অসমীয়া মহিলাক স্বাৱলম্বী কৰাৰ ক্ষেত্ৰত বিশেষ পদক্ষেপ গ্ৰহণ কৰিছে আমেৰিকা যুক্ত ৰাষ্ট্ৰৰ গ্ৰেটাৰ ইমপেক্ট ফাউণ্ডেচন নামৰ এটা সংস্থাই৷ গ্ৰেটাৰ ইমপেক্ট ফাউণ্ডেচনে দৰিদ্ৰতা নিৰাময়ৰ ওপৰত গুৰুত্ব আৰোপ কৰি বিশ্বৰ বিভিন্ন দেশৰ কৰ্মোদ্যমী মহিলাসকলক উপাৰ্জনক্ষম কৰাৰ লগতে মহিলা সকলৰ হৈ কাম কৰা গোটক আৰ্থিক সহায় আগবঢ়াই আহিছে৷
শিৱসাগৰ জিলাৰ বকতা নঙলামৰা আহোম গাঁৱত সোমবাৰে গ্ৰেটাৰ ইমপেক্ট ফাউণ্ডেচনৰ এটা দল উপস্থিত হৈ গাঁৱৰ মহিলা সকলে উৎপাদন কৰা ধূপ কাঠি আৰু চাবোন উদ্যোগ পৰিদৰ্শন কৰাৰ লগতে উদ্যোগী মহিলা সকলৰ সৈতে মত বিনিময় কৰে৷
সংস্থাটোৱে "দৃষ্টি স্বাৱলম্বন" নামৰ সংস্থাটোৰ সৈতে মিলি ভাৰতৰ বিভিন্ন স্থানত কাম কৰি আছে৷
উল্লেখ্য যে গাঁও খনৰ এই মহিলা সকলক উদ্যোগী কৰাৰ লগতে কৰ্মমুখী কৰি তুলিছে দৃষ্টি স্বাৱলম্বন নামৰ সংস্থাটোৱে৷
প্ৰায় এবছৰ পূৰ্বে মহিলা সকলে প্ৰশিক্ষণ গ্ৰহণ কৰি "দিচাং" নামৰ চাবোন আৰু "অপৰাজিতা" নামৰ ধূপকাঠি উৎপাদনেৰে স্থানীয় বজাৰ দখল কৰিছে৷
লগতে পঢ়কঃ ৩০ বিঘা মাটিত ৬ বিধ ধানৰ বীজ উৎপাদন কৰি চাৰি লাখ টকা উপাৰ্জন হেমিদুৰ ৰহমানৰ
Share your comments