পলিথিনমুক্ত সমাজ গঢ়াৰ বিকল্প Non-Woven Bag ব্যৱসায়!

চলিত মাহৰে ১ জুলাই পৰা এবাৰ ব্যৱহাৰ্য পলিথিন ব্যৱহাৰ দেশজুৰি নিষিদ্ধ কৰিছে ভাৰত চৰকাৰে। ই সকলোৰে বাবে ভাল খবৰ। কিন্তু চৰকাৰৰ এই সিদ্ধান্তৰ দ্বাৰা বহুতো কোম্পানী হতবাক হৈ পৰিছে। লগতে দেশৰ জনসাধাৰণ যথেষ্ট সমস্যাৰো সন্মুখীন হৈছে। এই সমস্যাসমূহ সমাধানৰ বাবে তথা পলিথিনৰ বিকল্পৰ বিষয়টোৱে বিগত দিনত যথেষ্ট চৰ্চা লাভ কৰিছে। এই চিন্তা-চৰ্চাৰ ফলতে এতিয়া বেছ চৰ্চালৈ আহিছে Non-Woven Bag ৰ ধাৰণাটো। লগতে ইয়াৰ ব্যৱসায়িক দিশটো।

উল্লেখ্য যে অনাগত সময়ত, ই প্লাষ্টিকৰ মোনাৰ বিকল্পও হ'ব পাৰে বুলি অনুমান কৰা হৈছে। আপুনিও ঘৰতে যদি আপুনি কম খৰচৰ এটা সৰু ব্যৱসায় কৰিব বিচাৰে, তেনেহ'লে আপুনি Non-Woven Bagৰ ব্যৱসায় কৰিব পাৰে। এই ব্যৱসায়ৰ জড়িয়তে আপুনি স্বনিৰ্ভৰশীল হোৱাৰ লগতে দুই তিনিগৰাকী লোকক সংস্থাপনৰ পথো দিব পাৰিব। এই ব্যৱসায় কৰিবলৈ প্ৰথমে বৰ বেছি খৰচ নহয়। আপোনাক, তিনিটা মেছিনৰ প্ৰয়োজন হ’ব-

১। ফেব্ৰিক কাটিং মেচিন

২।চিলিং মেচিন আৰু

৩। হাইড্ৰলিক পাঞ্চিং মেচিন

আপুনি এই যন্ত্ৰবোৰ যিকোনো দোকান বা অনলাইন প্লেটফৰ্মৰ পৰা ক্ৰয় কৰিব পাৰে। এই তিনিওটা মেচিনৰ মূল্য এক লাখ টকাৰ ভিতৰত হ’ব। এই ব্যৱসায়ৰ পৰা আপোনাৰ যথেষ্ট লাভৰ সম্ভাৱনা আছে। কিয়নো ১ জুলাইত দেশত প্লাষ্টিক নিষিদ্ধ কৰাৰ আগতে, এই মোনাটোৰ উৎপাদন অতি কম আছিল, কিন্তু প্লাষ্টিক নিষিদ্ধ কৰাৰ পিছত, বজাৰত ইয়াৰ চাহিদা অতি দ্ৰুত হৈ পৰিছে।

বিশেষজ্ঞসকলৰ মতে এটা Non-Woven Bagৰ  ব্যৱসায়ৰ পৰা প্ৰতিদিনে ৮০০০ টকা উপাৰ্জন কৰিব পাৰে। তদুপৰি Non-Woven Bag প্ৰস্তুতৰ কেঁচা সামগ্ৰী অৰ্থাৎ কাপোৰ অতি সহজে আৰু ক’ম মূল্যত উপলব্ধ। আপুনি কাপোৰ পোৱাৰ লগে লগে, আপুনি এই যন্ত্ৰবোৰৰ জৰিয়তে দৈনিক ৫০০০তকৈ অধিক মোনা প্ৰস্তুত কৰিব পাৰিব। এই মোনাবোৰ বজাৰ মূল্য প্ৰতি কিলোগ্ৰামত ৬০ ৰ পৰা ৭০ টকা। এনেদৰে, আপুনি দৈনিক সাতৰ পৰা আঠ হাজাৰ টকা উপাৰ্জন কৰিব পাৰে।

কেনেদৰে প্ৰস্তুত কৰা হয় Non-Woven Bag?

• ন'ন-বোৱেন বেগ তৈয়াৰ কৰিবলৈ বেগটোৰ আকৃতিৰ কাপোৰ প্ৰথমে কাপোৰ কটা যন্ত্ৰৰ সহায়ত কাটি দিয়া হয়।

• ইয়াৰ পাছতে চিলিং মেচিনৰ সহায়ত কটা বেগটো তিনিফালৰ পৰা চিলাই কৰা হয়।

• এই সকলো কাম সম্পূৰ্ণ হোৱাৰ পিছত, অৱশেষত হাইড্ৰ’লিক পাঞ্চিং মেচিনৰ সহায়ত বেগটোৰ হেণ্ডেলটো কাটি দিয়া হয়।

• শেষত, যদি আপুনি আপোনাৰ বেগটো কিবা বেলেগ কৰিব বিচাৰে, তেনেহ'লে আপুনি প্ৰিণ্টিং মেচিন ব্যৱহাৰ কৰি আপোনাৰ মতে বেগটো ডিজাইন কৰিব পাৰে।

লগতে পঢ়ক-স্বৰ্গত যদি কল্পতৰু এতিয়াৰ পৃথিৱীত গৰু গোৱৰ!