বিদেশৰ পৰা উভতাই অনা ক’লা ধনৰ ভাগ আপুনি পালে নে!

মূল্যবৃদ্ধিৰ অশ্বমেধ যজ্ঞৰ ঘোঁৰা এতিয়া বান্ধিব কোনে! কেন্দ্ৰীয় চৰকাৰে মুকলি কৰা অশ্বমেধ ঘোঁৰা অতপালিত এতিয়া টোপনি হৰিছে দেশৰ মধ্যবিত্ত আৰু সাধাৰণ জনতাৰ। কিন্তু এই প্ৰভাৱ পৰা নাই দেশৰ কোটিপতিসকলৰ মাজত। প্ৰতিদিনে তেওঁলোকৰ টকাৰ পৰিমাণৰ পাছত যোগ হৈছে এটাৰ পাছত আন এটা শূণ্য। কিন্তু বিপৰীতে দেশৰ সাধাৰণ জনতাৰ প্ৰতিদিনে হাড় ছাল ওলাব ধৰিছে।  

অভিলেখ ভংগ কৰি বিজেপি চৰকাৰে বৃদ্ধি কৰিছে অত্যাৱশ্যকীয় সামগ্ৰীৰ কৰ বৃদ্ধিয়ে জুৰুলা কৰিছে দেশৰ অগণন জনতাক। ইয়াৰ বিৰুদ্ধে কৰা  জনতাৰ প্ৰতিবাদক, সমালোচনাক গুৰুত্ব দিয়া নাই চৰকাৰে। ইফালে চৰকাৰৰ বিৰুদ্ধে মাত মাতি অহা দেশৰ বিশিষ্ট অৰ্থনীতিবিদসকলক শাসকপক্ষই চৰকাৰবিৰোধী, বাওঁপন্থী, কংগ্ৰেছী আদি নানা অভিধাৰে অভিহিত কৰি তেওঁলোকৰ বিচাৰ-বিশ্লেষণক একপ্ৰকাৰ নস্যাৎ কৰি দিয়াৰ ব্যৱস্থা কৰি আহিছে।

কিন্তু বিদেশৰ কলা ধন দেশলৈ ঘূৰাই আনি দেশৰ জনতাৰ মাজত বিলাই দিয়াৰ প্ৰতিশ্ৰুতিৰে শাসনলৈ আহিছিল বিজেপি। সেই বিজেপিয়ে এতিয়া জনতাৰ কঁপালৰ ঘাম মাটিত পেলাই কৰা উপাৰ্জনৰ  ধনেৰে বৰসবাহ পাতি অহাৰ অভিযোগ বিভিন্ন মহলৰ । মূল্যবৃদ্ধিৰ এই বোজা দাঙিব নোৱৰা হৈ থকাৰ মাজতে আজিৰ পৰা পুনৰ দামবৃদ্ধি পাব কেইবাবিধো সা-সামগ্রীৰ মূল্য।

যাৰ ফলত বহু খাদ্য, ঘৰুৱা সামগ্রীৰ বাঢ়িব দাম বৃদ্ধি পাব। দামবৃদ্ধি পাব দৈ, পনীৰ, গুড়, মৌ, মুড়ী, চিৰা, চাউল, আটা আদিৰ দাম। খাদ্য সামগ্ৰীৰ উপৰি ১৮ জুলাইৰ পৰা দাম বাঢ়িব LED লাইট, চামৰাৰ সামগ্রী, হাস্পতালৰ কোঠাৰৰ লগতে বাঢ়িব হোটেলৰ কোঠাৰ ভাড়া। মন কৰিব লগীয়া যে দৈ, পনীৰ, গুড়, মৌ, মুড়ী, চিৰা, চাউল, আটা আদিৰ দামবৃদ্ধি হ’লে কৃষকসকল একপ্ৰকাৰে লাভাৱান্বিত হোৱাৰ স্থল থাকে। কিন্তু আমাৰ দেশত তেনে কোনো স্থল নাথাকে।

লগতে পঢ়ক-The New York Times কাকতত প্ৰকাশিত অসমৰ বান সমস্যাৰ সঁচা ছবিখন আজি জীবন্ত!