১১৫৮ কিলোগ্ৰামৰ ৰঙালাও উৎপাদন কৰি কৃষকৰ ৰেকৰ্ড

পাচলি বা ফলৰ আকাৰ স্বাভাৱিক আকাৰতকৈ যথেষ্ট ডাঙৰ হোৱা বহু সময়ত দেখা যায়। সেইবোৰৰ বিষয়ে যথেষ্ট আলোচনা আৰু পৰীক্ষা-নিৰীক্ষা আছে। কিন্তু বহুসময়ত সেইবোৰ স্বাভাৱিকতে ইমান ডাঙৰ আকাৰত বৃদ্ধি হয় যে একো একোটা অভিলেখ গঢ়ি উঠে। শেহতীয়াকৈ পুনৰ এনে এটা ঘটনা পোহৰলৈ আহিছে য'ত এজন কৃষকে উৎপাদন কৰে এটা ১১৫৮ কিলোগ্ৰামৰ ৰঙালাও। এই ৰঙালাওটো বৰ্তমান প্ৰদৰ্শনীত ৰখা হৈছে।

উত্তৰ আমেৰিকাৰ আটাইতকৈ ডাঙৰ ৰঙালাও হিচাপে এই ৰঙালাউটোক স্বীকৃতি দিয়া হৈছে। প্ৰকৃততে এই ঘটনাটো আমেৰিকা যুক্তৰাষ্ট্ৰৰ নিউয়ৰ্কৰ। সংবাদ মাধ্যমৰ বাতৰি অনুসৰি এই ৰঙালাউটো উৎপাদন কৰা কৃষকজনৰ নাম স্কট এণ্ড্ৰুজ। এই ৰঙালাওটোৰ জড়িয়তে কৃষকজনে সমগ্ৰ উত্তৰ আমেৰিকাৰ আটাইতকৈ ডাঙৰ ৰঙালাও উৎপাদন কৰাৰ অভিলেখ ভংগ কৰে। ডাঙৰ ৰঙালাউ উৎপাদনৰ বাবে বিশেষ কৌশল অৱলম্বন কৰাৰ কথা কৃষকজনে নিজে উল্লেখ কৰে। কেৱল এয়াই নহয়, কৃষকজনৰ এই ৰঙালাওটো বিশ্বৰ সৰ্ববৃহৎ ৰঙালাওৰ অভিলেখ ভংগ কৰাৰপৰা অলপহে পিছ পৰি আছে। অন্যথা বিশ্ব ৰেকৰ্ড এই কৃষকজনৰ নামতে হ'লহেঁতেন।

জানিব পৰামতে কৃষকজনক এই উৎপাদিত সামগ্ৰীৰ বাবে সন্মানিত কৰা হৈছিল আৰু পুৰস্কাৰো দিয়া হৈছিল।

নিউয়ৰ্কত অনুষ্ঠিত 'দ্য গ্ৰেট পাম্পকিন ফাৰ্ম'ত অনুষ্ঠিত বাৰ্ষিক ৱৰ্ল্ড পাম্পকিন ওজন প্ৰতিযোগিতাত কৃষকসকলে উৎপাদন কৰা ৰঙালাওৰ ওজন জোখা হৈছিল। তাত এই ৰঙালাওটোৰ ওজন পোৱা গৈছিল প্ৰায় 1158 কিলোগ্ৰাম। এই ৰঙালাওটো উৎপাদন কৰাৰ বাবে কৃষকজনক এখন প্ৰমাণপত্ৰ আৰু 5500 আমেৰিকান ডলাৰৰ পুৰস্কাৰৰ ধন দিয়া হয়।

খেতিয়কজনে প্ৰকাশ কৰা মতে তেওঁ মাজে মাজে ৰঙালাও আৰু লাউৰ খেতি কৰে। তেওঁ এই ৰঙালাওৰ বীজটো ৰোৱাৰ আগতে সিদ্ধান্ত লৈছিল যে এইবাৰ এটা ডাঙৰ আকাৰৰ ৰঙালাওৰ বীজ লোৱা হ'ব। যত্ন লোৱাৰ পদ্ধতিৰ বিষয়ে বৰ্ণনা কৰি কৃষকজনে কয় যে তেওঁ নিষ্ঠাৰে ইয়াৰ লতা আৰু অন্যান্য অপ্ৰয়োজনীয় বস্তু কাটিছিল। একে সময়তে তেওঁ পুলিটোত উৎকৃষ্ট সাৰ প্ৰদান কৰি আছিল।

কৃষকজনে লগতে কয় যে ৰঙালাওবোৰ পোক-পতংগ, ভেঁকুৰ আৰু মেকুৰী আৰু ৰেকুনৰ দৰে জন্তুৰ পৰা সুৰক্ষিত কৰি ৰাখিব লাগে।

১৬ অক্টোবৰলৈকে নিউয়ৰ্কৰ ক্লেৰেঞ্চৰ গ্ৰেট পাম্পকিন ফাৰ্মত প্ৰদৰ্শিত হ'ব এই দৈত্যকায় ৰঙালাওটো। কৃষকজনৰ ৰঙালাওটো আটাইতকৈ গধুৰ ৰঙালাওৰ গিনিজ ৱৰ্ল্ড ৰেকৰ্ড ভংগ কৰাৰ খুব ওচৰত আছিল। উল্লেখ্য যে বৰ্তমান আটাইতকৈ গধুৰ ৰঙালাওৰ গীনিজ ৱৰ্ল্ড ৰেকৰ্ড ইটালীৰ এজন কৃষকৰ হাতত আছে। তেওঁ উৎপাদন কৰা এই বিশেষ ৰঙালাওটোৰ ওজন 1225 কিলোগ্ৰাম।

লগতে পঢ়কঃ চেনী উৎপাদনত ব্ৰাজিলক পিছ পেলালে ভাৰতে