকৰী অধিবেশনৰ পৰিকল্পনা কৰিছে আৰু লগতে ষ্টাৰ্ট-আপসমূহক পৰস্পৰৰপৰা শিকিবলৈ আৰু কৃষকসকলক সহায় কৰাৰ বাবে ধাৰণাসমূহ ভাগ-বতৰা কৰিবলৈ সুযোগ প্ৰদান কৰিছে। কনক্লেভৰ বিষয়ে অধিক জানিবলৈ তেওঁলোকৰ অফিচিয়েল ৱেবছাইট চাওক।

লগতে পঢ়কঃ দাম বাঢ়িল কুঁহিয়াৰৰ! পাঞ্জাবত প্ৰতি কুইণ্টল কুঁহিয়াৰৰ দাম ৩৮০ টকালৈ বৃদ্ধি