প্ৰধানমন্ত্ৰী মোডীৰ নামকৰণে দেশৰ বজাৰলৈ আহি আছে আমৰ নতুন প্ৰজাতি মোডী আম। আমোদজনকভাৱে, এই 'মোদী আম' দশেৰা, লাংদা আৰু চৌচা আমতকৈ বহুগুণে ডাঠ হ’ব। ইয়াৰ সোৱাদ আন সকলো প্ৰকাৰৰ আমতকৈ সম্পূৰ্ণ পৃথক হ’ব বুলি জানিবলৈ দিছে অৱধ আম উৎপাদক আৰু উদ্যান শস্য সমিতিৰ সাধাৰণ সম্পাদক উপেন্দ্ৰ কুমাৰ সিঙে প্ৰদান কৰে।

তেওঁ কয় ২০১৯ চনত তেওঁ বিভিন্ন প্ৰকাৰৰ আম সংগ্ৰহ কৰি সেইবোৰ পৰীক্ষাগাৰত পৰীক্ষা কৰিছিল। ইয়াৰ পিছত, আমৰ পৰীক্ষৰ পিছত সকলো জ্যেষ্ঠ বিষয়াই দেখিলে যে ইয়াৰ সোৱাদ সকলো বিদ্যমান আমতকৈ সম্পূৰ্ণ পৃথক। গতিকে ইয়াৰ নাম কি হ’ব এই আলোচনাৰ মাজতে উপেন্দ্ৰ কুমাৰ সিঙে ইয়াক 'মোডী আম' নাম দিয়াৰ সিদ্ধান্ত লয়। এতিয়া চেণ্ট্ৰেল ইনষ্টিটিউট অৱ চাবট্ৰপিকেল হৰ্টিকালচাৰে এই নামটো পঞ্জীয়ন কৰিছে।

লগতে পঢ়ক- 

Mango farming : ভালকে কৰিলে আমৰ খেতিয়েও আপোনাক লাখপতি বনাব

উপেন্দ্ৰ কুমাৰ সিঙে জানিবলৈ দিয়া মতে, ইয়াৰ খেতি আৰম্ভ কৰিছে। ২০২৩ বৰ্ষত বজাৰলৈ আহিব এই মোডী আম। এই আমৰ এটা পুলিৰ দাম ১০০০ টকা ৰাখিছে। ই ব্যয়বহুল যদিও ইয়াক দেশৰ প্ৰতিটো কোণলৈ লৈ যোৱাৰ আঁচনি প্ৰস্তুত কৰিছে মোডীৰ আমৰ লগত জড়িত ব্যক্তিসকলে।

সিঙে  লগতে কয় যে এতিয়ালৈকে ১০০ তকৈও অধিক 'মোদী আম' গছ উৎপাদন কৰা হৈছে। এই গছবোৰৰ মূল্য ১০০০ টকা হ'ব। বৰ্তমান ইয়াৰ গছৰ সংখ্যা খুব কম, কিন্তু অনাগত সময়ত অধিক গছ গজিব। এতিয়া অন্য কোনো প্ৰজাতিৰ আমৰ  নাম 'মোদী আম' থাকিব নোৱাৰে কিয়নো এই নামটো পঞ্জীয়ন কৰা হৈছে। পিছে মোডী আম কিমান সোৱাদযুক্ত হ’ব সেয়া সন্দেহৰ আবৰ্তত। পিছে টেঙা আম বজাৰত এবাৰ বিক্ৰি কৰি কৰিব পাৰি!

লগতে পঢ়ক- 

Queen Pineapple: অসমত ৰাণী আনাৰসৰ জৈৱিক খেতি আৰু ইয়াৰ সম্ভাৱনাসমূহ