অধিক উৎপাদনৰ বাবে কৃষিৰ ক্ষেত্ৰত প্ৰচুৰ পৰিমাণে ৰাসায়নিক সাৰ ব্যৱহাৰে হ্ৰাস কৰিছে মাটিৰ নিজা উৎপাদন ক্ষমতা । এই সন্দৰ্ভত ৰাষ্ট্ৰীয় ৰেইনফেড এলেকা প্ৰাধিকৰণৰ (NRAA)মুখ্য কাৰ্যবাহী বিষয়াই প্ৰকাশ কৰিছে এক উদ্বেগজনক তথ্য ।
ৰাষ্ট্ৰীয় ৰেইনফেড এলেকা প্ৰাধিকৰণৰ মতে, ভাৰতৰ কৃষি ভূমিত ০.৩ শতাংশৰ পৰা ১ শতাংশ হ্ৰাস পাইছে মাটিত থকা জৈৱিক কাৰ্বনৰ পৰিমাণ । NRAA ৰ মুখ্য কাৰ্যবাহী বিষয়া অশোক ডালৱাই মহাৰাষ্ট্ৰৰ নাগপুৰত সংবাদ মাধ্যমৰ আগত কয় যে, কাৰ্বনে মাটিৰ উৰ্বৰতা বৃদ্ধিৰ লগতে মাটিৰ পানী ধাৰণ ক্ষমতা প্ৰদান কৰে ।
বৰ্তমান মাটিত কাৰ্বনৰ পৰিমাণ এনেধৰণে হ্ৰাস পাইছে যে, ই মাটিৰ উৎপাদন ক্ষমতাক প্ৰভাৱিত কৰিছে । মাটিত কাৰ্বনৰ পৰিমাণ হ্ৰাস পালে মাটিত থকা অণুজীৱবোৰ জীয়াই থকা জটিলতা আহি পৰে । উদ্ভিদক পুষ্টি প্ৰদান কৰাত অণুজীৱবোৰে এক গুৰুত্বপূৰ্ণ ভূমিকা পালন কৰে ।
তেওঁ বিশ্বাস কৰে, মাটিত অত্যাধিক ৰাসায়নিক কীটনাশক ব্যৱহাৰ কৰাৰ বাবে হ্ৰাস পাবলৈ ধৰিছে মাটিৰ কাৰ্বনৰ পৰিমাণ । ইয়াৰ বাবে কৃষক সকলে উৎপাদন প্ৰক্ৰিয়াত ৰাসায়নিক সাৰৰ হ্ৰাস কৰি জৈৱিক হাৰ ব্যৱহাৰত গুৰুত্ব দিব লাগিব ।
কৃষিৰ ক্ষেত্ৰত জৈৱিক সাৰ ব্যৱহাৰে মাটিৰ উৎপাদন ক্ষমতা বৃদ্ধি কৰে । আমাৰ ভাৰতবৰ্ষৰ ৫১ শতাংশ কৃষি ভূমিত জলসিঞ্চনৰ ব্যৱস্থা কৰা হৈছে যদিও ই এতিয়াও বৰষুণৰ ওপৰত নিৰ্ভৰশীল ।
লগতে পঢ়কঃ সু-স্বাস্থ্যৰ বাবে বাছনি কৰক এই ৫ বিধ পাচলি
Share your comments