বিমানত কৃষকৰ উৎপাদিত সামগ্ৰী কিদৰে বহিঃৰাজ্যলৈ নিব!

২০২০-২১ বিত্তীয় বৰ্ষত কেন্দ্ৰীয় বিত্তমন্ত্ৰী নিৰ্মলা সীতা ৰমনে কৃষি উৰণ যোজনা ২০২২ অৰ্থাৎ Krishi Udan Yojana 2022  আৰম্ভ কৰিছিল। এই আঁচনিৰ অধীনত কৃষকসকলে তেওঁলোকৰ উৎপাদিত সামগ্ৰীসমূহ কম খৰচত তথা কম সময়ত বিক্ৰিৰ বাবে ইঠাইৰ পৰা সিঠাইলৈ নিব পাৰে। গাখীৰ, মাছ, মাংসৰ দৰে পচনশীল পদাৰ্থবোৰ সঠিক সময়ত কৃষকসকলে বজাৰলৈ নিব নোৱাৰে তেতিয়া কৃষকসকলৰ লোকচানৰ সন্মুখীন হয়। কৃষকসকলৰ এই লোকচানৰ প্ৰতিয়েই লক্ষ্য ৰাখি কৃষি উড়ণ যোজনা ২০২২ আৰম্ভ কৰিছে চৰকাৰে। আঁচনিখনৰ জৰিয়তে কৃষকসকলৰ সামগ্ৰীবোৰ অতি কম সময়ৰ ভিতৰত আৰু অধা ভাৰাত  পোনপটীয়াকৈ বজাৰলৈ নিব পাৰিব । ই কৃষকসকলক তেওঁলোকৰ শস্যৰ বাবে উচিত মূল্য লাভ কৰিবলৈ সক্ষম কৰিব আৰু শস্য নষ্ট হোৱাৰ ৰক্ষা কৰিব ।

কৃষি উদান আঁচনিত পঞ্জীয়ন প্ৰক্ৰিয়া 

এই আঁচনিখনৰ সুবিধা লাভ কৰিবলৈ কৃষকসকলে প্ৰথমে তেওঁলোকৰ নাম অফিচিয়েল ৱেবচাইট (http://agriculture.gov.in/ ) ত পঞ্জীয়ন কৰিব লাগিব । পঞ্জীয়ন কৰিবলৈ ইউজাৰনেম আৰু পাছৱৰ্ড তৈয়াৰ কৰিব লাগিব। যাৰ সহায়ত কৃষকজনে অফিচিয়েল ৱেবচাইটত সহজে আবেদন কৰিব পাৰিব। বিভাগীয় কৰ্তৃপক্ষই আবেদন গ্ৰহণ কৰাৰ পাছতে পাছতে সামগ্ৰীসমূহ পৰিবহণ কৰাব পাৰিব কৃষকগৰাকীয়ে। এই কামৰ বাবে কৃষকগৰাকীয়ে নিজে নকৰি প্ৰথমে কোনো কম্পিউটাৰ জ্ঞান থকা ব্যক্তিৰ সহায় লোৱাটোৱেই ভাল হ’ব। পৰৱৰ্তী সময়ত কৃষকগৰাকীয়ে প্ৰয়োজন হ’লে নিজে শিকি ল’ব।

প্ৰয়োজনীয় নথি-পথসমূহ

• আধাৰ কাৰ্ড (Aadhar Card)
• উপাৰ্জন প্ৰমাণপত্ৰ (Income Certificate)
• কৃষি সম্পৰ্কীয় নথিপত্ৰ (Farming Related Document)
• ঠিকনা প্ৰমাণ (Address Proof)
• মোবাইল নম্বৰ (Mobile Number)
• ৰেচন কাৰ্ড (Ration Card)
• আঁচনিখনৰ বাবে আবেদন কৰিবলৈ আবেদনকাৰী এজন কৃষক হ'ব লাগিব।

সাধাৰণতে পচনশীল সামগ্ৰী অৰ্থাৎ যিবোৰ কৃষক উৎপাদিত সামগ্ৰী সোনকালে বেয়া হৈ যায় সেই সামগ্ৰীসমূহক অগ্ৰাধিকাৰ দিয়া হয়। যেনে- মাছ, মাংস, গাখীৰ ইত্যাদি।

লগতে পঢ়ক- জৈৱিক কৃষি কৰা কৃষকলৈ বছৰি ১০,৮০০ টকাৰ ৰাজসাহাৰ্য! জানক সম্পূৰ্ণ বিবৰণ