যদি আপুনি ভুল একাউণ্টলৈ টকা প্ৰেৰণ কৰে তেন্তে কি কৰিব? আজিয়ে জানি ৰাখক, পিছলৈ প্রয়োজন হ'ব পাৰে

   বর্তমানৰ যুগটো হৈছে অনলাইন বেংকিং।তদুপৰি, কৰোনা পৰিস্থিতিৰ বাবে অনলাইন বেংকিঙৰ ব্যৱহাৰ যথেষ্ট বৃদ্ধি পাইছে।বহুলোকে ঘৰত বহি থকাৰ সময়ত প্ৰয়োজন অনুসৰি ধনৰ লেনদেন কৰি আছে। কিন্তু ই যিমান সুবিধাজনক, সিমান বিপদজনকো৷ কিয়নো কিবা ভুল হোৱাৰ সম্ভাৱনা নুই কৰিব নোৱাৰি আৰু হলেই শুধৰণি কৰিব নোৱাৰি। কেতিয়াবা এনে হয় যে ভুলবশতঃ আন এজন ব্যক্তিৰ বেংক একাউণ্টলৈ ধন স্থানান্তৰ হৈ যায়, আচলতে পঠাব লাগিছিল বেলেগকহে। কেতিয়াবা খৰখেদাকৈ একাউণ্ট নম্বৰ লিখাটো ভুল হয়। আৰু তাতেই টকাখিনি এজন অজ্ঞাত ব্যক্তিৰ একাউন্টত জমা হয়।

  যদি এনে হয় তেন্তে কি কৰিব? যদি আপুনি ভুলবশতঃ আন কাৰোবাৰ একাউণ্টলৈ টকা প্ৰেৰণ কৰে তেন্তে কি কৰিব? আহক জানি লওঁ - 

>> যদি আপুনি দুৰ্ঘটনাক্ৰমে আন কাৰোবাৰ একাউণ্টলৈ ধন স্থানান্তৰ কৰে, আপুনি লগে লগে ফোন বা ইমেইলযোগে আপোনাৰ বেঙ্কক জনাব লাগিব।

আৰু পঢ়ক- Bil Gate’s Farm land: বর্তমান আমেৰিকাৰ সৰ্ববৃহৎ কৃষক "বিল গেটছ" 26,900 একৰ ভূমিত খেতি আৰম্ভ কৰিছে,

আপোনাৰ তথ্যৰ ওপৰত আধাৰিত কৰি, বেঙ্কে সংশ্লিষ্ট বেঙ্কক সেই ব্যক্তিজনৰ বিষয়ে জনাব যাৰ একাউণ্টভুলকৈ টকা প্ৰেৰণ কৰা হৈছে। বেঙ্কে ব্যক্তিজনৰ পৰা ভুলকৈ স্থানান্তৰ কৰা ধন ঘূৰাই দিবলৈ অনুমতি বিচাৰিব।

>> এই সন্দৰ্ভত ভাৰতীয় ৰিজাৰ্ভ বেঙ্কৰ (RBI) নিৰ্দেশনা আছে। সেই অনুসৰি, যদি ভুলবশতঃ আনৰ একাউণ্টত ধন জমা কৰা হয়, বেঙ্কে যিমান সম্ভৱ সোনকালে ব্যৱস্থা ল'ব লাগিব।

বেঙ্কে ভুল একাউণ্টৰ পৰা সঠিক একাউণ্টলৈ ধন ঘূৰাই দিয়াৰ ব্যৱস্থা কৰিব লাগিব। যদি টকা হেৰুওৱা ব্যক্তিজনে সন্মত হয়, 7 কৰ্মদিনৰ ভিতৰত টকা আপোনাৰ একাউণ্টলৈ ঘূৰাই দিয়া হ'ব।

>> যদি তেওঁ ভুলকৈ তেওঁৰ একাউণ্টলৈ স্থানান্তৰ কৰা ধন ঘূৰাই দিবলৈ অস্বীকাৰ কৰে, তেন্তে তেওঁৰ বিৰুদ্ধে আপুনি আদালতত গোচৰ ৰুজু কৰিব পাৰে।

অনলাইনত টকা স্থানান্তৰ কৰোঁতে এই বোৰ মনত ৰাখিব:

একাউণ্ট নম্বৰত ভুল কৰাটো বহুত ডঙৰ সমস্যা। সেয়েহে, যেতিয়াই আপুনি টকা স্থানান্তৰ কৰে, বিৱৰণবোৰ বাৰে বাৰে মিলাও চাওক।

যদি বৃহৎ পৰিমাণৰ ধন থাকে তেন্তে অধিক সাৱধানতাৰ প্ৰয়োজন। কম পৰিমাণত টকা স্থানান্তৰ কৰক, লাগিলে লেনদেন বেছিয়ে হওক। প্ৰথমবাৰৰ বাবে প্ৰেৰণ কৰাৰ পিছত, টকা সঠিক একাউণ্টত উপনীত হৈছে নে নাই পৰীক্ষা কৰক।

আৰু পঢ়ক- Eggs of the Sun Mango: বাংলাদেশত কৰা হৈছে বিশ্বৰ আটাইতকৈ দামী আমৰ খেতি 'সূর্যডিম'