কেইবাটাও উন্নত প্ৰজাতিৰ সুস্বাদু আৰু ভিন্নৰঙী তৰমুজৰ খেতি কৰি এতিয়া ৰাজ্যৰ বজাৰ দখল কৰিবলৈ সক্ষম হৈছে জাগীৰোডৰ কপিলী ফাৰ্মাৰ্চ প্ৰডিউচাৰ কোম্পানীৰ কৃষকসকল । তেওঁলোকে বিগত কেইবা বছৰৰ দৰে এইবেলিও জাগীৰোডৰ জাগীভকতগাঁৱত প্ৰায় ৬০ বিঘা মাটিত কৰে তৰমুজৰ খেতি।
৮ টা ভিন্ন প্ৰজাতিৰ তৰমুজৰ খেতি কৰি সেউজ বিপ্লৱৰ সূচনা কৰাৰ লগতে স্বাৱলম্বিতাৰ নিদৰ্শন দাঙি ধৰিছে এই কৃষক গোটটোৰ কৃষকসকলে । প্ৰতিবিঘা মাটিত প্ৰায় তিনিৰ পৰা চাৰিটনলৈ তৰমুজৰ উৎপাদন কৰিছে এই কৃষক গোটটোৱে । বিজ্ঞান সন্মতভাৱে এই তৰমুজৰ খেতি কৰিছে যদিও তেওঁলোকে মানৱ শৰীৰৰ বাবে অপকাৰী কোনো কীটনাশক ব্যৱহাৰ কৰা নাই । জানিব পৰা মতে, Known You Seed India Pvt Ltd নামৰ কোম্পানীটোৱে যোগান ধৰা উন্নত মানৰ বীজ ব্যৱহাৰ কৰি এই কৃষক সকল লাভৱান হৈছে।
লগতে পঢ়ক-
King chili : মাজুলীৰ ভকত চাপৰিত চন্দ্ৰ ভৰালীৰ ভোট জলকীয়াৰ খেতি
কপিলী ফাৰ্মাৰ্ছ প্ৰাডিউচাৰ কোম্পেনীৰ কৃষক সকলে পথাৰত মাস্কমেলনৰ চাৰিটা জাত যেনে - চানভি , মাধুৰী , ববী আৰু চানৰাইজ , ৱাটাৰমেলনৰ চাৰিটা জাত সৰস্বতি , বিশালা , আৰোহী আৰু ৰেণুকা এই আঠটা প্ৰজাতিৰ ভিন্নৰঙী অথচ সুস্বাদু তৰমুজৰ লাভজনক উৎপাদন কৰিবলৈ সক্ষম হৈছে ।
এই সন্দৰ্ভত কৃষক গোটটোৱে কয়- মুঠ ৮ টা উন্নত প্ৰজাতিৰ তৰমুজৰ খেতি এইবাৰ পৰীক্ষামূলকভাৱে কৰিছো। চিঙাৰ আৰম্ভ কৰিছো আৰু লাহে লাহে! প্ৰায় ৬০ বিঘাত কৰিছো। মোটমুটি উৎপাদন ভালেই দেখিছো। ৩ ৰ পৰা ৪ টন প্ৰতিবিঘাত আশা কৰিছো। ২০ টকা হলচেল ৰেটত পথাৰৰ পৰাই বিক্ৰি কৰি আছো।
লগতে পঢ়ক-
Share your comments