ৰাষ্ট্ৰসংঘই চলিত বছৰটোক আন্তঃৰাষ্ট্ৰীয় সমবায় বছৰ (International Year of Cooperatives) ঘোষণা কৰিছে। ২০২৫ বৰ্ষটোক আন্তঃৰাষ্ট্ৰীয় সমবায় বছৰ হিচাপে ঘোষণা কৰি কয়- সমবায়সমূহে বিশ্বব্যাপী এক স্থায়ী প্ৰভাৱ বিস্তাৰ কৰি আহিছে। এই সমবায় আৰ্হিটোৰ দ্বাৰা বিশ্বত দৰিদ্ৰতা হ্ৰাস, নিয়োগ সৃষ্টি আৰু সামাজিক সংহতিৰ ক্ষেত্ৰত বিশেষ ভূমিকা গ্ৰহণ আৰু বিভিন্ন প্ৰত্যাহ্বানসমূহক মোকাবিলা কৰাত গুৰুত্বপূৰ্ণ আৰু বহনক্ষম ভূমিকা গ্ৰহণ কৰি আহিছে। লগতে কয়- ২০৩০ চনৰ ভিতৰত বহনক্ষম উন্নয়নৰ বাবে ৰাষ্ট্ৰসংঘই যি SDG লক্ষ্য লৈছে তাত সমবায় সমিতিসমূহে গুৰুত্বপূৰ্ণ ভূমিকা গ্ৰহণ কৰিব।
উল্লেখ্য যে ৰাষ্ট্ৰসংঘই পালন কৰা আন্তঃৰাষ্ট্ৰীয় বছৰসমূহত নিৰ্বাচন কৰা নিৰ্দিষ্ট বিষয়বস্তুটো সন্দৰ্ভত সজাগতা আৰু বিষয়টোক অধিক কাৰ্যক্ষম কৰি তোলাৰ বাবে বিভিন্ন আঁচনি আৰু কাৰ্যপন্থা গ্ৰহণ কৰে। গতিকে ২০২৫ বৰ্ষটোক আন্তঃৰাষ্ট্ৰীয় সমবায় সমিতি হিচাপে গ্ৰহণ কৰাত নিশ্চিতভাৱে সমবায়খণ্ডটোলৈ এক নতুনত্ব আহিব আৰু অধিক কাৰ্যক্ষম হৈ উঠিব।
সেই উদ্দেশ্য কিছুমান লক্ষ্য ৰাষ্ট্ৰসংঘই সন্মুখত ৰাখিছে-
১) সমবায়সমূহৰ বাবে এক সক্ষম পৰিৱেশ সৃষ্টি কৰা
২) সমবায় সন্দৰ্ভত জনসচেতনতা বৃদ্ধি কৰা সমবায়, সমবায়ৰ মাজেৰে নতুন নেতা আৰু কাৰ্যক্ষম নেতা গঢ় তোলা।
৩) সমবায়সমূহক প্ৰসাৰ কৰা প্ৰতিষ্ঠান আৰু সংস্থাসমূহক সামৰ্থ্য শক্তিশালী কৰা, আৰু আন্তঃৰাষ্ট্ৰীয় সহযোগিতাৰ সুবিধা প্ৰদান কৰা
৪) জনসাধাৰণে সমবায় কি আৰু কিয়? তাৰ গুৰুত্ব উপলব্ধি কৰোৱা আৰু সমবায় ব্যৱস্থাক উপলব্ধি কৰোৱাৰ এক পৰিৱেশ সৃষ্টি কৰা।
উল্লেখ্য যে ২০১২ চনটোকো ৰাষ্ট্ৰসংঘই আন্তঃৰাষ্ট্ৰীয় সমবায় বৰ্ষ ঘোষণা কৰিছিল আৰু আৰ্থ-সামাজিক উন্নয়নত সমবায়সমূহৰ অৱদান, বিশেষকৈ দৰিদ্ৰতা হ্ৰাস, নিয়োগ সৃষ্টি আৰু সামাজিক সংহতিৰ ক্ষেত্ৰত ইয়াৰ প্ৰভাৱৰ ওপৰত আলোকপাত কৰিছিল। লগতে সমগ্ৰ বিশ্বতে সমবায়সমূহৰ বৃদ্ধি আৰু সমবায়সমূহৰ কৰ্মৰাজিক উৎসাহিত কৰি সমবায় উদ্যোগসমূহে এখন বহনক্ষম উন্নত পৃথিৱী গঢ়ি তোলাৰ উদ্দেশ্যৰে চলিত বৰ্ষটোক পুনৰবাৰ আন্তঃৰাষ্ট্ৰীয় সমবায় বৰ্ষ হিচাপে ঘোষণা কৰে ৰাষ্ট্ৰসংঘই।
লগতে পঢ়ক-