মাজুলিৰ এজন এজন উদ্যমী কৃষকৰ সফলতাই চকু কঁপালত উঠাব আপোনাৰ। দীৰ্ঘদিন ধৰি মাজুলিৰ আঁহতগুৰি গাঁৱৰ বাসিন্দা মুনিন্দ বৰাই ব্ৰহ্মপুত্ৰৰ বালিচৰত বতৰৰ বিভিন্ন শস্যৰ খেতিৰে নিজকে স্বাৱলম্বী কৰি তুলিছে।
তেওঁ জানিবলৈ দিয়া মতে, ২০১২ চনৰ পৰা ব্ৰহ্মপুত্ৰ বালিচৰত তেওঁ খেতি কৰি আহিছে। প্ৰায় দহ-পোন্ধৰ বিঘা মাটিত তেওঁ বেঙেনা খেতি কৰে। আৰু কেৱল বেঙেনা খেতিৰ পৰাই তেওঁ বছৰি ১০-১২ লাখ টকা উপাৰ্জন হয় বুলি জানিবলৈ দিয়ে।
লগতে পঢ়ক-
ষ্ট্ৰবেৰীৰ খেতিৰে এবছৰত ১,৪০,০০০ টকা উপাৰ্জন কৃষক পুলিন বৰুৱাৰ
কেৱল বেঙেনা খেতিয়েই নহয়। বতৰৰ বিভিন্ন শস্যৰ খেতি কৰে তেওঁ। বৰ্তমান তেওঁ ষ্ট্ৰবেৰী খেতিতো হাত দিছে। ছবিত দেখি থকা এই নেমুৰ বস্তাবোৰ তেওঁৰ গছৰে। এটা নেমুত ৫ টকাকৈ বিক্ৰি কৰিলেও আপুনি অনুমান কৰক এই বস্তাকেইটাত থকা নেমুখিনিত কিমান টকা পাব।
ভালকৈ কাম কৰিলে, কষ্ট কৰিবলৈ ভয় নকৰিলে সফলতা নিজে নিজে আহে। জানিব পৰা মতে, তেওঁৰ সফলতাত ৰাজ্যৰ কৃষিবিভাগৰ অৰিহণা আছে। তেওঁক ৰাজ্যৰ কৃষি বিভাগে বিভিন্ন সময়ত সহায়-সহযোগিতাৰ লগতে উৎসাহ যোগাই আহিছে।
লগতে পঢ়ক-
Share your comments