কি আছে চলমান খানৰ ৮০ কোটি টকীয়া বিতৰ্কিত ফাৰ্মহাউছত?

150 একৰ জুৰি বিয়পি আছে চলমান খানৰ পানভেল স্থিত ফাৰ্মহাউছ। গেংষ্টাৰ লৰেঞ্চ বিষ্ণই সন্দৰ্ভত চলমানৰ এই ফাৰ্মহাউছখনে বিশেষ চৰ্চা লাভ কৰিছিল। এই ফাৰ্মহাউছতে চলমান খানক হত্যা কৰাৰ ষড়যন্ত্ৰ কৰিছিল গেংষ্টাৰ লৰেঞ্চ বিষ্ণয়ে। উল্লেখ্য যে চলমান খানে 2020 চনত পানভেল ফাৰ্মহাউচতে লকডাউনৰ গোটেই সময়খিনি অতিবাহিত কৰিছিল।

আনহাতে মুম্বাইৰ বান্দ্ৰাত তেওঁৰ নিজা এপাৰ্টমেণ্ট আছে, য'ত তেওঁ পিতৃ-মাতৃৰ সৈতে বাস কৰে। চলমানৰ ফাৰ্ম হাউচটোৰ নাম অৰ্পিতা ফাৰ্মছ, যি মুম্বাইৰ পৰা কিছু দূৰত পানভেলত অৱস্থিত। ফাৰ্মহাউচটো অভিনেতাজনে ভগ্নী অৰ্পিতা খানৰ নামেৰে নামকৰণ কৰিছে। চলমানৰ এই বাসগৃহ অৰ্থাৎ পানভেল ফাৰ্ম হাউচ প্ৰায় ১৫০ একৰত বিয়পি আছে। ইয়াত জিমৰ পৰা ছুইমিং পুললৈকে সকলো বিলাসী সুবিধা আছে। জানিব পৰামতে ইয়াৰ মূল্য 80 কোটি টকা।

যিহেতু চলমান বহু 'শক্তিশালী ফিটনেছ সঁজুলি' আৰু 'এছকে27 জিম' ফ্ৰেঞ্চাইজিৰ গৰাকী, তেওঁ ফাৰ্ম হাউচত নিৰ্মিত জিমত এই সঁজুলিবোৰ স্থাপন কৰিছে। চলমানৰ পানভেল ফাৰ্মহাউচত বহুতো বিলাসী কোঠা আছে। ইয়াত এটা বিলাসী বাংলোও আছে। যিহেতু চলমান খানে ঘোঁৰা ভাল পায়, তেওঁ ইয়াত ঘোঁৰাৰ বাবে এটা আস্তাবলো নিৰ্মাণ কৰিছে। চলমানে যেতিয়াই বন্ধুবৰ্গৰ সৈতে সময় কটাবলৈ পানভেল ফাৰ্মহাউচলৈ আহে তেতিয়াই ঘোঁৰা চলায়। বহুসময়ত তেওঁ ঘোঁৰাবোৰক নিজে খুৱায় আৰু পৰিষ্কাৰ কৰে।

পানভেল ফাৰ্ম হাউছত বহুতো সুন্দৰ দিশ আছে। কিন্তু ছুইমিং পুলৰ ওচৰত বুদ্ধৰ এটা ডাঙৰ মূৰ্তিয়ে সকলোৰে দৃষ্টি আকৰ্ষণ কৰে। চলমান খানে ভিৰ আৰু কোলাহল পৰিহাৰ কৰিবলৈ পানভেল ফাৰ্মহাউচত প্ৰায়ে থাকিবলৈ যায়। উল্লেখ্য যে, ছলমান খানৰ ফাৰ্ম হাউছত চলচ্চিত্ৰ তাৰকাসকলৰ মৃতদেহ সমাধিস্থ হৈ থকা বুলি চলমান খানৰ পানভেল ফাৰ্মহাউচৰ চুবুৰীয়াই অলপতে বিষ্ফোৰক অভিযোগ উত্থাপন কৰিছিল। পানভেলত অভিনেতাজনৰ ফাৰ্মহাউছ সন্দৰ্ভত মিছা বাতৰি উলিওৱাৰ অভিযোগত চলমান খানে কেতন কক্কাড নামৰ এজন ব্যক্তিৰ বিৰুদ্ধে গোচৰ ৰুজু কৰে।

লগতে পঢ়কঃ ১১৫৮ কিলোগ্ৰামৰ ৰঙালাও উৎপাদন কৰি কৃষকৰ ৰেকৰ্ড