খানাপাৰাস্থিত কৃষি ভৱন চৌহদত এদিনীয়া প্ৰাকৃতিক কৃষি সন্দৰ্ভত প্ৰশিক্ষণ । উদ্যানশস্য তথা খাদ্য সংসাধন সঞ্চালকালয়ে আয়োজিত প্ৰশিক্ষণ কাৰ্যসূচীত নিৰ্বাচিত ১৫ খন জিলাৰ প্ৰাকৃতিক কৃষিৰ ন’ডেল বিষয়াসকলক প্ৰদান কৰা হয় এই প্ৰশিক্ষণ।
উদ্যমী কৃষক নিৰ্বাচন আৰু বিভাগীয় পৃষ্ঠপোষকতাত নীতি-নিৰ্দেশনা প্ৰস্তুতিৰ জৰিয়তে প্ৰাকৃতিক কৃষিৰে ৰাজ্যৰ কৃষিখণ্ড অন্যতম মাত্ৰা প্ৰদান কৰাৰ উদ্দেশ্য আগত ৰাখি এই প্ৰশিক্ষণ কাৰ্যসূচী অনুষ্ঠিত কৰা বুলি জানিবলৈ দিয়ে উদ্যোক্তাসকলে।
লগতে পঢ়ক-
Snake been : ধান নোহোৱা এবিঘা বাম মাটিত ডাংবডিৰ খেতি কৰক
প্ৰশিক্ষণ কাৰ্যসূচীত অন্য কৃষি বিষয়াসকলৰ লগতে উপস্থিত থাকে উদ্যানশস্য বিভাগৰ সঞ্চালক ত্ৰিৰংগ ভাৰতীয় বৰা, অসম বীজ আৰু জৈৱিক প্ৰমাণীকৰণ অভিকৰণৰ (ASOCA) সঞ্চালক মৌচম হাজৰিকা, কৃষি বিভাগৰ অৱসৰপ্ৰাপ্ত উপ সঞ্চালক খগেন শৰ্মা, কৃষি তথ্য বিষয়া মানবজ্যোতি দাস, প্ৰাকৃতিক কৃষিৰ সহকাৰী ন’ডেল বিষয়া ড° ইমদাদ হুছেইন ঠাকুৰীয়া।
উল্লেখ্য যে সম্প্ৰতি সমগ্ৰ বিশ্বই বহনক্ষম উন্নয়নৰ বাবে প্ৰাকৃতিক কৃষিক সন্মুখত ৰাখি আগবাঢ়ি গৈছে। ইফালে বিগত দিনতে অসমৰ মাজুলিকে ধৰি কেইবাখনো জিলাক প্ৰাকৃতিক কৃষিৰ হাব হিচাপে গঢ়ি তোলাৰ প্ৰস্তাৱ সিদ্ধান্ত গ্ৰহণ কৰিছিল কৃষিমন্ত্ৰী অতুল বৰাই। এইকেওটা দিশক সন্মুখত ৰাখিয়েই আজি ৰাজ্যৰ নিৰ্বাচিত ১৫ খন জিলাৰ প্ৰাকৃতিক কৃষি বিষয়াসকলক প্ৰদান কৰা হয় প্ৰাকৃতিক কৃষক নিৰ্বাচন আৰু সুস্থভাৱে প্ৰাকৃতিক কৃষিক আগুৱাই নিয়াৰ প্ৰশিক্ষণ।
লগতে পঢ়ক-
Share your comments