২২ জুলাইৰ পৰা দুদিনীয়া কাৰ্যসূচীৰে কেৰেলা কোছিত আৰম্ভ হৈছে ভাৰতৰ ৰবৰ সন্মিলন-২০২২। ৰবৰ ব্যৱসায়ৰ সৈতে জড়িত ৰবৰ উদ্যোগ বিষয়া, কৃষক আৰু বিজ্ঞানীসকলৰ এখন বিশেষ মঞ্চ ভাৰতৰ ৰবৰ সন্মিলন। ৰবৰ উদ্যোগৰ অংশীদাৰসকলৰ সহযোগত ৰবৰ বোৰ্ডে এই বৈঠকৰ আয়োজন কৰিছে, যাৰ ভিতৰত আছে অটোমোটিভ টায়াৰ নিৰ্মাতা সংস্থা (ATMA)।
শুকুৰবাৰে ATMA ৰ অধ্যক্ষ সতীশ শৰ্মাই অধিৱেশনৰ উদ্বোধন কৰে। উদ্বোধনী ভাষণত ATMA ৰ অধ্যক্ষগৰাকীয়ে কয় যে আগন্তুক দশকবোৰত প্ৰাকৃতিক ৰবৰৰ চাহিদা আকাশচুম্বী হ'ব। এনআৰ উৎপাদন আৰু ব্যৱহাৰৰ মাজত দেশৰ ক্ৰমান্বয়ে বাঢ়ি অহা ব্যৱধান দূৰ কৰাৰ বাবে এক বহনক্ষম আৰু পৰিৱেশ অনুকূল পৰিকল্পনা অপৰিহাৰ্য।
অনুষ্ঠানত নিৰ্দিষ্ট বক্তা হিচাপে উপস্থিত থাকে ৰবৰ বোৰ্ডৰ অধ্যক্ষ তথা সৰ্বভাৰতীয় ৰবৰ উদ্যোগ সংস্থাৰ সভাপতি সাৱাৰ ধননিয়াই। ধননিয়াই কয় যে ৰবৰ বোৰ্ডে ৭৫ সংখ্যক 'আজাদী কা অমৃত মহোৎসৱ'ও উদযাপন কৰি আছো, যাৰ উদ্দেশ্য হৈছে দেশখনস্বাৱলম্বী কৰা। তেনে সময়তে ৰবৰ ব'ৰ্ডে এক স্বাৱলম্বী আৰু বহনক্ষম ৰবৰ খণ্ড গঢ়ি তোলাৰ প্ৰচেষ্টা প্ৰশংসনীয়।
উল্লেখ্য যে কেৰেলাৰ কোছিত অনুষ্ঠিত ৰবৰ সন্মিলনখনত প্ৰায় ২০০গৰাকী কৃষকৰ লগতে ৫০০ তকৈও অধিক প্ৰতিনিধিয়ে অংশগ্ৰহণ কৰে। বৈঠকখনত 'বহনক্ষম ভৱিষ্যতৰ বাবে প্ৰাকৃতিক ৰবৰ' শীৰ্ষক আলোচনা চক্ৰত অধিক বহনক্ষম ভৱিষ্যতৰ বাবে নতুন সুযোগ, উদ্ভাৱনী ধাৰণা আৰু কৌশলগত পৰিকল্পনাৰ মোকাবিলাৰ ওপৰত গুৰুত্ব আৰোপ কৰে বিশিষ্ট ব্যক্তিসকলে।
লগতে পঢ়ক- এতিয়া ঘৰৰ পৰাই বিক্ৰি কৰিব পাৰিব আপোনাৰ পথাৰৰ ফচল