কাভুনি চিঅ’-৫৭ (‘Kavuni Co-57’) :

তামিলনাডু কৃষি বিশ্ববিদ্যালয়ে শেহতীয়াকৈ কাভুনি ‘চিঅ' নামৰ এবিধ নতুন জাতৰ ধান উদ্ভাৱন কৰিছে। এই ধানবিধৰ পৰা কৃষকসকলে আন ধানতকৈ দুগুণ উৎপাদন পোৱাৰ আশা কৰা হৈছে। ই ভাৰতৰ কিছু অংশকে ধৰি তামিলনাডুত বিশেষভাৱে উৎপাদিত ধান খেতিৰ এক জনপ্ৰিয় জাত। নতুন জাতৰ ধান ‘কাভুনি চিঅ'-৫৭’য়ে তামিলনাডুত ধান খেতিৰ ক্ষেত্ৰত এক বৈপ্লৱিক পৰিৱৰ্তন আনিব বুলি আশা কৰা হৈছে কাৰণ ইয়াৰ উৎপাদন সম্ভাৱনা অধিক আৰু পুষ্টিকৰ পৰিমাণ অতি বেছি।

কাভুনি চিঅ’-৫৭ৰ উচ্চ উৎপাদন সম্ভাৱনা

কাভুনি কো-৫৭ হৈছে সাধাৰণ কাভুনী ধানতকৈ দুগুণ উৎপাদনৰ সম্ভাৱনা থকা ধানৰ মধ্যমীয়া শস্যৰ ক’লা চাউলৰ জাত। কাভুনি কো-৫৭ৰ পৰা প্ৰতি হেক্টৰত ৪৬০০ কিলোগ্ৰাম ধান উৎপাদন পোৱা যায়। বৰ্তমান কৃষকসকলে ব্যৱহাৰ কৰা কাভুনী জাততকৈ ১০০% বেছি উৎপাদন দিয়ে বুলি জানিব পৰা গৈছে। এনে পৰিস্থিতিত কাভুনি ‘চিঅ'-৫৭ৰ নতুন জাতটোৱে জীৱিকাৰ বাবে ধান খেতিৰ ওপৰত নিৰ্ভৰশীল সেই কৃষকসকলৰ বাবে গেম চেঞ্জাৰ হিচাপে প্ৰমাণিত হ’ব পাৰে।

লগতে পঢ়ক- 

কুমকুম ভেণ্ডিৰ খেতিত আচৰিত লাভ, বহিঃৰাজ্যতো চাহিদা বৃদ্ধি

যিকোনো ঋতুতে খেতি কৰিব পাৰি

ইয়াৰ আটাইতকৈ গুৰুত্বপূৰ্ণ কথাটো হ’ল ইয়াৰ খেতি যিকোনো বতৰৰ বাবে উপযোগী। অৰ্থাৎ বছৰটোৰ ভিতৰত যিকোনো ঋতুতে ইয়াৰ খেতি কৰিব পাৰি। এই তথ্য তামিলনাডু কৃষি বিশ্ববিদ্যালয়ৰ উপাচাৰ্য ভি গীতালক্ষ্মীয়ে নিজেই কাভুনি ‘চিঅ'-৫৭ জাতৰ উন্মোচনৰ সময়ত কৈছিল।

কম সময়ৰ ভিতৰতে ইয়াৰ শস্য সাজু হৈ উঠে

কাভুনি কো-৫৭ চপোৱাত ১৩০-১৩৫ দিন সময় লাগে, যিটো আন কাভুনী জাতৰ তুলনাত অতি কম। অৰ্থাৎ ইয়াৰ শস্য সোনকালে সাজু হয়, যাৰ বাবে কৃষকসকলে সময় ৰাহি কৰাৰ লগতে কম সময়ৰ ভিতৰতে ভাল লাভৰ সুযোগ পাব।

Kavuni Co-57 স্বাস্থ্যৰ বাবে অতি উপকাৰী !

পৰম্পৰাগত জাতৰ কাভুনীতকৈ ই ১০০% বেছি ৰোগ প্ৰতিৰোধী। ইয়াৰ লগতে ইয়াত উচ্চ পুষ্টিকৰ উপাদান পোৱা যায়। ইয়াত আঁহ আৰু প্ৰটিন বেছি আৰু কাৰ্বহাইড্ৰেট কম হোৱাৰ বাবে ই আন জাতৰ চাউলতকৈ স্বাস্থ্যকৰ বিকল্প। একে সময়তে তামিলনাডু কৃষি বিশ্ববিদ্যালয়ৰ উদ্ধৃতিৰে কোৱা হৈছে যে ফ্লেভন’ইডৰ উপস্থিতিৰ বাবে কাভুনিৰ কাৰ্চিনোজেনিক প্ৰতিৰোধী গুণো আছে। অৰ্থাৎ ক’ব পাৰি যে ইয়াক খালে কেন্সাৰৰ দৰে ৰোগো আৰোগ্য হ’ব পাৰে।

লগতে পঢ়ক- 

এইবাৰ কৃষকসকলে পৰীক্ষামূলকভাৱে ২-৩ বিঘামান মাটিত লাৱন্য ধানৰ খেতি কৰক