ৰাজ্য চৰকাৰে ৰাজ্যখনৰ কৃষিখণ্ডৰ আন্তঃগাঁথনি তথা বজাৰ সৃষ্টিৰ জৰিয়তে বাণিজ্যিক কৃষিৰ বিকাশত বিশেষ অগ্ৰাধিকাৰৰ দি মঙলবাৰে ছয়গাঁৱত ২৪.৭৫ কোটি টকা ব্যয়সাপেক্ষে নিৰ্মাণ কৰা শীতল ভৰাঁলটো উদ্বোধন কৰে হিমন্ত বিশ্ব শৰ্মাই। ৫,০০০ মেট্ৰিক টন ধাৰণ ক্ষমতাৰ কৃষিজাত সামগ্ৰীৰ এই শীতল ভঁৰালটোৰ লগতে পানেৰীৰত ২.৮৯ কোটি টকা ব্যয়সাপেক্ষে নিৰ্মিত ফল-মূল সংসাধন গোটটো কৃষক ৰাইজৰ সেৱাৰ বাবে মুকলি কৰে। উল্লেখ্য যে ৫ হাজাৰ মেট্রিকটন ধাৰণ ক্ষমতাসম্পন্ন এই শীতল ভঁৰালটো ২৪.৭৫ কোটি টকা ব্যয় সাপেক্ষে ৰাজ্যিক কৃষি সামগ্রী বিপণন পৰিষদে স্থাপন কৰিছে।
শীতল ভৰাঁলটো উদ্বোধন কৰি মুখ্যমন্ত্ৰী হিমন্ত বিশ্ব শৰ্মাই কয় কামৰূপ, কামৰূপ মহানগৰ, গোৱালপাৰা, নলবাৰী আৰু বৰপেটাৰ কৃষক আৰু ব্যৱসায়ীসকলক বিশেষভাৱে উপকৃত কৰিবলগীয়া এই শীতল ভঁৰালৰ প্ৰতিটো চিলাৰ আৰু ফ্ৰীজাৰ কোঠাৰ ধাৰণ ক্ষমতা ক্ৰমে ৫৫০ মেট্রিকটনৰ পৰা ৫৭৫ মেট্রিকটন। চিলাৰ কোঠা কেইটা আলু, ফল আৰু অন্য শাক-পাচলি ৰখাৰ বাবে উপযোগী হোৱাৰ বিপৰীতে পৰম্পৰাগত কৃষিৰ লগত কৃষকসকলে যদি কৃষিজাত সামগ্ৰীৰ সংসাধন আৰু পেকেজিঙত গুৰুত্ব প্ৰদান কৰে তেন্তে ৰাজ্যৰ অৰ্থনীতিয়ে নতুন জীৱন লাভ কৰিব।
লগতে পঢ়ক-
নেমু গছৰ ডাল ধৰা পদ্ধতিৰে উৎপাদন কৰা পুলিত এবছৰতে লাগে ফল
ভাষণ প্ৰসংগত মুখ্যমন্ত্রী ড০ শৰ্মাই কয় যে ৰাজ্যৰ অৰ্থনীতি আজিও বহু পৰিমাণে কৃষিৰ ওপৰত নিৰ্ভৰশীল। অসমৰ ঘৰুৱা উৎপাদনৰ এক তৃতীয়াংশ কৃষি অর্থনীতিয়ে অৰিহণা যোগায়। ৰাজ্যখনৰ কৃষিখণ্ডৰ আধুনিকীকৰণ, যুৱক-যুৱতীসকলৰ বাবে কৃষিখণ্ডক মনোগ্রাহীকৈ গঢ়ি তোলা, কৃষি যান্ত্ৰিকীকৰণ আৰু কৃষিজাত সামগ্ৰীৰ এখন বজাৰ সৃষ্টি কৰাৰ বাবে ৰাজ্য চৰকাৰে নিৰলস প্ৰচেষ্টা চলাই আহিছে বুলি মন্তব্য কৰি তেওঁ কয় যে ৰাজ্য চৰকাৰে ৰাজ্যখনত ২২০ টা স্থানত ধান বনা কল আৰু ১১০টা স্থানত ধান মজুতকৰণৰ বাবে গুদাম নিৰ্মাণৰ আঁচনিও গ্ৰহণ কৰিছে। এই আঁচনিৰ বাবে উদ্যোগীসকলক ৫০ শতাংশ পর্যন্ত ৰাজসাহায্য আগেেবাৱা হৈছে। মুখ্যমন্ত্ৰীয়ে লগতে মন্তব্য কৰে যে ৰাজ্যখনত বজাৰ চাহিদা থকা বৃক্ষৰ ব্যৱসায়ৰো প্ৰচুৰ সম্ভাৱনা আছে৷ আগৰ, শাল, চেগুন আদিকে ধৰি বিভিন্ন মূল্যৱান গছ ৰোপণ কৰি স্বাৱলম্বী হোৱাৰ দিশত আগবাঢ়ি আহিবলৈও তেওঁ ৰাজ্যবাসীক আহ্বান জনায়। মুখ্যমন্ত্রীয়ে লগতে কয় যে বৰ্তমানৰ ৰাজ্য চৰকাৰখনৰ কাৰ্যকালৰ যোৱা ডেৰটা বছৰত অসমৰ অর্থনীতিয়ে এখন নতুন আকাশ স্পৰ্শ কৰাৰ দিশত ধাৱমান হৈছে আৰু বিকাশৰ এক নতুন পৰিৱেশ নিৰ্মাণ হৈছে।
অনুষ্ঠানতে কৃষিমন্ত্ৰী অতুল বৰাই কয়- ‘দুয়োটা প্ৰকল্পৰ জৰিয়তে কামৰূপ আৰু গোৱালপাৰা জিলাৰ লগতে চুবুৰীয়া জিলাসমূহৰ কৃষক বন্ধুসকল যথেষ্ট উপকৃত হ'ব বুলি আমি দৃঢ় বিশ্বাসী।’
লগতে পঢ়ক-
Share your comments