ক্ষুদ্ৰ আৰু মজলীয়া শ্ৰেণীৰ কৃষকসকলৰ উপাৰ্জনৰ পৰিপূৰক হিচাপে প্ৰধানমন্ত্ৰী কিষাণ সন্মান নিধি (PM-Kisan Sanmman Nidhi ) আঁচনি আৰম্ভ কৰা হৈছিল । এই আঁচনিৰ অধীনত ক্ষুদ্ৰ আৰু মজলীয়া কৃষকসকলক বছৰি ৬,০০০ টকাৰ আৰ্থিক সাহাৰ্য্য প্ৰদান কৰা হয় । এই আঁচনিখন কৃষকসকলৰ আধাৰৰ বিৱৰণৰ সৈতে সংযুক্ত, যত কৃষক আৰু পৰিয়ালৰ সকলো সদস্যৰ বিৱৰণ ভূমি ৰেকৰ্ডত আছে । ডিজিটেল ইণ্ডিয়া উদ্যোগৰ সৈতে এই আঁচনিয়ে দেশৰ ১২ কোটি কৃষকৰ বাবে প্ৰধানমন্ত্ৰী কিষাণৰ লাভালাভ প্ৰাপ্ত কৰাটো সম্ভৱ কৰি তুলিছে ।
প্ৰধানমন্ত্ৰী কিষাণ সন্মান নিধি (PM-Kisan Sanmman Nidhi ) আঁচনিৰ অধীনত বছৰি ৩ টা কিস্তিত চৰকাৰে এই আঁচনিৰ ধন প্ৰত্যক্ষভাৱে কৃষকক প্ৰদান কৰে আৰু যোগ্য কৃষকৰ একাউণ্টলৈ চৰকাৰে এটা কিস্তিত ২০০০ টকাকৈ স্থানান্তৰ কৰে । এতিয়ালৈকে এই আঁচনিখনৰ ৯টা কিস্তিৰ ধন কৃষকৰ একাউণ্টত জমা কৰা হৈছে আৰু দশম কিস্তিটো ১৫ ডিচেম্বৰৰ আশে পাশে জমা হোৱাৰ সম্ভাৱনা আছে । কৃষকসকলে প্ৰধানমন্ত্ৰী কিষাণ সন্মান নিধি যোজনাৰ অধীনত দশম কিস্তিৰ বাবে অপেক্ষা কৰি আছে ।
বিগত বৰ্ষৰ ২৫ ডিচেম্বৰ ২০২০ ত প্ৰধানমন্ত্ৰী কিষাণ সন্মান নিধি আঁচনিৰ ধন কৃষকসকলৈ স্থানান্তৰ কৰা হৈছিল । এই পৰ্যন্ত ১১.৩৭ কোটি কৃষকৰ একাউডণ্টত প্ৰত্যক্ষভাৱে ১.৫৮ লাখ কোটি টকা স্থানান্তৰ কৰা হৈছে । যিসকল কৃষকে নৱম (9th) কিস্তি লাভ কৰিবলৈ সক্ষম হোৱা নাই সেইসকল কৃষকৰ একাউণ্টত একেলগে ২টা কিস্তি অৰ্থাৎ ৪০০০ টকা স্হানান্তৰ কৰা হ’ব । কিন্ত এই সুবিধা ৩০ ছেপ্তেম্বৰৰ আগত পঞ্জীয়ণ কৰা কৃষকসকলে লাভ কৰিবলৈ সমৰ্থ হ’ব।
প্ৰধানমন্ত্ৰী কিষাণ সন্মান নিধি আঁচনি (PM-KSNY) ৰ দশম (10th) কিস্তি কেনেদৰে পৰীক্ষণ কৰিব:
- পদক্ষেপ 1 - চৰকাৰৰ অফিচিয়েল ৱেবছাইটলৈ যাওক - https://pmkisan.gov.in/
- পদক্ষেপ 2 - এতিয়া হোমপেজত ‘Farmer Corner Section’ বিচাৰক
- পদক্ষেপ 3- ‘Beneficiary Status’ বিকল্পত ক্লিক কৰক
- পদক্ষেপ 4- ইয়াৰ পিছত আপোনাৰ আধাৰ নম্বৰ বা একাউণ্ট নম্বৰ বা ম'বাইল নম্বৰ এণ্টাৰ কৰক
- পদক্ষেপ 5 - তাৰ পিছত ‘Get Data’ ক্লিক কৰক
ইয়াৰ পিছত হিতাধিকাৰীসকলৰ সম্পূৰ্ণ তালিকা দিয়া হ'ব য'ত আপুনি আপোনাৰ নাম পৰীক্ষা কৰিব পাৰে।
লগতে পঢ়ক ঃ
E-Shram Card: ১০ কোটি শ্ৰমিকে লাভ কৰিলে ই-শ্ৰম কাৰ্ড, জানক ইয়াৰ লাভলাভ আৰু ৰেজিষ্ট্ৰেশ্যন প্ৰক্ৰিয়া
Share your comments