চাহৰ গছৰ পাত চিঙাৰ সময় আৰম্ভ হোৱাৰ লগে লগেই গ্ৰীণ ফ্লাইট জেচিদ পোকৰ আক্ৰমণ আৰম্ভ হয় । অৰ্থাৎ মে' মাহৰ পৰা জুন মাহ পৰ্যন্ত এই পোকৰ আক্ৰমণ হোৱা দেখা যায় ।
বসন্তকাল অহাৰ লগে লগে খেতিয়ক সকলে চাহ পাত চিঙাৰ আৰম্ভ কৰে । কিন্তু এই সময়ছোৱাতে চাহ বাগান সমূহত ব্যাপক হাৰত পোকৰ আক্ৰমণ হোৱাৰ দেখা যায় । যাৰ ফলত বজাৰত চাহ পাতৰ চাহিদা থকাৰ পাছতো বৃহৎ লোকচানৰ সন্মুখীন হ'বলগীয়া হয় খতিয়ক সকলে ।
পূর্ণাংগ আৰু অ- পূর্ণাংগ দুয়োটা অৱস্থাতে গ্ৰীণ ফ্লাইট জেচিদ পোকে চাহগছৰ কোমলীয়া পাতৰ তলফালৰ পৰা পাতৰ ৰস শুহি খায় । ফলত পাতবোৰ ক্রমান্বয়ে তললৈ ধেনুভিৰিয়া হৈ পৰে আৰু মূগাবৰণীয়া হৈ শুকাবলৈ ধৰে ।
গ্ৰীণ ফ্লাইট জেচিদ পোকৰ আক্ৰমণ কেনেদৰে নিয়ন্ত্ৰণ কৰিব?
- এই পোক বিধৰ পৰা পৰিত্ৰাণ পাবলৈ হ'লে প্ৰথমে আপুনি চাহ বাগানৰ বন-বাত মুক্ত কৰি ৰাখিব লাগিব ।
- Quinalphos/Chloropyriphosৰ ৫০০ মিলি লিটাৰ দৰব ২০০ লিটাৰ পানীত মিহলাই ১৫ দিনৰ মূৰে মূৰে দুবাৰ স্প্রে কৰক ।
- দৰৱ স্প্রে কৰোতে পাতৰ দুয়োফালে তিতি যোৱাকৈ স্প্রে কৰিব লাগে।
- একেবিধ দৰৱ বাৰে বাৰে প্ৰয়োগ কৰাতকৈ বিধে বিধে ব্যৱহাৰ কৰিলে কীট-পতংগৰ নিয়ন্ত্রণ কৰিব পাৰি ।
- নিশ্চিত আৰু অধিক তথ্যৰ বাবে কৃষি বিশেষজ্ঞৰ লগত যোগাযোগ কৰক ।
লগতে পঢ়কঃ চাহ বাগানত হেল’পেলটিছ নিয়ন্ত্ৰণৰ উপায়; জানিবলৈ সৰ্বিশেষ পঢ়ক...
English Summary: How to prevent insect attacks on tea gardens?
Published on: 22 April 2022, 10:07 IST