1. সফল কাহিনী

৪২ জন শিৱসাগৰীয়া ডেকাৰ কৰ্মোদ্যমঃ ২০০ বিঘা ভূমিত চালে চকু ৰোৱা সৰিয়হৰ খেতি

KJ Staff
KJ Staff
musterd cultivation
musterd cultivation

শিৱসাগৰ জিলাৰ বকতাৰ এদল যুৱকে কৃষি কাৰ্যৰে উদাহৰণ দাঙি ধৰিছে৷ কৃষি বিভাগে প্ৰদান কৰা সৰিয়হ বীজেৰে দিচাং নদী কাষৰ প্ৰায় ২০০ বিঘা পলসুৱা ভূমিত তেওঁলোকে কৰিছে সৰিয়হৰ খেতি৷ হালধীয়া হৈ থকা সৰিয়হদৰালৈ আহিছে বনভোজ দলো৷ শিৱসাগৰ জিলাৰ বকতাৰ এদল যুৱ কৃষকে কৃষিৰ জৰিয়তে স্বাৱলম্বী হোৱাৰ প্ৰচেষ্টা অব্যাহত ৰাখিছে। দিচাং নদীৰ পলসুৱা ভূমিত বৃহৎ উৎপাদনৰ লক্ষ্যৰে কৃষিকাৰ্য আৰম্ভ কৰিছে ৪২ জন যুৱকে। বকতা কুকুৰাছোৱাৰ জালুকণিত হাবি-জংঘলেৰে আৱৰি থকা প্ৰায় ২০০ বিঘা চন পৰি থকা ভূমি পৰিষ্কাৰ কৰি প্ৰথমে বিভিন্ন শাক পাচলিৰ লগতে এইবাৰ প্ৰথমবাৰৰ বাবে সৰিয়হৰ খেতি কৰিছে যুৱ কৃষক কেইজনে।

যুৱ কৃষকসকলে "মোমাই তামুলী বহুমুখী সমবায় সমিতি লিমিটেড" নামেৰে এখন কৃষি পাম গঢ়ি তুলিছে। সৰিয়হ, শাক-পাচলিৰ লগতে পাম খনত তামোল, নেমু আদিৰ পুলি ৰোপন কৰিছে যুৱ কৃষক কেইজনে৷

পাম খন গঢ়ি তোলাৰ ক্ষেত্ৰত বিশেষ ভাৱে সহায় কৰিছে থাওৰা সমষ্টিৰ বিধায়ক সুশান্ত বৰগোহাঁইৰ লগতে অসম চৰকাৰৰ কৃষি বিভাগে৷ আগন্তুক দিনত এই পামখনত ব্ৰয়লাৰ, লেয়াৰ, গাহৰি, গৰু, ছাগলী আৰু মীন পালন কৰিব কৃষকসকলে৷ লগতে চৰকাৰৰ অমৃত সৰোবৰ আঁচনিৰ জৰিয়তে দুটা বৃহৎ পুখুৰী লাভ কৰিছে কৃষককেইজনে।

শিৱসাগৰ জিলা কৃষি বিভাগে যুৱ কৃষকসকলক প্ৰদান কৰা উন্নত জাতৰ সৰিয়হ আৰু আলুৰ বীজ  ৰোপন কৰি অধিক উৎপাদনৰ পথত আগবাঢ়িছে কৃষককেইজন। প্ৰতিবিঘা মাটিত এইবাৰ অতি কমেও ২-৩ কুইণ্টল সৰিয়হ উৎপাদনৰ লক্ষ্য লৈছে যুৱ কৃষককেইজনে। আনহাতে চৰকাৰৰ ফালৰপৰা জলসিঞ্চনৰ সুবিধাও লাভ কৰিছে কৃষককেইজনে৷

লগতে পঢ়কঃ Important Pig Breeds: এইকেইটা গাহৰি পালন কৰিলে লাভ কৰিব অধিক মুনাফা

English Summary: Sivasagar musterd cultivation

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2023 Krishi Jagran Media Group. All Rights Reserved.