উপকৰণঃ
ভীমকলৰ মজলীয়া আকৃতিৰ কলডিল এটাৰ আধা অংশ
কুকুৰা মাংস চাৰিশ গ্ৰাম, সৰু সৰুকৈ টুকুৰা কৰিলে ভাল৷
অলপ ডাঙৰ চাইজৰ এটা আলু,
পিঁয়াজ এটা (ডাঙৰ),
আদা-নহৰু অনুমান অনুসাৰে পিচি লওক ৷
মিঠাতেল, হালধি, গৰম মচলা বা মীট মচলা এচামুচ, জলকীয়া (স্বাদ অনুসাৰে),
কেইটিমান গোটা জালুক ৷
ৰন্ধন প্ৰণালীঃ
কলডিলটোৰ পৰা আধা অংশ উলিয়াই ভিতৰৰ কোমল অংশটো ৰান্ধিবৰ বাবে সৰু সৰুকৈ কাটি লওক৷ মাংসখিনি ধুই লৈ ডাঙৰ টুকুৰা থাকিলে সৰু সৰু কৰি লওক ৷আলুটো ঘনক আকাৰত সৰু সৰু টুকুৰা কৰি লব৷পিয়াঁজটো সৰু সৰুকৈ কাটি লওক ৷
সকলো যোগাৰ হোৱাৰ পাছত কেৰাহীত তেল গৰম কৰক ৷ তাতে পিয়াজ খিনি দি ৰঙচুৱা হোৱাকৈ ভাজক৷ এতিয়া তাত মাংসখিনি দি তাত নিমখ, হালধি, মীট মচলা বা গৰম মচলা আদি দি দিয়ক৷ মাংসখিনি ভালকৈ লৰাই লৰাই ভাজিবলৈ আৰম্ভ কৰক ৷আদা নহৰু পিচা খিনি তাতে ঢালি দিয়ক ৷কেঁচা জলকীয়া বা জলকীয়া গুৰি এইখিনি সময়তে স্বাদ অনুসাৰে দি দিব পাৰে৷ এতিয়া মাংসখিনি অলপ সিজা যেন লাগিলে তাত কলডিলখিনি দি দিয়ক৷এতিয়া তাতে দুটামান জালুক খুন্দি আৰু দুটামান এনেয়ে গোটা জালুক দি দিয়ক৷
জুইতো চীমতে ৰাখি ৰান্ধিব, যাতে কেৰাহীত লাগি নধৰে৷ কম জুইতে ঢাকোন মাৰি মাংসৰ সতে কলডিল, আলু সিজালৈ অপেক্ষা কৰক ৷ এতিয়া সকলো সিদ্ধ হোৱা যেন লাগিলে, নিমখ আদি ঠিকেই হৈছেনে পৰীক্ষা কৰক ৷ আৰু গৰমে গৰমে খোৱাৰ টেবুলত পৰিবেশন কৰি ভামকলৰ কলডিলৰ সৈতে ৰন্ধা কুকুৰা মঙহৰ অপূৰ্ব ব্যঞ্জনৰ সোৱাদ লওক৷
উৎস - বিকাশপেডিয়া
আৰু পঢ়ক- আম টেঙাৰ আচাৰ (Mango sour pickle recipe)
Share your comments