কেৰালাৰ পৰা অনা বীজৰ খেতিৰে আদৰ্শ কৃষক কমিছন মিলিয়ে দিছে চমক

  য’ত এটা ধানৰ পৰা ২-৩টালৈকে চাউল ওলাইছিল। সেই ধানৰ খেতি মই অব্যাহত ৰাখি অসমৰ প্ৰসাৰ কৰিছো। এইবাৰ মই নীলা বৰণৰ এবিধ বিশেষ প্ৰজাতিৰ ধানৰ খেতি কৰিছো। যিবিধ ধান কটাৰ সময়ত নীলা হৈ থকা কেঁচা ধানটোৰ পৰা নীলা ৰঙৰ চাউলো ওলায়। আমাৰ খেতিপথাৰত উৎপাদন হোৱা আন ধানবোৰৰ ভিতৰত বিশেষকৈ আইজং আৰু ৰঞ্জিত ধানৰ দৰেই এইবিধ ধানৰ চাউলো একেই হয়। কিন্তু এইবিধ ধানৰ থোকবোৰ আন ধানৰ দৰে শাৰী শাৰী নহয়। দেখিবলৈ অতি ধুনীয়া ধানবোৰ ৫-৬টা ধানেৰে একোটা থূপ হৈ একোটা থোকত যথেষ্ট ধান হয়। শালি ধানৰ খেতিৰ সময়তে মই প্ৰায় আধা কেজি এইবিধ ধানৰ বীজ সিঁচি মাত্ৰ একঠা মাটিৰ পৰা কম খৰচত থলুৱা পদ্ধতিৰে প্ৰায় ৫ মোন ধান উৎপাদন কৰিবলৈ সক্ষম হৈছো। বিজ্ঞানসন্মতভাৱে যদি এইবিধ ধানৰ খেতি কৰা হয়, তেন্তে ইয়াৰ পৰা প্ৰচুৰ পৰিমাণৰ ধান উৎপাদন হোৱাৰ সম্ভাৱনা বহুত বেছি। ভাৰতবৰ্ষৰ কেৰেলাৰ মোৰ এজন ঘনিষ্ঠ ফাডাৰ জেকবৰ পৰা এই বিৰল প্ৰজাতিৰ ধানৰ বীজ লাভ কৰিছিলো। কৃষক মিলিয়ে কয়- কেঁচা হৈ থকাৰ সময়ত এইবিধ ধানৰ ৰং নীলা দেখি মই যথেষ্ট আচৰিত হৈ পৰিছিলো। কিয়নো নীলা ধানৰ পৰা নীলা চাউল ওলোৱা কথা মই কাহানিও সপোনতো ভবা নাছিলো যদিও সেই ধান আজি মোৰ পথাৰত উৎপাদন কৰিবলৈ সক্ষম হৈছো। আন ধানখেতিৰ লগতে এইবাৰৰ পৰা মই নীলা ধানৰ খেতি প্ৰতি বছৰে ক্ৰমান্বয়ে বঢ়াই যাম আৰু ইয়াৰ প্ৰসাৰ জিলাখনৰ লগতে সমগ্ৰ অসমতে কৰিম।

                                                                                                                                উৎস:অসমীয়া প্ৰতিদিন