আপুনি জানেনে বিশ্বত ৪০ হাজাৰতকৈও অধিক প্ৰকাৰৰ চাউল আছে । ইয়াৰে মাজত এনে কিছুমান প্ৰকাৰ আছে যিয়ে আপোনাৰ ওজন হ্ৰাসৰ বাবে সহায় কৰে । গতিকে এই প্ৰৱন্ধটিত ওজন হ্ৰাস কৰাৰ বাবে উপযোগী ৪ বিধ চাউলৰ বিষয়ে আলোচনা কৰা হৈছে ।
মূগা চাউল (Brown Rice)
আহাৰত আঁহেৰে সমৃদ্ধ মূগা চাউলে বিপাক বৃদ্ধি কৰে আৰু প্ৰতি ১০০ গ্ৰামৰ বাবে ১১১ কেলৰি থাকে । যদিও বগা চাউলতকৈ ৰান্ধিবলৈ অলপ বেছি সময় লাগিব পাৰে, বেয়া কলেষ্টেৰল হ্ৰাস কৰিবলৈ, অন্ত্ৰৰ স্বাস্থ্য উন্নত কৰিবলৈ, পৰ্যাপ্ত পৰিমাণৰ ভিটামিন-বি উন্নত কৰিবলৈ আৰু ষ্ট্ৰোক, হৃদৰোগ, প্ৰকাৰ 2 ডায়বেটিচৰ আশংকা প্ৰতিহত কৰিবলৈ ইয়াক আপোনাৰ মুখ্য আহাৰ কৰি তুলিব পাৰে ।
ৰঙা চাউল (Red Rice)
মেংগানিজ আৰু এণ্টিঅক্সিডেণ্টেৰে সমৃদ্ধ, এই চাউল ডায়েবেটিচ আৰু মেদবহুলতা ৰোগীসকলৰ বাবে অতি উপযোগী । তদুপৰি হাপানীত ভুগি থকা লোকসকলৰ বাবে নিয়মীয়াকৈ ৰঙা চাউল খোৱাটো অত্যন্ত উপকাৰী । কিয়নো ই অক্সিজেনৰ সঞ্চালন উন্নত কৰে । ৰঙা চাউল খালে আপোনাৰ ভোক দীঘলীয়া সময়ৰ বাবে আঁতৰাই ৰাখিব পাৰে, যি আপোনাৰ ওজন হ্ৰাস কৰে ।
ক'লা চাউল (Black Rice)
ভাৰতত ক'লা চাউল অতি জনপ্ৰিয় । ইয়াক বনৰীয়া চাউল বুলিও কোৱা হয়। ইয়াক পলিছ অবিহনে বজাৰলৈ প্ৰেৰণ কৰা হয়।
ক'লা চাউল হৈছে ফলেট, জিংক, ফছফৰাছ, নিয়াচিন আৰু ভিটামিন বি 6-ৰ এক ভঁৰাল। ই হৈছে এক প্ৰাকৃতিক ডিটক্সিফায়াৰ, যি আঁহেৰে ভৰপূৰ আৰু লগতে ডায়েবেটিচ আৰু মেদবহুলতাৰ আশংকা প্ৰতিহত কৰে ।
বাঁহৰ চাউল (Bamboo Rice)
বাঁহৰ চাউল হৈছে এক বিৰল ধানৰ প্ৰকাৰ যিহেতু ইয়াক প্ৰতি ৪০ বছৰত চপোৱা হয়। এইটো বেছিভাগ পাহাৰীয়া অঞ্চলৰ জনজাতীয় সম্প্ৰদায়ৰ দ্বাৰা খেতি কৰা হয় আৰু সুস্বাস্থ্য বজাই ৰখাৰ বাবে ই অতি উপকাৰী ।
এই চাউল মৰা বাঁহৰ ডালৰ পৰা খেতি কৰা হয় । যি গাঁঠিৰ বিষত ভুগি থকা লোকসকলৰ বাবে এক অলৌকিক ঔষধ হিচাপে কাম কৰে ।
লগতে পঢ়কঃ Makhana Benefits: জানি লওক মাখনা গাখীৰত উতলাই খোৱাৰ লাভালাভ...
Share your comments