Manipur Chak Hao: ভৌগোলিক স্বীকৃতি প্ৰাপ্ত মণিপুৰৰ সুগন্ধি ক’লা চাউল

মণিপুৰত স্থানীয়ভাৱে চাক-হাও (Chak hao) নামেৰে নামাকৰণ কৰা ক'লা সুগন্ধি চাউল (Aromatic black rice) ইয়াৰ আকৰ্ষণীয় ৰং আৰু গোন্ধ আৰু সোৱাদৰ বাবে সুপৰিচিত। ইয়াক ভিটামিন, খনিজ পদাৰ্থ, আঁহ, প্ৰ'টিন আৰু বহুতো পুষ্টিৰ অনুকূল সমলৰ উপৰিও খাদ্য শস্যত পোৱা এন্থোচাইনিনৰ আটাইতকৈ বেছি থকা উৎস হিচাপে বিবেচনা কৰা হয়।

মণিপুৰৰ ক'লা সুগন্ধি চাউলৰ স্বকীয়তা হৈছে ইয়াৰ মনোৰম গোন্ধ আৰু আঠা- যি পৃথিৱীৰ আন প্ৰান্তত উৎপন্ন হোৱা আন ক'লা চাউলৰ ক্ষেত্ৰত সচৰাচৰ নাথাকে। অন্তৰ্নিহিত অনন্য গুণাগুণবোৰ উপলব্ধি কৰাৰ পাছত, বাণিজ্যিক খেতিৰ এক ভাল সুযোগ আৰু লাভজনক কৃষি-ব্যৱসায়ৰ সম্ভাৱনা ইয়াত দেখা যায়।

বগা আৰু মুগা চাউল দুয়োটাতকৈ অধিক ভিটামিন আৰু খনিজ পদাৰ্থ থকা চাউলৰ প্ৰকাৰ বুলি ইয়াক গণ্য কৰা হয়। ক'লা সুগন্ধি চাউলৰ ৰং এন্থোচাইনিন নামৰ শক্তিশালী প্ৰাকৃতিক ক'লা ৰঙৰ ৰঞ্জকৰ বাবে হয়। যি এক এণ্টিঅক্সিডেণ্টৰ কাম কৰে কৰে আৰু এই ধানৰ স্বাস্থ্যৰ উপযোগিতা বৃদ্ধি কৰে। ভিটামিন ই, আঁহ আৰু প্ৰ'টিনৰ এক ভাল উৎস হোৱাৰ উপৰি ক'লা চাউলে শৰীৰত উচ্ছ্বাসৰ স্তৰ হ্ৰাস কৰা দেখা যায়। ক'লা চাউল সেৱনে এথেৰোস্ক্লেৰোচিছ, ডায়েবেটিচ, আলঝেইমাৰ ৰোগ, উচ্চ ৰক্তচাপ, উচ্চ কলেষ্টেৰল স্তৰ, আৰ্থ্ৰাইটিছ, এলাৰ্জি, বয়স বৃদ্ধিৰ লক্ষণ আৰু আনকি কৰ্কট ৰোগৰ প্ৰতিৰোধ আৰু ব্যৱস্থাপনাত অৰিহণা যোগায়।

ব্যৱহাৰ আৰু প্ৰক্ৰিয়াকৰণৰ সুযোগ

চাক-হাও মুখ্যতঃ ভাত বা ক্ষীৰ হিচাপে ৰান্ধি খোৱা হয়। প্ৰস্তুত কৰিব পৰা কিছুমান মূল্য সংযোজিত সামগ্ৰী হৈছে- আটা, চিৰাপ, চকলেট, বিয়েৰ, ৱাইন, কে’ক, ব্ৰে’ড, চিৰা, পৰঠা, লাড়ু, অন্যান্য মিঠা খাদ্য আৰু প্ৰসাধন সামগ্ৰী।

চাক-হাও চাউল ধোৱা পানী এণ্টি-অক্সিডেটিভ ফাইটো-ৰাসায়নিক পদাৰ্থৰ এক সম্ভাৱ্য উৎস হ'ব পাৰে আৰু বিষাক্ত সংশ্লেষিতৰ সলনি নিউট্ৰেচুটিকেল বা কাৰ্যকৰী খাদ্য সামগ্ৰী আৰু প্ৰাকৃতিক ৰঙৰ বাবে উপযোগী উপাদান হ'ব পাৰে। অৰ্থনৈতিকভাৱে আহৰণ কৰিব পৰা কিছুমান নিউট্ৰেচুটিকেল যৌগ হৈছে টকোট্ৰিয়েনল, গামা এমিনি বুটাইৰিক এচিড, অৰিজানল, চাউলৰ ব্ৰাণ চেকাৰিন, লুটিন, জেক্সান্থিন, বুটাইলেট হাইড্ৰ'এনিচোল, ফাইটোষ্টেৰল ইত্যাদি।

মণিপুৰত বিভিন্নতা বৃদ্ধি আৰু উপলব্ধতা

মণিপুৰত যথেষ্ট জনপ্ৰিয় চাক-হাও 'আমুবি' আৰু চক-হাও 'পইৰিটন' দুয়োটা প্ৰকাৰ জৈৱিকভাৱে খেতি কৰা হৈছে। প্ৰতি বছৰে ডিচেম্বৰৰ পৰা মে' মাহলৈ ৰাজ্যখনত ৰাজ্যখনত এই চাউল উপলব্ধ।

চাক হাও কিয় পৃথক?

• পৰম্পৰাগত পদ্ধতি ব্যৱহাৰ কৰি চাক হাও উৎপন্ন কৰা হয়।
• ই প্ৰাকৃতিকভাৱে গ্লুটেন মুক্ত।
• উৎকৃষ্ট সুগন্ধিৰ সৈতে ইয়াৰ বাদামী সোৱাদ।
• উচ্চ পুষ্টি মূল্য ।

লগতে পঢ়কঃ Avocado Cultivation: উত্তৰ-পূৰ্বাঞ্চলত আভকাডো খেতিৰ সম্ভাৱনীয়তা

(জৈৱিক কৃষিৰ সৈতে জড়িতসকলৰ বাবে সু-খবৰ। জৈৱিক কৃষিৰ সৰ্ব বৃহৎ বাণিজ্য মেলা অনুষ্ঠিত হ’ব গুৱাহাটীত। ছিকিম ষ্টেট কো-অপাৰেটিভ ছাপ্লাই এণ্ড মাৰ্কেটিং ফেডাৰেচন লিমিটেড (Sikkim State Cooperative Supply and Marketing Federation Ltd.) চমুকৈ ছিমফেড(SIMFED)এ অসম চৰকাৰৰ কৃষি বিভাগৰ সহযোগত এই মেলাৰ আয়োজন কৰিছে। ৩ ফেব্ৰুৱাৰীৰপৰা ৫ ফেব্ৰুৱাৰীলৈ আয়োজন কৰা এই বাণিজ্য মেলাত নলেজ পাৰ্টনাৰৰ ভূমিকা গ্ৰহণ কৰিব চিমফেডে।  জৈৱিক ফচলৰ খেতি কৰা কৃষক বা উৎপাদকৰ সৈতে উপভোক্তাৰ সম্পৰ্ক স্থাপনৰ উদ্দেশ্যে আয়োজন কৰা হৈছে এই মেলাৰ। এই বিষয়ে অধিক জানিবলৈ এই লিংকত ক্লিক কৰক- https://asomiya.krishijagran.com/news/indias-biggest-expo-on-organic-to-be-held-in-guwahati/

যদিহে আপুনি এই মেলাত যোগদান কৰিব বিচাৰে তেন্তে যোগাযোগ কৰক এই নম্বৰত- ৯৮৯১২২৩৩৪০)