সমাজবাদী পাৰ্টিৰ প্ৰতিষ্ঠাপক তথা নেতা মুলায়ম সিং যাদৱৰ মৃত্যু। শাৰীৰিক অসুস্থতাৰ বাবে ২২ ছেপ্টেম্বৰৰ পৰা চিকিৎসালয়ত ভৰ্তি হৈ আছিল নেতাগৰাকী। আজি গুৰুগ্ৰামৰ মেদান্তা হাস্পতালত চিকিৎসাধীন অৱস্থাত তেওঁৰ মৃত্যু হয়। মৃত্যুৰ সময়ত সমাজবাদী পাৰ্টিৰ নেতাজনৰ বয়স আছিল ৮২ বছৰ।
উল্লেখ্য যে স্বাস্থ্যৰ অৱনতি ঘটাৰ বাবে মুলায়ম সিং যাদৱক দেওবাৰে আইচিইউলৈ নিয়া হৈছিল। জানিব পৰা মতে যাদৱৰ উশাহ-নিশাহত সমস্যা আছিল আৰু আভ্যন্তৰীণ ঔষধৰ বিশেষজ্ঞ ডাঃ সুশীলা কাটাৰিয়াই হাৰিয়ানাৰ চিকিৎসালয়খনত তেওঁৰ চিকিৎসা কৰি আছিল।
মুলায়ম সিং যাদৱ এজন প্ৰখ্যাত ভাৰতীয় ৰাজনীতিবিদ আৰু সমাজবাদী পাৰ্টিৰ প্ৰতিষ্ঠাপক আছিল। তেওঁ একেৰাহে তিনিবাৰ উত্তৰ প্ৰদেশৰ মুখ্যমন্ত্ৰী আছিল।ইয়াৰ লগতে তেওঁ ভাৰত চৰকাৰৰ প্ৰতিৰক্ষা মন্ত্ৰীও আছিল।
তেওঁ দীৰ্ঘকাল ধৰি বিধায়ক পদত আছিল আৰু লোকসভাৰ মৈনপুৰী সমষ্টিৰ লগতে আজমগড় আৰু সম্ভল সমষ্টিৰ সাংসদ হিচাপেও কাৰ্যনিৰ্বাহ কৰিছিল।
মুলায়ম সিং যাদৱৰ মৃত্যুৰ বাতৰিয়ে সমগ্ৰ দেশতে শোকৰ ছাঁ পেলাইছে। বহু ৰাজনৈতিক নেতা আৰু যাদৱৰ সমৰ্থকসকলে টুইটাৰযোগে নেমতাজনৰ প্ৰতি শ্ৰদ্ধাঞ্জলি জ্ঞাপন কৰিছে।
Share your comments