Krishi Jagran Tamil
Menu Close Menu

কম খৰচতে আৰু অতি সহজলভ্য উপাদানেৰে কেনেকৈ আপোনাৰ চুলিখিনিৰ যত্ন ল'ব পাৰে চাঁও আহক -

Tuesday, 06 April 2021 07:19 PM
Tips for Hair care

Tips for Hair care

    আপুনি আপোনাৰ চুলখিনিৰ যত্ন অতি কম খৰচতে আৰু কিছুমান সহজলভ্য উপাদানেৰে কিদৰে যত্ন লব পাৰে আৰু চুলিৰ নানান সমস্যাৰ পৰা ৰক্ষা পাব পাৰে তাকে আজি আলোচনা কৰিম-

    একোছা ঘন, মিহি, উজ্জ্বল, লহপহিয়া চুলিৰ গৰাকী হবলৈ আমি সকলোয়ে বিচাৰো, নহয় জানো? পুৰুষ মহিলা উভয়ে স্বাস্থ্যবান সুন্দৰ চুলিৰ গৰাকী হোৱাৰ বাবে কত যে কি নকৰে, দামী দামী চেলুন, পার্লাৰত কেৱল চুলিখিনিৰ বাবে হাজাৰ হাজাৰ টকা খৰচ কৰো। কিন্তু তেনে কৰাৰ ফলত চুলিত নানা ধৰণৰ ৰাসায়নিক দ্ৰব্য প্ৰয়োগ কৰাৰ বাবে আমাৰ নানা ধৰণৰ পার্শ্বক্রিয়া হোৱা দেখা যায়। তাৰোপৰি আন কিছুমান সমস্যা টোপনি ক্ষতি, মানসিক চাপ, আসোঁৱাহ পূৰ্ণ খাদ্যাভ্যাস আদিৰ বাবে বেছিভাগ লোকৰে কম বয়সতে চুলি পকা, চুলি সৰা, তপা হোৱা, চুলি ৰুক্ষ হোৱা, ফটা আদি বিভিন্ন সমস্যাই দেখা দিয়ে। এনেবোৰ সমস্যা সমাধানৰ বাবে আমি ঘৰতে বা অতি সহজতে উপলব্ধ কিছুমান উপদান ব্যৱহাৰ কৰি সুফল পাব পাৰো। গতিকে চাওঁ আহকচোন এই সম্বন্ধে -

1. পিয়াঁজ(Onion) -

   সুন্দৰ আৰু শক্তিশালী চুলিৰ বাবে পিয়াঁজৰ প্ৰয়োগ অতীজৰ পৰাই কৰি অহা হৈছে আৰু ই এবিধ অতি কার্য্যকৰী আৰু ঘৰুৱা সহজ উপায়। পিয়াঁজত প্ৰচুৰ পৰিমাণে ছালফাৰ(sulpher) পোৱা যায়। পিঁয়াজে কোষ সমূহত কোলাজেন(collagen) সৃষ্টি কৰি চুলি গজাত সহায় কৰে। তাৰোপৰি ইয়াৰ এন্টিফাংগেল গুণৰ বাবে মূৰৰ ছালত হব পৰা বিভিন্ন ধৰণৰ সংক্ৰমণ ৰোধ কৰিব পাৰে।

কেনেকৈ ব্যৱহাৰ কৰিব -

 প্রথমতে পিয়াঁজ এটা ঘঁহি তাৰ ৰস উলিয়াই লব। সেই ৰস চুলিৰ গুৰিৰ পৰা আগলৈ ভালদৰে লগাব। তাৰ পিছত প্রায় 10-15 মিনিটমানৰ ভিতৰত কোমল চেম্পুৰে ধুব লাগে। এইদৰে সপ্তাহত এবাৰ বা দুবাৰ কৰিব আৰু কম দিনৰ ভিতৰতে পৰিপর্তন লক্ষ্য কৰিব। দেখিব আপোনাৰ চুলি ঘন, মিহি আৰু চিকচিকিয়া হৈ পৰিছে।

আৰু পঢ়ক- আপুনি এজন মীন পালক নেকি? কম খৰচতে কেনেদৰে পোনা উৎপাদন কৰিব পাৰে শিকি লওক -

2. আমলখি(Indian gooseberry)-

    আমাৰ আটাইৰে পৰিচিত আৰু সহজলভ্য ফল আমলখিয়ে আমাৰ চুলিৰ বাবে যথেষ্ট পুষ্টি যোগান ধৰিব পাৰে। কিয়নো আমলখি নানা প্রকাৰৰ পুষ্টিকৰ উপদানেৰে সমৃদ্ধ। আমলখিত প্ৰচুৰ পৰিমাণে থকা তত্ববিধ হৈছে ভিটামিন-চি। চি ভিটামিনে চুলি গজা আৰু দীঘল হোৱাত সহায় কৰে। তাৰোপৰি আমলখিয়ে চুলি ক'লা কৰাটো সহায় কৰে।

ব্যৱহাৰৰ বিধি-

   দুই চামুচ কেঁচা আমলখিৰ ৰস বা পাউদাৰ সম পৰিমাণৰ নেমুৰ ৰসৰ লগত মিহলাই চুলি আৰু চুলিৰ গুৰিত লগাব লাগে। তাৰপিছত চুলিখিনি শুকাবলৈ দিব লাগে। শুকোৱাৰ পিছত কুহুমীয়া গৰম পানীৰে চুলিখিনি ধুই পেলাব লাগে। এইদৰে কিছুদিন কৰাৰ পাছত দেখিব আপোনাৰ চুলি ঘন দীঘল লহপহীয়া হৈ পৰিছে। 

3. মেথিগুটি(Fenugreek seeds)-

  অতীজৰে পৰাই মেথিগুটি চুলিৰ বিভিন্ন সমস্যাৰ মহৌষধি হিচাপে গণ্য কৰা হয়৷ মেথিগুটিত থকা প্ৰটিন আৰু নিক'টিনিক এচিডে চুলিৰ ফলিকল সমূহক উত্তেজিত কৰি চুলি গজাত সহায় কৰে। তাৰোপৰি মেথিয়ে চুলি যথেষ্ট মিহি আৰু উজ্জ্বল কৰি তোলে। উফিৰ সমস্যা থকাসকলে মেথি প্ৰয়োগৰ ফলত যথেষ্ট সুফল লাভ কৰিব পাৰে।

ব্যৱহাৰৰ বিধি-

  এক বা দুই চামুচ মেথিগুটি ৰাতি পানীত তিয়াই থব লাগে। পিছদিনা পুৱা ভালদৰে মিহিকৈ পিচি লব লাগে। তাত অলপ নাৰিকল তেল বা নাৰিকলৰ গাখীৰ মিহলাই চুলিত সানিব লাগে। আধাঘণ্টা পাছত কোমল শেম্পুৰে চুলিখিনি ধুই পেলাব লাগে। এইদৰে কিছুদিন কৰাৰ পাছত আপুনি নিজেই অনুভৱ কৰিব আপোনাৰ চুলিখিনি কিমান সুন্দৰ হৈছে। মেথিগুটিৰ সলনি কেঁচা মেথিশাকো ব্যৱহাৰ কৰিব পাৰে।

আৰু পঢ়ক- আপুনি সচৰাচৰ খাই থকা কাঠফুলা দেহৰ বাবে উপযুক্ত হয় নে নহয় কেনেকৈ চিনাক্ত কৰিব? নে আপুনি বিষাক্ত কাঠফুলা খাই আছে? সকলো ইয়াত জান লওক

Hair care Tips for hair growth How to care hair in summer

Share your comments

Krishi Jagran Assamese Magazine Subscription Online Subscription

CopyRight - 2021 Krishi Jagran Media Group. All Rights Reserved.