অন্য সেউজীয়া শাকৰ দৰে হালীম শাক বা ৱাটাৰক্ৰেছৰ বিষয়ে বহু লোকে জানে যদিও এই শাক বিধক বহু কম গুৰুত্ব বা আহাৰৰ তালিকাত অন্তৰ্ভুক্ত কৰা হয় । যদি আপুনি আগতে এই শাক বিধৰ বিষয়ে শুনা নাই তেন্তে আমি আপোনাক ৱাটাৰক্ৰেছৰ সৈতে পৰিচয় কৰাব বিচাৰিছো ।
শাক বিধ সাধাৰণতে সেউজীয়া আৰু ইয়াৰ শাৰীৰিক গঠন ঘূৰণীয়া পাত আৰু এটা কাণ্ড । হালীম শাক দেখাত পালেং শাকৰ দৰে । ইয়াৰ এক শক্তিশালী সোৱাদ আছে । মূলতঃ হালীম শাক আপুনি আপোনাৰ আহাৰত অন্তৰ্ভুক্ত কৰিব পাৰে । পিছে আপোনাৰ আহাৰৰ তালিকাত এই শাক বিধ অন্তৰ্ভুক্ত কৰাৰ পূৰ্বে জানি লওক,ইয়াৰ স্বাস্থ্যৰ উপকাৰিতা কি?
হালীম বা ৱাটাৰক্ৰেছৰ স্বাস্থ্যৰ লাভালাভ
ভিটামিন কে সমৃদ্ধ: এক কাপ ৱাটাৰক্ৰেছত দৈনিক ভিটামিন কে প্ৰয়োজনীয়তাৰ ১০০ শতাংশতকৈ অধিক থাকে। ভিটামিন কে হৈছে এক চৰ্বি-দ্ৰৱণীয় ভিটামিন যি হাড় আৰু তেজ বৃদ্ধিত সহায় কৰে।
কোলাজেন উৎপাদনত সহায় কৰে: ৱাটাৰক্ৰেছত ভিটামিন চি-ও অধিক থাকে, যি কোলাজেন গঠনৰ বাবে প্ৰয়োজনীয়। কোলাজেন উৎপাদনে কেৱল আমাৰ চুলি, ছাল আৰু নখৰ স্বাস্থ্যই প্ৰভাৱিত নকৰে, ই আমাৰ গাঁঠিৰ শক্তিকো প্ৰভাৱিত কৰে।
উচ্চ এণ্টিঅক্সিডেণ্ট: এণ্টিঅক্সিডেণ্টে কোষবোৰক মুক্ত ৰেডিকেল ক্ষতিৰ পৰা সুৰক্ষিত কৰাত সহায় কৰে। আমাৰ কোষ আৰু আমাৰ ডিএনএ দুয়োটাই মুক্ত ৰেডিকেলৰ দ্বাৰা ক্ষতিগ্ৰস্ত হ'ব পাৰে ।
ৰোগ প্ৰতিৰোধ ক্ষমতা বৃদ্ধি কৰে: ৱাটাৰক্ৰেছে আমাৰ শৰীৰত শক্তিশালী ভিটামিন চি যোগান ধৰে । ই আমাৰ দেহৰ ৰোগ প্ৰতিৰোধ ক্ষমতা বৃদ্ধি কৰে । গতিকে এই শাকৰ পৰা আপুনি এক বৃহৎ লাভ আদায় কৰিব পাৰে ।
গৰ্ভাৱস্থাত উপকাৰী: ৱাটাৰক্ৰেছ হৈছে গৰ্ভৱতী মাতৃসকলৰ বাবে এক স্বাস্থ্যকৰ পুষ্টি যোগান ধৰে । এই শাক বিধত প্ৰচুৰ পৰিমাণে উলেট উপলব্ধ । গতিকে গৰ্ভৱতী মহিলা সকলৰ এক শাক বিধ খাদ্য তালিকাত অন্তৰ্ভুক্ত কৰিবৱ পাৰে ।
ছালৰ ৰোগ নিৰাময়: ৱাটাৰক্ৰেছত বিটা-কেৰোটিন অধিক থাকে । গতিকে এই শাক বিধে ছালৰ উজ্বলতা বৃদ্ধি কৰিব । বিশেষকৈ বিশেষকৈ মসৃণ ছাল আৰু কোমলতা অতুত ৰখাত অধিক সহায় কৰিব এই শাক বিধে ।
ৱাটাৰক্ৰেছ কেনেদৰে ব্যৱহাৰ কৰিব লাগে:
আপুনি চালাড বনাও ৱাটাৰক্ৰেছ খাবৰ পাৰে । আপুনি চালাডত এই শাক বিধৰ সৈতে জালুক আন সেউজীয়া শাক-পাচলিৰ মিহলি কৰিব পাৰে । ৱাটাৰক্ৰেছ সহজে ছদ্মবেশ তৈয়াৰ কৰিব পাৰে আৰু ৰেচিপিত মিহলি হ'ব পাৰে । এই ৱাটাৰক্ৰেছ, ব্ৰকলি, আৰু ভজা নহৰু পেষ্টৰ সৈতে মিহলি কৰি খাব পাৰে ।
লগতে পঢ়কঃ কণী খোৱাৰ ফলত উচ্চ কলেষ্টেৰল হয় নেকি? জানিবলৈ পঢ়ক-
Share your comments