MFOI 2024 Road Show
  1. অন্যান্য

স্বৰ্গত যদি কল্পতৰু এতিয়াৰ পৃথিৱীত গৰু গোৱৰ!

RAHUL ALI
RAHUL ALI
Cow Dung! Multiple Utilities in Indian Society
Cow Dung! Multiple Utilities in Indian Society

অসমীয়াত এষাৰ কথা আছে যাৰ নাই গৰু সি সবাতোকৈ সৰু। তদুপৰি ভাৰত উপমহাদেশখনেই এতিয়া গৰুকেন্দ্ৰিক ৰাজনীতিৰে চলি আছে। অৱশ্যে আজি আমাৰ আলোচনাৰ বিষয় গৰু নহয় গৰু গোৱৰহে। গোৱৰক ভাৰতবৰ্ষত প্ৰাধান্য দিয়া হৈ আহিছে কেৱল জৈৱিক সাৰ হিচাপেহে। কেতবোৰ অঞ্চলত অৱশ্যে খৰিৰ দৰে জ্বলাবৰ বাবে গোৱৰক ব্যৱহাৰ কৰে। অৱশ্যে গোৱৰক গেছলৈ ৰূপান্তৰ কৰি বিজুলিৰ লগতে ৰন্ধন-প্ৰকৰণৰ বাবে ব্যৱহাৰ কৰা হৈছে।

অতি শেহতীয়াকৈ গোৱৰ চাহিদা বাঢ়িছে দেশৰ লগতে বিশ্বৰ বজাৰত। কাৰণ গোবৰৰ পৰা বহু প্ৰকাৰৰ উৎকৃষ্ট সামগ্ৰী প্ৰস্তুত কৰিছে বিশেষজ্ঞসকলে। যিবোৰৰ মূল্য দেশ আৰু বিদেশৰ বজাৰত উচ্চ। যদি আপোনাৰ গৰু আৰু ম'হ আছে আৰু আপুনি গোবৰক অপ্ৰয়োজনীয় হিচাপে জ্ঞান কৰে বা পেলাই দিয়ে। তেতিয়া এই প্ৰবন্ধটো আপোনাৰ বাবে অত্যন্ত লাভজনক প্ৰমাণিত হ'ব পাৰে! আপোনাক জনাও যে,  গোবৰৰ ব্যৱহাৰৰ কৰি আপুনি ঘৰত বহি এটা ভাল ব্যৱসায় আৰম্ভ কৰিব পাৰে। জানো আঁহক অতি শেহতীয়াকৈ গৰু গোৱৰৰ পৰা কেনেধৰণৰ সামগ্ৰী তৈয়াৰ কৰা হৈছে কেনেদৰে ব্যৱসায়ৰ পথ প্ৰশস্ত হৈছে।

গোবৰৰ পৰা কাগজ বনোৱাৰ ব্যৱসায়

গৰু পালকৰ উপাৰ্জন দুগুণ কৰাৰ বাবে ভাৰত চৰকাৰৰ দ্বাৰা এটা প্ৰকল্প গ্ৰহণ কৰা হৈছে। য'ত গো-পালকসকলে গৰু-ম'হৰ গোবৰ ব্যৱহাৰ কৰি সহজে কাগজ প্ৰস্তুত কৰিব পাৰে। এইধৰণে কাগজ প্ৰস্তুত কৰা প্ৰকল্পটো দেশৰ প্ৰতিখন গাঁৱত স্থাপন কৰা হ'ব। এই প্ৰকল্পটোৰ কাম ইতিমধ্যে দেশৰ কেতবোৰ গাঁৱত আৰম্ভ কৰা হৈছে। এই প্ৰকল্পসমূহে গো-পালকসকলৰ পৰা গোৱৰ ক্ৰয় কৰে। ইয়াৰ পৰা দুই ধৰণে সেই অঞ্চলটোৰ লোক লাভাৱান্বিত হয়- প্ৰথমতে, গৰু গোৱৰসমূহ সাধাৰণতে গাঁৱত এনেয়ে পেলাই দিয়া হয়। কিন্তু এতিয়া এনেয়ে পেলাই দিয়া গোৱৰৰ বিনিময়ত কৃষকসকলে ধন কৰিব। দ্বিতীয়তে প্ৰকল্পটোৰ স্থাপন হৈ উঠাৰ লগে লগে অঞ্চলটোৰ নিৱনুৱা যুৱক-যুৱতীসকলে সংস্থাপনৰ পথ পাব।

গোবৰেৰে নিৰ্মিত মূৰ্তিৰ ব্যৱসায়

সকলোৱে ভাস্কৰ্য ভাল পায়। বজাৰত এনে ভাস্কৰ্যবোৰৰ মূল্যও অধিক। যদি আপুনি অধিক লাভ কৰিব বিচাৰে, তেন্তে আপুনি কম খৰচত গোবৰৰ পৰা ভাস্কৰ্য নিৰ্মাণৰ ব্যৱসায় আৰম্ভ কৰিব পাৰে। এই ব্যৱসায়ৰ প্ৰচাৰৰ বাবে চৰকাৰে বহুতো প্ৰচাৰ চলাই আছে। মেক ইন ইণ্ডিয়া,  ক্লিন ইণ্ডিয়া আৰু গ্ৰীণ ইণ্ডিয়াৰ অধীনত গোবৰৰ পৰা মূৰ্তি নিৰ্মাণৰ বাবে এক অভিযানো আৰম্ভ কৰা হৈছে।

গৰুৰ গোবৰ গৃহসজ্জাৰ ব্যৱসায়

আপুনি হয়তো প্ৰায়ে লক্ষ্য কৰিছে যে, গৰুৰ গোবৰেৰে তৈয়াৰ কৰা উপল উপাসনা পাঠ আৰু বহুতো ধৰ্মীয় কাৰ্য্ত ব্যৱহাৰ কৰা হয়। এনে পৰিস্থিতিত, আপুনি গোবৰৰ গৃহসজ্জাৰ ব্যৱসায় আৰম্ভ কৰিব পাৰে আৰু ভাল লাভ অৰ্জন কৰিব পাৰে। আজিৰ ডিজিটেল যুগত, মানুহে তেওঁলোকৰ ব্যৱসায় অনলাইনত কৰি আছে, সেয়েহে আপুনি অনলাইনত গোবৰৰ ব্যৱসায়ো কৰিব পাৰে। ইয়াৰ বাবে, বহুতো অনলাইন কোম্পানীয়ে ভাল মূল্যত গোবৰৰ গৃহসজ্জা ক্ৰয় কৰে।

তদুপুৰি যদি আপুনি গো-পালক তেনেহ'লে আপুনি আপোনাৰ বাবে গোবৰেৰে নিৰ্মিত চিএনজি প্ৰকল্প এটা স্থাপন কৰি ভাল লাভ অৰ্জন কৰিব পাৰে। আপুনি প্ৰকল্পটো স্থাপন কৰিবলৈ চৰকাৰৰ পৰা আৰ্থিক সহায়ও পাব পাৰে। আপুনি কেৱল গৰু ম'হৰ গোবৰৰ পৰাই নহয়, আন জন্তুৰ গোবৰৰ পৰা আৰু পচা পাচলি আৰু ফলৰ পৰাও জৈৱ-চিএনজি বনাব পাৰে। আপোনাৰ জ্ঞাতাৰ্থে জনাও যে চিএনজি প্ৰকল্প এটা স্থাপন কৰিবলৈ, আপুনি পৃথক যন্ত্ৰ স্থাপন কৰিব লাগিব আৰ ই খৰচি কিন্তু ব্যৱসায় আৰম্ভ হোৱাৰ পিছত,  আপুনি কম সময়ৰ ভিতৰত অধিক লাভ অৰ্জন কৰিব পাৰে।

লগতে পঢ়ক-Cow Dung Business: প্ৰতি কিলো গোবৰ বিক্ৰী কৰি পাব পাৰে ১০০ ৰ পৰা ৩০০ টকা, আৰম্ভ কৰক এই ব্যৱসায়!

English Summary: Cow Dung! Multiple Utilities in Indian Society

Like this article?

Hey! I am RAHUL ALI. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2024 Krishi Jagran Media Group. All Rights Reserved.