জালুক আমাৰ দৈনন্দিন খাদ্য তালিকাত ব্যৱহাৰ কৰা এবিধ মছলা । ৰান্ধনীশালত যেতিয়াই কোনো মছলাযুক্ত আহাৰ তৈয়াৰ কৰা হয় বা সেউজীয়া চালাডৰ গুণ অধিক সোৱাদযুক্ত কৰিব বিচৰো,তেতিয়া প্ৰায়ে জালুকৰ ব্যবহাৰ কৰো । পিহি লোৱা জালুকৰ গুড়ি চালাডৰ উপৰিও কটা ফল বা দাইল, শাকৰ ব্যঞ্জন আদিৰ ওপৰতো ব্যৱহাৰ কৰা হয় ।
আহকচোন,জালুকৰ কেইটামান বিশেষ গুণাগুনৰ কথা আলোচনা কৰো -
(১) ছালত কোনোধৰণৰ ফোহাঁ উঠিলে কেইটামান জালুক এখন শিলৰ পতাত পানীৰে সৈতে পিহি অনামিকা আঙুলিৰে কেৱল ফোহাঁটোত লগাই দিলে সেই ফোহাঁটো বহি যায় ।
(২) এটা জালুক বেজিৰে ফুটা কৰি সেইটো চাকিৰ শিখাত জ্বলিবলৈ দিয়ক । এতিয়া তাৰ পৰা যি ধোৱাঁ ওলায়, সেইখিনি নাকেৰে টানি শৰীৰৰ ভিতৰলৈ যাবলৈ দিয়ক । এনে কৰিলে মূৰৰ বিষ দূৰ হয় ।
(৩) আধা চামুচ জালুকৰ গুড়িৰ লগত অকণমান ঘিউ মিহলাই পুৱা গধূলি নিয়মিত ৰুপত খালে চকুৰ দৃষ্টিশক্তি বাঢ়ে ।
(৪) চাৰি পাঁচটা জালুকৰ লগত পোন্ধৰটা খিচমিচৰ দানা চোবাই খালে কাহৰ ক্ষেত্ৰত লাভজনক হয় ।
(৫) যদি জ্বৰত ভোগে,তুলসী আৰু জালুক দি চাহ তৈয়াৰ কৰি খালে কিছু আৰাম পোৱা যায় ।
(৬) আপোনাৰ ৰক্তচাপ(blood presure) আছে নেকি ? তেন্তে দিনত দুই তিনিবাৰ পাঁচটা জালুকৰ লগত ২১ টা খিচমিচৰ দানা সেৱন কৰাৰ অভ্যাস কৰক ।
(৭) জালুকে শৰীৰৰ মেদ হ্ৰাস কৰাৰ ক্ষেত্ৰতো সহায় কৰে । শৰীৰৰ ওজন কমাবলৈ অন্য উপায় অৱলম্বন কৰাৰ লগতে আপোনাৰ আহাৰত জালুকৰ পৰিমাণ বৃদ্ধি কৰক ।
Share your comments