MFOI 2024 Road Show
  1. News

বাক্সাৰ মৈথাাৰীত বনৰীয়া হাতীৰ তাণ্ডব, বিঘাই বিঘাই নষ্ট কৰিলে ধানখেতি, হতাশ কৃষক!

KJ Staff
KJ Staff
Elephant Destroyed Paddy Field
Elephant Destroyed Paddy Field

বাক্সা জিলাৰ ভাৰত- ভূটান সীমান্তৱৰ্তী অঞ্চলত হাতী-মানুহৰ সংঘাতে তীব্ৰ ৰূপ ধাৰণ কৰিছে৷ বনৰীয়া হাতীৰ উপদ্ৰৱত উজাগৰী নিশা কটাবলগীয়া হৈছে সীমান্তৰ ৰাইজে৷ নিশা হলেই বনাঞ্চলৰ পৰা ওলাই আহি গাঁওসমূহত উপদ্ৰৱ চলায় হাতীৰ জাকে৷

বিশেষকৈ হাতীৰ জাকসমূহে খেতিপথাৰত প্ৰৱেশ কৰি ধানখেতি নষ্ট কৰাত কৃষক ৰাইজ হতাশ হৈ পৰিছে৷ জিলাখনৰ বাতাবাৰী বনাঞ্চলিক কাৰ্যালয়ৰ  অন্তৰ্গত  মৈথাবাৰী আৰু বগৰীবাৰীত বনৰীয়া হাতীৰ এটা বৃহত জাকে প্ৰৱেশ কৰি খেতিপথাৰত উপদ্ৰব চলায়৷ হাতীৰ জাকটোৱে সীমান্তৰ পূৱ বগৰীবাৰীৰ প্ৰসন্ন হালৈ নামৰ কৃষকগৰাকীৰ তিনি বিঘা, লক্ষীৰাম মুৰ্মূৰ দুই বিঘা ধানখেতি সম্পূৰ্ণৰূপে তহিলং কৰে৷

সজাল ধৰা খেতিডৰা এনেদৰে হাতীৰ জাকে অনিষ্ট কৰাত হতাশ হৈ পৰিছে কৃষকসকল ৷ সেইদৰে হাতীৰ জাকটোৱে অমলাইগুৰিৰ বৈকুণ্ঠ ব্ৰহ্ম নামৰ লোকজনৰ ভৰাঁলঘৰটো  ভাঙি প্ৰায় পোন্ধৰ মোন ধান খাই তহিলং কৰাৰ লগতে  প্ৰায় পছিশডাল তামোল গছ ভাঙি পেলায়৷ পানীৰ অভাৱত ককবকাই থকা অঞ্চলটোৰ ৰাইজে অতি কষ্টেৰে যি অলপ খেতি কৰিছিল সেইখিনিও এনেদৰে হাতীয়ে নষ্ট কৰাত কৃষকসকল হতাশ হৈ পৰিছে৷

 উল্লেখ্য যে বিগত কিছুদিন ধৰি বনৰীয়া হাতীৰ এটা বৃহত জাকে মৈথাবাৰী গাঁওৰ নিচেই ওচৰত  অৱস্থান কৰি আছে৷ যাৰফলত অঞ্চলটোৰ ৰাইজে নিশা উজাগৰে থাকিবলগীয়া পৰিস্থিতি হৈছে৷ 

লগতে পঢ়ক-অসম কৃষিবিশ্ববিদ্যালয়ত শিক্ষক দিৱস, শতাধিক অৱসৰপ্ৰাপ্ত শিক্ষক–গৱেষক বিজ্ঞানীক বিশেষ সম্বৰ্ধনা

English Summary: Elephant Destroyed Paddy Field Baksa, Assam

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2024 Krishi Jagran Media Group. All Rights Reserved.