যদি আপুনি আপোনাৰ ঘৰৰ বাৰীত ফলমূল আৰু শাক-পাচলি ৰোপণ কৰিবলৈ ভাল পায়, তেন্তে জৈৱিক সাৰ দি গছ-গছনিবোৰ ভালদৰে ডাঙৰ কৰিব পাৰে। কাৰণ জৈৱিক সাৰক মাটিৰ বাবে ‘ক’লা সোণ’ বুলি গণ্য কৰা হয়।
আজিকালি বজাৰত জৈৱিক কৃষিজাত সামগ্ৰীৰ চাহিদা অতি দ্ৰুতগতিত বৃদ্ধি পাইছে। নিজৰ স্বাস্থ্যৰ প্ৰতি সচেতন হৈ পৰাৰ লগে লগে কৃত্ৰিম সাৰ আৰু কীটনাশক ছটিয়াই দিয়া শাক-পাচলি আৰু ফল-মূলৰ পৰা নিজকে আঁতৰাই ৰাখিছে। এনে পৰিস্থিতিত জৈৱিক সাৰৰ চাহিদা অধিক। কাৰণ জৈৱিক সাৰ ব্যৱহাৰ কৰিলে শস্যৰ মান উন্নত হোৱাই নহয়, মাটিৰ উৰ্বৰতাও অটুট থাকে। খেতিৰ ক্ষেত্ৰত জৈৱিক গোবৰক সাধাৰণতে "ক'লা সোণ" বুলিও কোৱা হয় কাৰণ ইয়াৰ মাটিৰ বাবে বহুতো উপকাৰ পোৱা যায়। জৈৱিক পচন সাৰ তৈয়াৰ কৰাটো কৃষকৰ বাবে আৱৰ্জনা হ্ৰাস কৰাৰ লগতে ধন ৰাহি কৰাৰ এক উত্তম উপায়। জৈৱিক সাৰৰ বিষয়ে আৰু ইয়াক কেনেকৈ বনাব পাৰি জানো আহক।
লগতে পঢ়ক-
black Ridge gourd farming : জানুৱাৰী-ফ্ৰেব্ৰুৱাৰীতে কৃষকসকলে আৰম্ভ কৰক নেডাৰলেণ্ডৰ ক’লা জিকাৰ খেতি
Black Gold বনাবলৈ কি প্ৰয়োজন?
যদি আপুনি এজন অপেশাদাৰী কৃষক বা মালিক হয় তেন্তে আপুনি ঘৰতে জৈৱিক পচন সাৰ তৈয়াৰ কৰিব পাৰে। পচন প্ৰস্তত কৰা ঠাইডোখৰ শুকান আৰু অলপ ছাঁ পৰা ঠাইত থাকিব লাগে, য’ত পানীৰ উৎস এটা ওচৰতে থাকে। শাক-পাচলি আৰু ফলৰ খোলা, পচি যোৱা শাক-পাচলি আৰু ফল-মূল, শাক-পাচলি আৰু ফলৰ টুকুৰা, কফিৰ গুড়ি, চাহৰ বেগ, কণীৰ খোলা, টানি অনা অপতৃণ, ঘাঁহৰ টুকুৰা আৰু শুকান পাত আদিৰে পচন সাৰৰ স্তূপ আৰম্ভ কৰিব পাৰি। কাৰ্বন সমৃদ্ধ পচন সাৰ তৈয়াৰ কৰিবলৈ কাৰ্বন সমৃদ্ধ সামগ্ৰী যেনে-ৰুটি, খৰিৰ ছাই, প্ৰাকৃতিক আঁহ, চুলি, কলা, মৰা আৰু শুকান উদ্ভিদৰ সামগ্ৰী, কাগজৰ খেৰ, কাৰ্ডবৰ্ড, বাতৰি কাকত আৰু কাঠৰ টুকুৰা ব্যৱহাৰ কৰিব লাগে। কিন্তু কিছুমান বিশেষ পেলনীয়া সামগ্ৰী আছে যিবোৰ পচন সাৰ হিচাপে ব্যৱহাৰ কৰিব নোৱাৰি কাৰণ সেইবোৰ সহজে ভাঙি নাযায় আৰু ই আন সামগ্ৰীৰ ভাঙি যোৱাৰ প্ৰক্ৰিয়াত বাধাৰ সৃষ্টি কৰিব। এইবোৰৰ ভিতৰত ৰন্ধন তেল, ৰোগীয়া উদ্ভিদ, শেহতীয়াকৈ শোধন কৰা গছৰ টুকুৰা, প্লাষ্টিক আৱৰণযুক্ত কাগজ, কাঁচ আৰু কয়লাৰ ছাই। দুগ্ধ বা মাংসৰ সামগ্ৰীও পচন সাৰৰ স্তূপত অন্তৰ্ভুক্ত কৰিব নালাগে।
পচন সাৰৰ স্তূপ কেনেকৈ বনাব লাগে-
পচন সাৰৰ স্তূপ বনাবলৈ হ’লে কমেও ৩ ফুট ওখ দিঘল আৰু বহল নিজৰ সুবিধা অনুসৰি কৰি চিমেন্টৰ এটা চাৰিচুকীয়া বাকছ বনাব লাগে। পানীৰ উৎসৰ ওচৰত ছাঁয়াময় ঠাইত সকলো সেউজীয়া (পাকঘৰৰ আৱৰ্জনা) বস্তু বাদামী (বাগিচা বা কাগজৰ আৱৰ্জনা)ৰ সৈতে মিহলাই লওক। পচন সাৰৰ স্তূপ শুকান হ’লে তাত অধিক পানী বা সেউজীয়া আৱৰ্জনা দিব। আনহাতে যদি তিতি থাকে তেন্তে তাত অধিক বাদামী আৱৰ্জনা দিব। তাৰ পিছত সপ্তাহত অন্ততঃ এবাৰ বাগিচাৰ কাঁটাচামুচেৰে পচন সাৰৰ স্তূপটো জোকাৰি দিব যাতে স্তূপটোত অক্সিজেন সোমাব পাৰে। নিয়মীয়াকৈ লৰাই দিলে ইয সোনকালে হ’ব আৰু দুৰ্গন্ধৰ সৃষ্টি নকৰিব। এনেদৰে আপোনাৰ ঘৰুৱা আবৰ্জনাৰ পৰাই সৃষ্টি কৰিব পাৰিব পচনসাৰ। মাটিৰ বাবে কলা সোণ।
লগতে পঢ়ক-